Romano 6:12 - Tachi Ak'õre Pedea

¹² Mãɨpuru nemietá itu mãra chipari papirãt'ɨ. Mãɨya mãra k'ak'ua piui bɨpa nemietá oo k'ɨ̃ria bɨt'a mãrapa waa oodaiwẽma.

Romano 6:12 ပူးပေါင်းရင်းမြစ်များ

Romano 13:14

Mãɨpari Tachi Chipari Jesucristo nipada jĩra nipat'ɨ. Nãɨ k'ak'uapa nemietá oo k'ɨ̃ria bɨt'a oodai k'ɨ̃risiarãt'ɨ.

Romano 2:8

Maamina chi eda waapẽarãpa waapẽarã k'aepẽra pia p'ananai k'orea jɨrɨpatama. Mãɨpuru chi piarãpẽa pedea ĩjãanai k'ɨ̃rianak'ama mãɨnepa nemietaade p'anapatama. Mãɨ ẽpẽrarã Tachi Ak'õrepa ichi k'ĩruupidepa minachia ɨtɨaipɨ.

Romano 5:21

Piarã ẽpẽrarãpa nemietá oopata pẽra piupatama. Maamina Tachi Ak'õrepa ichi sõpiadepa ẽpẽrarã chi ichidirã jĩp'a berã paara bɨparima Tachi Chipari Jesucristodepa ewaricha ichi ome chok'ae p'ananamẽrá.

Romano 6:14

Tachi Ak'õrepa ichi sõpiadepa mãra k'aripada pẽra mãɨnepa Moisepa bɨdadepa p'anɨwẽ pẽra, nemietá waa mãra chipari paiwẽma.

Romano 6:16

Mãrapa k'awa p'anɨma ara mastu abaɨ pae pari mimiapataɨrã p'ananai k'orea teadaipɨra, chi chiparipa jararu jõma oodai p'anɨt'a. Ara mãɨ jĩra mãrapa nemietá mãra chipari jĩra bɨdaipɨra, nemietá oodak'ari piudaipɨ. Maamina Tachi Ak'õre mãra chipari bɨdaipɨra, ichi pedea ooutade jĩp'a nipadaipɨ.

Romano 8:11

Maamina ichi Jaore mãra sõne bɨ pẽra, ichidepa mãra k'ak'ua piui bɨt'a chok'ae p'irabaripiipɨ Cristo Jesú chok'ae p'irabaripida jĩra.

Romano 8:13

Mãra nãɨ k'ak'uapa oo k'ɨ̃ria bɨdepa nipadaipɨra piudaipɨ. Maamina chi nãɨ k'ak'uapa nemietá oo k'ɨ̃ria bɨt'a Tachi Ak'õre Jaoredepa itu bɨdaipɨra, Tachi Ak'õre ome chok'ae p'ananaipɨ.

2 Corintio 4:11

Piarã tai wapida chok'ae p'anɨne Jesú k'orea ẽpẽrarãpa tai pea k'ɨ̃ria p'ananaipɨ. Mãɨya tai k'ak'ua piui bɨdepa jõmãɨrãpa Jesú chok'ae bɨt'a ununaipɨ.

2 Corintio 5:4

Piarã tachi nãɨ k'ak'uade p'anɨne minachia mĩapatama mãɨnepa sõp'ua bɨdepa pedeapatama. Maamina mɨa jarawẽa bɨma tachi piu k'ɨ̃ria p'anɨ, nãɨ k'ak'ua uru p'aneenaemaapa. Mãɨpari pajãnepema k'ak'ua jita k'ɨ̃ria p'anɨma. Mãɨya tachi k'ak'ua piui bɨt'a jõk'ari tachi k'ak'ua piuk'apɨɨt'u beeipɨ.

Gálata 5:16

Mãɨ k'orea mɨa jararuma: Tachi Ak'õre Jaoredepa nipat'ɨ. Mãɨyaipɨra mãra k'ak'uapa nemietá oo k'ɨ̃ria bɨt'a oodaiwẽma.

