Romano 6:13 - Tachi Ak'õre Pedea

¹³ Mãra k'ak'uá itu nemietá oopirãt'ɨ. Mãɨpari ara mãra Tachi Ak'õrea teat'ɨ. Mãra nemietaade piu p'anana Tachi Ak'õre pae chok'ae p'aneesidama. Mãɨpuru mãra k'ak'ua Tachi Ak'õrea teat'ɨ jĩp'a oodai k'orea.

Romano 6:13 ပူးပေါင်းရင်းမြစ်များ

Luca 15:32

Maamina naapae sõ arapaadai pia bɨma, pɨ ũpẽa piuda jĩra bada chok'ae bɨẽra; chi atua bada unusidaɨdeepuru”».

Juan 5:24

»Mɨa piarã jararuma: abaɨpa mɨ pedea ũrik'ari mɨ Peeda ĩjãaipɨra, mãɨ ẽpẽra ichi ome ewaricha chok'ae baipɨ. Tachi Ak'õrepa ichi ɨtɨaiwẽma. Piarã mãɨ ẽpẽra piu bada chok'ae bɨma.

Romano 1:29

Nejõma k'achia oopatama. K'ĩra p'erai bɨ oopatama, ne minachia uru p'ananai k'ɨ̃riapatama, waapẽarã piawẽa oopatama, waapẽarãpa uru bɨ k'orea piawẽa k'ɨ̃risiapatama, mĩa peapatama, k'ĩruu pedeapatama, waapẽarã seapatama, waapẽarã k'orea k'achia k'ɨ̃risiapatama mãɨnepa waapẽarã k'orea seajarapatama.

Romano 12:1

Mãɨpa ũpẽarã, Tachi Ak'õrepa mãra k'ĩra chupuriada pẽra, mɨa mãrá chichupuria idiruma ara machi Tachi Ak'õrea teadamẽrá, ãnimara peadak'ari, paateapata jĩra. Mãɨ ãnimara piuda k'aepẽra, ichi pae pia p'anat'ɨ mãra pia unumẽrá.

Romano 6:11

Ara mãɨ jĩra k'awadai p'anɨma mãra nemietaadepema piusidat'a mãɨnepa Tachi Chipari Jesucristodepa Tachi Ak'õre pae chok'ae p'anɨ.

Romano 6:16

Mãrapa k'awa p'anɨma ara mastu abaɨ pae pari mimiapataɨrã p'ananai k'orea teadaipɨra, chi chiparipa jararu jõma oodai p'anɨt'a. Ara mãɨ jĩra mãrapa nemietá mãra chipari jĩra bɨdaipɨra, nemietá oodak'ari piudaipɨ. Maamina Tachi Ak'õre mãra chipari bɨdaipɨra, ichi pedea ooutade jĩp'a nipadaipɨ.

Romano 6:19

Mɨa mãɨya pedea bɨma nãɨ k'ɨ̃risia jarateai k'orea. Mãɨya jaratea bɨma mãrapa mãɨ ãarea ará k'ɨ̃risia ãyá ũripidaemaapa. Piarã naena mãrapa ara mastu teasidama nemietá pae pari mimiapataɨrã p'ananai k'orea. Mãɨya mãrapa k'ĩra p'era oosidaɨde, jõma nemietá ewaricha atepe oo p'anapachidama. Maamina naapae Tachi Ak'õre pae pari mimiapataɨrã pẽra ara mastu teat'ɨ jĩp'a oodai k'orea. Mãɨya Tachi Ak'õre pae pia p'ananaipɨ.

Romano 7:23

Maamina k'ɨ̃risia awara pida mɨ sõne bɨma. Mãɨpa mɨ eda jɨ̃a nɨbɨ uru bɨ jĩra, mɨá nemietá oopiparima. Chi mɨa pia oo k'ɨ̃ria bɨt'a mãɨ k'ɨ̃risiapa itu oopii k'ɨ̃riak'ama, nepia ooi k'ɨ̃risia ome chõo bɨ jĩra.

Romano 7:5

Tachi nãɨ k'ak'uapa oo k'ɨ̃ria bɨdepa nipasidaɨde Moisepa bɨdade jara bɨ k'orea nemietá atepe ooi k'ɨ̃riasidama. Mãɨne nemietá oo p'anɨ k'orea piudai p'anasidama.

1 Corintio 6:15

¿Mãrapa atua p'anɨk'ãra mãra k'ak'ua Cristodé? Mãɨyara ¿mɨa ará ãpua bɨik'ãra chi Cristodé, wẽra k'achia bɨ ome? ¡Mãɨyawẽma!

1 Corintio 6:20

Tachi Ak'õrepa mãra atasima. Tachi Ak'õrené pẽra mãra k'ak'uade mãɨnepa jaorede k'ĩra jĩp'a p'anat'ɨ.

1 Corintio 6:9

¿Mãrapa atua p'anɨk'ãra chi nemietá oopataɨrã Tachi Ak'õre juade p'ananaiwẽt'a, ichidirã paara? ¡Ara machi tuaba searãt'ɨ! Chi k'ak'uadepa nemietá oopataɨrã, juapa oodada sãdo k'ĩrari ɨt'aa chiidi berã, k'ima awaraɨ ome k'ãipataɨrã, ɨmɨk'ĩra wẽra jĩra beapataɨrã, ɨmɨk'ĩra abarik'aɨ ome beapataɨrã, nechɨapataɨrã, erreara awaa berã, piu nipapataɨrã, seadepa waapẽarã k'orea k'achia pedeapataɨrã mãɨnepa waapẽarã seapataɨrã sida Tachi Ak'õre p'uurude p'ananaiwẽma.

