Romano 5:14 - Tachi Ak'õre Pedea

¹⁴ Mãɨya bɨmina Adán ewaridepa waa Moisé ewaridea ẽpẽrarã piupachidama nemietá oopachida pẽra. Adanpa Tachi Ak'õrepa ichiá jarada itu bɨsima maamina ãchia Adán jĩra mãɨya nemietá oodaé pasima. Adannepa jõmãɨrã piawẽa p'aneenana jĩra chi chei badadepa jõmãɨrã p'ue pia p'aneesidama.

Romano 5:14 ပူးပေါင်းရင်းမြစ်များ

Romano 5:12

Ẽpẽra abadepa nemietá nãɨ ĩjũane chesima. Mãɨnepa mãɨ nemietaadepa tachi piudai p'anɨma. Jõmãɨrãpa nemietá oopata pẽra piupatama.

Romano 5:17

Piarã ẽpẽra aba bɨpa nemietá oodadepa jõmãɨrã piupatama. Maamina abaɨ ẽpẽra Jesucristodepa, mãɨ Adanpa ooda k'aepẽra ewaricha ichi ome minachia k'awa p'anɨrã jĩra p'ananaipɨ. Ichidepa Tachi Ak'õrepa ne mi ãpia pida teapade awẽa basima mãɨnepa ichi sõpiadepa minachia k'aripak'ari, ẽpẽrarã nepɨra newẽa p'anɨane aparima.

Romano 5:21

Piarã ẽpẽrarãpa nemietá oopata pẽra piupatama. Maamina Tachi Ak'õrepa ichi sõpiadepa ẽpẽrarã chi ichidirã jĩp'a berã paara bɨparima Tachi Chipari Jesucristodepa ewaricha ichi ome chok'ae p'ananamẽrá.

Romano 8:20

naena piawẽa basi pẽra. Ichi tuaba mãɨya piawẽa beaé pasima, mãɨpari Tachi Ak'õrepa mãɨya beepisima. Maamina nejõma piawẽa beadapa nɨ bɨma,

Romano 8:22

Tachia k'awa p'anɨma chi wẽrapa warra t'õrune ɨbɨa t'õpi k'ɨ̃ria bɨ jĩra, nejõma Tachi Ak'õrepa ook'oadapa p'ua bɨdeepuru isapea pia beepi k'ɨ̃ria bɨma.

1 Corintio 15:22

Jõmãɨrã Adannepa chedada pẽra piupatama. Ara mãɨ jĩra Cristo k'orea jõma ichidirã chok'ae p'ananaipɨ.

1 Corintio 15:45

Tachi Ak'õre pedeade bɨ bɨma: «Chi naapema ẽpẽra Adán apataɨ Tachi Ak'õrepa chok'ae bapisima». Maamina Cristo chi k'aadeapema Adán apataɨ bɨsima ichi jaoredepa chok'ae bapimẽrá.

Hebreo 9:27

Ãareaɨrã bari k'ak'o aba piudaipɨ. Mãɨya nak'ari Tachi Ak'õrepa tachi ɨtɨaipɨ.