Romano 5:20 - Tachi Ak'õre Pedea

²⁰ Tachi Ak'õrepa Moisea ichi pedea bɨpisima ẽpẽrarãpa k'awadamẽrá nemietá minachia oo p'anɨt'a. Maamina ẽpẽrarãpa nemietá minachia oosidaɨde Tachi Ak'õrepa ichi sõpiadepa pia k'ĩra chupuriasima.

Romano 5:20 ပူးပေါင်းရင်းမြစ်များ

Mateo 20:9

Chi ɨmata baepodode mimiane wã p'anana chi chaarea bɨmá naa chesidama. Mãɨne ãchicha ewari aba abarik'a mimiana jĩra jitasidama.

Mateo 9:13

Nãɨ pedea k'ãre jara bɨ k'awayá wãt'ɨ: “Ãnimara peadak'ari, mɨ pae paateadai k'aepẽra mɨa k'ɨ̃ria bɨma mãrapa waapẽarã k'ĩra chupuria p'ananait'a”. Mɨ chi jĩp'a berã t'ɨ̃i k'orea chewẽa bɨma, mãɨpari nemietá oopataɨrãt'u t'ɨ̃ bɨma Tachi Ak'õremá chedamẽrá.

Luca 7:47

Mãɨpuru mɨa nãɨya jararuma: ichia nemietá minachia ooda mɨa ãarea k'ɨ̃risia atuasima. Mãɨpuru ichia mɨ minachia k'ɨ̃ria bɨma. Maamina chi nemietá ãpia ooda mɨa k'ɨ̃risia atuaipɨra mãɨpa mɨ ãpia k'ɨ̃ria baima.

Juan 10:10

Chi nechɨaparí cheparima oveja chɨai k'orea, peai k'orea mãɨnepa atuapii k'orea. Maamina mɨ chesima ẽpẽerãpa chok'ae bai ara minachia uru p'ananamẽrá.

Juan 15:22

»Mɨa ãchiá jarateade chedawẽpara ãchia nemietá oodada k'orea nepɨrade p'aneenaiwẽ pasima. Maamina naapae mɨ pedea ũrinana pẽra p'ue jaradaiwẽma ãchia nemietá oodada k'orea “mãɨ atua p'anasiade” adait'a.

Romano 4:15

Mãɨ Moisepa bɨda jara bɨ jĩra oowẽa p'anɨnepa, Tachi Ak'õrepa tachi ɨtɨaipɨ. Piarã Moisepa bɨda nea badapara, nepɨra pará p'ananaiwẽ pasima.

Romano 6:1

¿Mãɨ k'orea sãmaasã́ k'ɨ̃risia p'anɨma? ¿Tachi wapida nemietaade nipadaik'ãra Tachi Ak'õrepa ichi sõpiadepa atepe k'ĩra chupuriamẽrá?

Romano 6:14

Tachi Ak'õrepa ichi sõpiadepa mãra k'aripada pẽra mãɨnepa Moisepa bɨdadepa p'anɨwẽ pẽra, nemietá waa mãra chipari paiwẽma.