Gálata 5:24

Cristoderãpa chi nãɨ k'ak'uapa nemietá oo k'ɨ̃ria bɨt'a k'urusude barijira bɨk'ari peasidama.

Ep'esio 2:3

Naena jõma tachi ãchi jĩra p'ɨrrɨasidama chi nãɨ k'ak'uapa nemietá ooyá bɨt'a oo p'anana pẽra. Nãɨ k'ak'uapa nemietá oo k'ɨ̃ria bɨt'a mãɨnepa tachia nemietá ooyá k'ɨ̃risia bɨt'a oo p'anasidama. Mãɨ nemietá pẽra Tachi Ak'õrepa ichi k'ĩruupidepa tachi ɨtɨai basima ãarea nemietá oopataɨrã ɨtɨapari jĩra.

Ep'esio 4:22

Ãchia jarateadada nãɨpɨ: Mãrapa naena oo p'anana jĩra waa niparãt'ɨ. Tachi k'ak'ua nemietá ooyá bɨpa sea bɨdepa tachi piawẽa p'aneepiparima. Mãɨ itu bɨt'ɨ, neet'á sore wẽapata jĩra.

1 Tesalonicense 4:5

Nãɨ k'ak'uapa nemietá ooyá bɨ oorãt'ɨ Tachi Ak'õrene ĩjãanak'apɨɨrãpa oopata jĩra.

2 Timoteo 2:22

K'ũtãarãpa nemietá oo k'ɨ̃riapataɨ jĩra oorãse. Mãɨpari jĩp'a ooi k'orea base. Jesude ĩjãa base. Jõmãɨrã k'ɨ̃ria base. Jõmãɨrã ome ne k'ɨ̃risiawẽa base. Tachi Chiparia ɨt'aa chiidipataɨrã ome sõ jĩp'a bɨdepa ãarea mãɨya base.

Tito 2:12

Mãɨpa tachiá k'awapi bɨma nejõma k'achia mãɨnepa nãɨ ĩjũanepemarãpa k'ɨ̃riapataɨ itu bɨdai p'anɨt'a. Mãɨnepa k'awapi bɨma tachi nãɨ ĩjũane p'anɨne k'ɨ̃risia piadepa tachi k'ak'ua jĩp'a ak'ɨ uru nipadai p'anɨt'a Tachi Ak'õrepa k'ɨ̃ria bɨ jĩra.

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

1 Pedro 1:14

Warra chok'ea bɨ jĩra p'anat'ɨ. Nãɨ k'ak'uapa nemietá oo k'ɨ̃ria bɨt'a waa oorãt'ɨ, Tachi Ak'õre atua p'anasidaeda oopachidaɨ jĩra.

1 Pedro 2:11

Mɨ ũpẽarã, nãɨ ĩjũane mãra tua awaraɨdepemarãpɨ. Mãɨpuru mɨa mãrá chichupuria idiruma nãɨ k'ak'uapa nemietá oo k'ɨ̃ria bɨt'a itu bɨdamẽrá. Mãɨ ara tachi ome chõo bɨma.

Juda 1:16

Mãɨ ẽpẽerã ne wariwẽa bɨ k'orea k'ĩroopatama, mãɨnepa waapẽarã k'orea ara ne wariwẽa bɨ k'orea pedeapatama. Abapuru ãchia k'ɨ̃ria p'anɨt'a jɨrɨpatama. Minachia be jĩra pedeapatama. Chi waapẽarã seapatama, chi ara ãchia k'ɨ̃ria p'anɨ jɨrɨdai k'orea.

Juda 1:18

Mãrá nãɨya jarasidama: «K'aadeapema ewaride ẽpẽerã Tachi Ak'õre oo uru p'anapataɨrã pará p'ananaipɨ. Tachi Ak'õre k'ɨ̃rianak'a pẽra ãchi k'ak'uapa oo k'ɨ̃ria bɨt'a oo p'ananaipɨ».