Romano 6:11 - Tachi Ak'õre Pedea

¹¹ Ara mãɨ jĩra k'awadai p'anɨma mãra nemietaadepema piusidat'a mãɨnepa Tachi Chipari Jesucristodepa Tachi Ak'õre pae chok'ae p'anɨ.

Romano 6:11 ပူးပေါင်းရင်းမြစ်များ

Juan 20:31

Maamina ãarea nãɨ bɨsima mãrapa Jesú Tachi Ak'õrepa Tachi K'aripaparí teai jarada, Tachi Ak'õre Warrade ĩjãanamẽrá. Mãɨya ĩjãanaipɨra ichidepa chok'ae bai uru p'ananaipɨ.

Romano 16:27

Ichi abapuru bɨma. Nejõma k'awa bɨma. Jesucristodepa tachia ewaricha ichiá pia pedeadai p'anɨma. Mãɨya beese.

Romano 5:1

Tachi Chipari Jesucristode ĩjãa p'anɨ pẽra Tachi Ak'õrepa tachi chi ichidirã jĩp'a berã paara bɨsima. Mãɨpuru Cristodepa Tachi Ak'õre ome sõpia p'anɨma.

Romano 6:10

Cristo bari k'ak'o aba piudapa nemietá ãarea p'uesima. Ichi waa piuiwẽma mãɨpari Tachi Ak'õre pae chok'ae bɨma.

Romano 6:13

Mãra k'ak'uá itu nemietá oopirãt'ɨ. Mãɨpari ara mãra Tachi Ak'õrea teat'ɨ. Mãra nemietaade piu p'anana Tachi Ak'õre pae chok'ae p'aneesidama. Mãɨpuru mãra k'ak'ua Tachi Ak'õrea teat'ɨ jĩp'a oodai k'orea.

Romano 6:2

¡Piarã mãɨya oodaiwẽa p'anɨma! Tachi nemietaadepema piusidama. Mãɨpuru ¿sãmaasã́ nemietaade nipadaima?

Romano 6:23

Piarã nemietá oo p'anɨ k'orea ẽpẽrarã piudaipɨ. Maamina Tachi Chipari Jesucristodepa Tachi Ak'õrepa ewaricha chok'ae bapiipɨ, ne pari tea bɨ jĩra.

Romano 7:4

Ũpẽarã, ara mãɨ jĩra mãra Cristo ome p'anɨ pẽra, ichi piuk'ari Moisepa bɨdadepema pari ãjã́ p'aneesidama. Naapae mãra Cristoderã pẽra Tachi Ak'õre pae p'ue nepia oodaipɨ.

Romano 7:6

Maamina Moisepa bɨdadepa p'anana tachi pari ãjã́ p'aneesidama. Mãɨnepema piusida pẽra naapae Tachi Ak'õre pae nepia oodaipɨ ichi Jaoredepa. Waa k'ɨ̃risiadaiwẽma Moisepa bɨdadepa mãɨya oodait'a.

Romano 8:18

Mɨmá, chi nãɨ ewaride tachi minachia mĩa p'anɨt'a mãɨ ãpia bɨ jĩra bɨma, chi k'aadeapema ewaride Tachi Ak'õrepa tachi pia bɨi k'aepẽra.

1 Corintio 6:20

Tachi Ak'õrepa mãra atasima. Tachi Ak'õrené pẽra mãra k'ak'uade mãɨnepa jaorede k'ĩra jĩp'a p'anat'ɨ.

Ep'esio 2:7

Mãɨ jõma oosima k'aadeapema ewaride ichi sõpia minachia bɨt'a unupii k'orea. Mãɨnepa tachi chi Jesucristo ome p'anɨrã k'aripasima.

P'ilipense 1:11

Mɨa ɨt'aa chiidi bɨma mãra Jesucristodepa ne ãareaɨne jĩp'a p'ananamẽrá. Mãɨya ẽpẽrarãpa Tachi Ak'õre chi atepe bɨade adaipɨ mãɨnepa ichiá pia pedeadaipɨ.

P'ilipense 4:7

Mãɨpa Tachi Ak'õrepa mãra sõ mãɨnepa mãra k'ɨ̃risiat'a ne k'ɨ̃risiawẽa p'anapiipɨ Jesucristo ome p'anɨ pẽra. Mãɨ ne k'ɨ̃risiawẽa bait'a ẽpẽrarãpa ãchi tuaba p'ue k'awadaiwẽma.

Colosense 2:20

Mãra Cristo ome ará piusida pẽra chi nãɨ ĩjũanepema jaore chaarearãne ĩjãanaiwẽa p'anɨma. Mãɨ ¿k'ãre k'orea waidi mãɨ k'ɨ̃risia ĩjãa p'anɨma nãɨ ĩjũanepemarãpa ĩjãapata jĩra?

Colosense 3:17

Mãra pedeautade mãɨnepa ne ooutade jõma oot'ɨ Tachi Chipari Jesupa k'ɨ̃ria bɨ jĩra. Ichidepa Tachi Pajãnepema Ak'õrea sõpia bɨade at'ɨ.

1 Pedro 2:24

Cristopa tachi nemietá ichi ɨ̃rɨ k'urusude ateewãsima tachi nemietaadepema piudak'ari jĩp'a p'ananamẽrá. Ichi k'ak'ua p'uak'oa p'anasidaɨdepa mãra jɨpa p'aneesidama.

1 Pedro 2:5

Mãra ichidepa chok'ae p'anɨ pẽra mawara te oopataɨ jĩra p'anɨma. Mãranepa Tachi Ak'õrepa ichi te ooruma. Mãɨnepa mãra p'aarerã ichi pae papi bɨma. Mãrapa Jesucristodepa Tachi Ak'õre pae ne oo p'anɨne, ichiá ãnimara paateauta jĩra oo p'anɨma. Mãɨya oo p'anɨt'a ichia pia unu bɨma.

1 Pedro 4:11

Abaɨpa ne jarateaipɨra, Tachi Ak'õre pedea jaratea bɨ pẽra jĩrak'aua jarateai bɨma. Abaɨpa waapẽarã k'aripaipɨra, Tachi Ak'õre jua chaareadepa k'aripai bɨma. Nejõma oot'ɨ jõmãɨrãpa Jesucristodepa Tachi Ak'õrea pia pedeadamẽrá. Ichiaapuru ewaricha pia pedeadai p'anɨma. Pia bɨma nejõma ichi juade uru bait'a. Minachia pia bɨma mãɨya bait'a.