Romano 5:2 - Tachi Ak'õre Pedea

² Mãɨ awara Jesucristode ĩjãa p'anɨ pẽra Tachi Ak'õrepa ichi sõpiadepa tachi ewaricha k'aripaparima. Mãɨnepa arapá p'anɨma k'awa p'anɨ pẽra Tachi Ak'õre pia bɨdepema jitadait'a.

Romano 5:2 ပူးပေါင်းရင်းမြစ်များ

Mateo 25:21

Chi chiparipa jarasima: “Mɨ pae pari mimiaparí, piapɨ. Pɨa jĩp'a ooparima. Mɨa ãpia teadadepa pɨa arí ooda pẽra, mɨa ne minachia pɨ juade bɨipɨ. Eda chese mɨ ome sõ arapaade”.

Juan 10:7

Mãɨpuru Jesupa nãɨya jarasima: «Mɨa piarã jararuma, chi oveja eda wãpataɨ mɨpɨ.

Juan 10:9

»Mɨ chi eda wãpataɨpɨ. Chi mɨnepa eda wãru nemietaadepema k'aripaipɨ. Ne k'ɨ̃risiawẽa baipɨ, mãɨ ichia newẽa bɨ Tachi Ak'õrepa teai pẽra.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 5:24

»Mɨa piarã jararuma: abaɨpa mɨ pedea ũrik'ari mɨ Peeda ĩjãaipɨra, mãɨ ẽpẽra ichi ome ewaricha chok'ae baipɨ. Tachi Ak'õrepa ichi ɨtɨaiwẽma. Piarã mãɨ ẽpẽra piu bada chok'ae bɨma.

Hecho 14:27

Chedak'ari ũpẽarã ome ará p'anasidama. Mãɨne nepɨrɨsidama ãarea Tachi Ak'õrepa ãchidepa ooda. Jarasidama Tachi Ak'õrepa eda wãpataɨ ewasit'a judiorãwẽ pida Jesude ĩjãanamẽrá.

Romano 11:20

Piarã mãɨya bɨma. Maamina Tachi Ak'õrepa ãchi itu bɨsima Cristode ĩjãanaé pasi pẽra. Maapae mãra jɨrɨ atasima Cristode ĩjãanana pẽra. Mãɨ k'orea mãra judiorã k'aepẽra pia be k'ɨ̃risiarãt'ɨ, mãɨpari Tachi Ak'õre wap'ea p'anat'ɨ.

Romano 12:12

Tachi Ak'õrenepa nepia jitadai k'awa p'anɨ pẽra arapá p'anat'ɨ. Mĩa p'anɨne choat'ɨ. Ewaricha Tachi Ak'õrea ɨt'aa chiidit'ɨ.

Romano 14:4

¿Pɨ k'aima mãɨya abaɨ pae pari mimiaparí k'orea k'achia pedeait'a? Ichi chiparia puru jaraipɨ pia oo bɨ wa piawẽa oo bɨt'a. Maamina Tachi Chiparipa jaraipɨ jõma ichi pae pari mimiapataɨrãpa pia oo p'anɨ, ichi jua chaareadepa k'aripa bɨ pẽra pia oo p'ananamẽrá.

Romano 15:13

Nejõma pia tachia nɨ p'anɨt'a Tachi Ak'õrepa teaipɨ. Mãrapa ichide ĩjãa p'anɨ pẽra mɨa k'ɨ̃ria bɨma ichia mãra minachia arapaapiit'a mãɨnepa ne k'ɨ̃risiawẽa p'anapiit'a. Mãɨya Tachi Ak'õre Jaore jua chaareadepa mãrapa pia k'awadaipɨ nejõma pia tachia nɨ p'anɨt'a piarã atadaipɨ.

Romano 2:7

Chi eda waapẽarãpa pia oo p'anɨma Tachi Ak'õrepa ãchi pia unumẽrá, pia jaramẽrá mãɨnepa ewaricha ãchi ome chok'ae bamẽrá. Mãɨrã piarã chok'ae p'anapiipɨ.

Romano 3:23

Piarã jõmãɨrãpa nemietá oopata pẽra Tachi Ak'õre pia bɨdepema awara p'anɨma.

Romano 5:5

Mãɨ seawẽma, mãɨpari piarã jitadaipɨ. Mãɨya k'awa p'anɨma Tachi Ak'õrepa ichi Jaore tachiá teada pẽra. Ichi Jaoredepa tachi sõne k'awapi bɨma tachi piarã minachia k'ɨ̃ria bɨt'a.

Romano 8:1

Naapae tachi Cristo Jesú ome p'anɨ pẽra nepɨra mi ãpia pida pará p'anɨane a bɨwẽma.

Romano 8:24

Tachi Ak'õrepa tachi k'aripada pẽra mãɨ nɨ p'anɨma. Chi tachia nɨ p'anɨt'a waidi nea p'anɨma. Uru badapara ¿k'ãre k'orea nɨ p'ananai p'anɨma? ¿K'aipa ichia uru bɨt'a, atai k'orea nɨ baima?

