Romano 6:10 - Tachi Ak'õre Pedea

¹⁰ Cristo bari k'ak'o aba piudapa nemietá ãarea p'uesima. Ichi waa piuiwẽma mãɨpari Tachi Ak'õre pae chok'ae bɨma.

Romano 6:10 ပူးပေါင်းရင်းမြစ်များ

Luca 20:38

Ichi chi piudaadarã Ak'õrewẽma, mãɨpari chi chok'ae berã Pajãnepema Ak'õrepɨ. Tachi Ak'õremá jõmãɨrã chok'ae p'anɨma.

Romano 6:11

Ara mãɨ jĩra k'awadai p'anɨma mãra nemietaadepema piusidat'a mãɨnepa Tachi Chipari Jesucristodepa Tachi Ak'õre pae chok'ae p'anɨ.

Romano 6:9

Tachia k'awa p'anɨma Cristo piu bada chok'ae p'irabarida pẽra waa piuiwẽma. Chi piudapa ichi waa p'ueiwẽma.

Romano 8:3

Moisepa bɨdapa tachi nemietaadepema p'ue pari ãjã́ bɨé pasima. Nãɨ k'ak'uapa oo k'ɨ̃ria bɨdepa nipapataɨrãpa mãɨ Moisepa bɨda oodai k'aepẽra nemietá oopatama. Maamina Tachi Ak'õrepa ichi Warra peesima tachi chi nemietá oopataɨrã jĩra bamẽrá. Mãɨne tachi nemietá pari piusima. Mãɨya Tachi Ak'õrepa nemietá tachi k'ak'uadepa oodada ɨtɨasima.

2 Corintio 5:15

Piarã Cristo jõmãɨrã k'orea piuk'ari chok'ae p'irabarisima tachi chok'ae berãpa ara tachia oo k'ɨ̃ria p'anɨ jĩra waa oopidaemaapa, mãɨpari ichia k'ɨ̃ria bɨ jĩra oo p'ananamẽrá.

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

1 Pedro 3:18

Cristo jĩp'a bɨmina nemietá k'orea bari k'ak'o aba mĩasima. Mãɨpa tachi chi jĩp'a bewẽ Tachi Ak'õre ome pia bɨsima. Ichi nãɨ k'ak'ua piusima, maamina Tachi Ak'õre Jaoredepa chok'ae p'irabarisima.

1 Pedro 4:6

Mãɨpuru piudaadarãpa chi pedea pia Cristo k'orea ũrisidama ãchi jaore chok'ae p'ananamẽrá, Tachi Ak'õre chok'ae bɨ jĩra. Maamina ãchi nãɨ k'ak'uade piusidama, Tachi Ak'õrepa jõmãɨrã piudai p'anɨane ada pẽra.