2 Corintio 10:4

Taipa chõonai k'orea uru p'anɨt'a nãɨ ĩjũanepemawẽma, mãɨpari Tachi Ak'õre jua chaareadepa taipa jõma nãɨ ĩjũanepema k'ɨ̃risiapataɨ p'uepatama.

2 Corintio 5:14

Cristopa tai k'ɨ̃ria bɨ pẽra ichia k'ɨ̃ria bɨt'a oo p'anɨma. Mãɨ k'ɨ̃risiadak'ari, piarã k'awa p'anɨma Ẽpẽra Aba piusit'a jõmãɨrã k'orea. Mãɨpuru Tachi Ak'õre k'ĩrari jõmãɨrã piusidama.

2 Corintio 5:15

Piarã Cristo jõmãɨrã k'orea piuk'ari chok'ae p'irabarisima tachi chok'ae berãpa ara tachia oo k'ɨ̃ria p'anɨ jĩra waa oopidaemaapa, mãɨpari ichia k'ɨ̃ria bɨ jĩra oo p'ananamẽrá.

2 Corintio 8:5

Mãɨne ãchia abapuru taipa k'ɨ̃risia p'anana jĩra oodaé pasima. Mãɨpari naa ara ãchit'u teasidama Tachi Chiparipa k'ɨ̃ria bɨ jĩra oodai k'orea. Mãɨ ɨ̃ari taipa jaradada oosidama. Mãɨya Tachi Ak'õrepa k'ɨ̃ria bɨ jĩra arí oosidama.

Ep'esio 2:5

nemietaade piu p'anana Cristo ome ará chok'ae bɨsima. Tachi Ak'õrepa ichi sõpiadepa mãra k'aripasima.

Ep'esio 5:14

ɨnaane ãarea unupata pẽra. Mãɨ k'orea nãɨya jarapatama: «Ɨ̃rɨmase pɨ k'ãi bɨ. Nemietaade piu bada p'irabarise. Maapae Cristopa pɨ ɨnaane bɨipɨ».

P'ilipense 1:20

Cristo k'orea mɨ mi ãpia pida p'eraiwẽa bɨma, mãɨpari ichi k'orea pedeai k'orea p'eraiwẽa bɨma. Mãɨya mɨa jõmãɨrã́ Cristo chi atepe bɨt'a k'awapiipɨ, ewaricha oo bapari jĩra. Chok'ae beeipɨra wa piuipɨra, mɨa k'ɨ̃ria bɨma jõmãɨrãpa mɨnepa k'awadait'a Cristo chi atepe bɨt'a.

Colosense 2:13

Naena mãra piu p'anasidama, ĩjãanawẽa p'anasidepa nemietá oopachida pẽra. Mãɨne tachi k'ak'uapa nemietá ooyá bɨ oopachidama. Maamina Tachi Ak'õrepa mãra Cristo ome chok'ae bɨsima. Jõma tachia nemietá oodada ichia k'ɨ̃risia atuasima.

Colosense 3:5

Mãɨpuru jõma nãɨ ĩjũanepema k'ɨ̃risia mãra sõne bɨ itu bɨt'ɨ. Awaraɨ ome k'ãirãt'ɨ, ne k'ĩra p'era oorãt'ɨ, mãra k'ak'uapa nemietá ooyá bɨ oorãt'ɨ, k'ɨ̃risia k'achia k'ɨ̃risiarãt'ɨ, mãɨnepa ne minachia uru p'ananai k'ɨ̃ria p'anarãt'ɨ. Chi ne minachia k'ɨ̃ria uru bɨt'a juapa oodada sãdo ĩjãa bɨ jĩra bɨma.

2 Tesalonicense 2:12

Mãɨ ẽpẽrarã chi piarã pedea ĩjãawẽa p'anɨrãpa nemietá oo k'ɨ̃ria p'anɨ pẽra Tachi Ak'õrepa nepɨra pará p'anɨane aipɨ.

2 Timoteo 2:15

Tachi Ak'õre pedea piarãpema arí jaratea bɨ unupi base. Mimiaparí pia bɨ jĩra jĩrak'aua oo base Tachi Ak'õrepa pɨ p'erawẽa pia unumẽrá.

Santiago 4:1

¿Mãra k'ãre k'orea chõopatama mãɨnepa k'ĩruu pedeapatama? Mãrapa nemietá oo k'ɨ̃ria p'anɨt'a mãra k'ak'uade chõo p'anɨ jĩra p'anɨma mãɨya oodamẽrá.

1 Pedro 2:24

Cristopa tachi nemietá ichi ɨ̃rɨ k'urusude ateewãsima tachi nemietaadepema piudak'ari jĩp'a p'ananamẽrá. Ichi k'ak'ua p'uak'oa p'anasidaɨdepa mãra jɨpa p'aneesidama.

1 Pedro 4:2

Mãɨ ẽpẽrapa wapida nãɨ ĩjũane bɨde nãɨ k'ak'uapa nemietá oo k'ɨ̃ria bɨt'a oo baiwẽma, mãɨpari Tachi Ak'õrepa k'ɨ̃ria bɨt'a oo baipɨ.

1 Juan 1:9

Tachi Ak'õrepa jara bɨ jĩra oopari pẽra mãɨnepa jĩp'a oopari pẽra, tachia nemietá oodada ichiá jaradaipɨra, mãɨ nemietá k'ɨ̃risia atuaipɨ. Jõma piawẽa oodada sɨɨipɨ.