1 Corintio 15:1

Mãɨ awara ũpẽarã, mɨa mãrá k'ɨ̃risiapiipɨ chi Jesú k'orea pedea pia mɨa mãrá jarateada. Mãɨ pedea mãrapa mɨnepa k'awasidama mãɨnepa minachia ĩjãa p'anɨma.

2 Corintio 3:18

Tachia Cristode ĩjãa p'anɨ pẽra tachi k'ĩra neet'apa mẽra pɨra uru p'anɨ jĩra p'anɨwẽma. Mãɨpuru tachidepa waapẽarãpa Tachi Chipari k'ĩrawãrea unu p'anɨma k'ĩra ak'ɨpataɨde ak'ɨ p'anɨ jĩra. Mãɨne Tachi Chipari Jaorepa tachi ewaricha pia oopodo bɨma Tachi Chipari jĩra p'ananamẽrá.

2 Corintio 4:17

Tai ara nãɨena minachia mĩapatamina, mãɨ naa tai k'aripa bɨma chi Tachi Ak'õre k'ĩrawãrea pia bɨde ewaricha p'ananai k'orea. Mãɨ k'ĩrawãrea atepe pia baipɨ chi idiapae ãpia mĩapataɨ k'aepẽra.

Ep'esio 2:18

Cristodepa tachi umeepa abarik'a tachi Pajãnepema Ak'õremá naa p'ue chedaipɨ, ichi Jaore aba bɨdepa.

Ep'esio 3:12

Tachia ara mãɨ Jesucristode ĩjãa p'anɨ pẽra mãɨnepa ichi ome ará p'anɨ pẽra Tachi Ak'õrea ne wap'eawẽa ɨt'aa chiididai p'anɨma.

Ep'esio 6:13

Mãɨ k'orea chi papaká bɨpa ne jɨ̃parí chaarea bɨt'a, Tachi Ak'õrepa mãrá teadat'a jɨ̃t'ɨ. Mãɨya tiorepa mĩesa oopiyá bɨde mãrapa p'ue choadaipɨ. P'uedak'ari chaarea p'ananaipɨ.

2 Tesalonicense 2:16

Tachi Ak'õrepa tachi k'ɨ̃riasima. Ichi sõpiadepa sõpiapisima ewaricha mãɨya p'ananamẽrá. Mãɨnepa k'awapisima piarã ichidepa nepia atadait'a. Taipa k'ɨ̃ria p'anɨma Tachi Chipari Jesucristopa mãɨnepa Tachi Pajãnepema Ak'õrepa mãra sõpiapidait'a mãɨnepa chaarea bɨdait'a. Mãɨya mãrapa pedea p'anɨ mãɨnepa oo p'anɨ ãarea pia baipɨ.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

Hebreo 6:18

Tachi Ak'õrepa sea jarak'a pẽra ichia teai jarada piarã teaipɨ mãɨnepa ichi t'ɨ̃nepa jarada k'ĩra awara ooiwẽma. Mãɨ ne ume p'anɨnepa, taipa Tachi Ak'õre jɨrɨpatama tai k'aripamẽrá mãɨnepa k'ɨ̃riamẽrá. Ichia jarada piarã ooit'a k'awa p'anɨẽra tachia p'ue p'erawẽa ĩjãa p'ananaipɨ. Mãɨpa chi Jesudepa jitadai k'orea nɨ p'anɨt'a itu bɨdaiwẽma.

1 Pedro 3:18

Cristo jĩp'a bɨmina nemietá k'orea bari k'ak'o aba mĩasima. Mãɨpa tachi chi jĩp'a bewẽ Tachi Ak'õre ome pia bɨsima. Ichi nãɨ k'ak'ua piusima, maamina Tachi Ak'õre Jaoredepa chok'ae p'irabarisima.

Apocalipsi 21:11

Tachi Ak'õre k'ĩrawãrea achiterrea bɨpa mãɨ p'uuru jẽrat'ĩu basima. Urua basima mawara pia bɨ neepɨa bɨ jĩra, jaspe mawara jĩra. Tot'á basima vidrio jĩra.

Apocalipsi 21:23

Ɨmata mãɨnepa jedek'o newẽa mãɨ p'uuru ɨnaa baparima, Tachi Ak'õre achiterreapa mãɨ ɨnaa bapipari pẽra, mãɨnepa chi Oveja Chak'epa jẽrat'ĩu bapipari pẽra.

Apocalipsi 21:3

Maapae mɨa ũrisima abaɨpa Tachi Ak'õre suak'a beeparí auk'ará bɨmãɨpa nãɨya jĩk'ua pedearut'a: «¡Ũrit'ɨ! Idi Tachi Ak'õre ẽpẽerã t'ãena bɨma. Ichi ãchi ome baipɨ. Mãɨne ãchi ichi ẽpẽerã p'ananaipɨ. Piarã ichit'a ãchi Ak'õre paipɨ mãɨnepa ãchi ome baipɨ.

Apocalipsi 3:21

Mɨa nemietá p'ueda pẽra mɨ Ak'õre ome ichi suak'a beeparí auk'ará bɨde suak'abari beesima. Ara mãɨ jĩra nemietá p'uedaadarã mɨ suak'a beeparí auk'ará bɨde mɨ ome suak'abari beepiipɨ.