Romano 5:12 - Tachi Ak'õre Pedea

¹² Ẽpẽra abadepa nemietá nãɨ ĩjũane chesima. Mãɨnepa mãɨ nemietaadepa tachi piudai p'anɨma. Jõmãɨrãpa nemietá oopata pẽra piupatama.

Romano 5:12 ပူးပေါင်းရင်းမြစ်များ

Romano 3:23

Piarã jõmãɨrãpa nemietá oopata pẽra Tachi Ak'õre pia bɨdepema awara p'anɨma.

Romano 5:18

Mãɨya ẽpẽra abaɨpa nemietá ooda k'orea Tachi Ak'õrepa ichi nepɨra ak'ɨk'ari jõmãɨrã sida nepɨra pará p'anɨane aparima. Mãɨnepa ẽpẽra abaɨpa jĩp'a ooda k'orea Tachi Ak'õrepa jõmãɨrã chi ichidirã jĩp'a berã paara p'ue bɨipɨ ewaricha ichi ome chok'ae p'ananamẽrá.

Romano 5:19

Piarã ẽpẽra aba bɨpa Tachi Ak'õrepa jarada oodawẽ pẽra chok'ará ẽpẽrarã nemietá oopataɨrã p'aneesidama. Mãɨnepa ẽpẽra abaɨpa Ichia jarada jõma ũrisi pẽra chok'ará ẽpẽrarã Tachi Ak'õrepa jĩp'a p'anɨane aipɨ.

Romano 5:21

Piarã ẽpẽrarãpa nemietá oopata pẽra piupatama. Maamina Tachi Ak'õrepa ichi sõpiadepa ẽpẽrarã chi ichidirã jĩp'a berã paara bɨparima Tachi Chipari Jesucristodepa ewaricha ichi ome chok'ae p'ananamẽrá.

Romano 6:21

Maamina nemietá oo p'anɨnepa ¿k'ãre pia jitasidama? ¿Mãɨya oo p'anana k'orea, k'ĩra p'era p'anɨwẽk'ãra? Nemietá oo p'anɨ k'orea ẽpẽrarã piudaipɨ.

Romano 6:23

Piarã nemietá oo p'anɨ k'orea ẽpẽrarã piudaipɨ. Maamina Tachi Chipari Jesucristodepa Tachi Ak'õrepa ewaricha chok'ae bapiipɨ, ne pari tea bɨ jĩra.

1 Corintio 15:56

Moisepa bɨdapa k'awapi bɨma tachia nemietá oopataɨ. Nemietá oopata pẽra piudaipɨ.

Ep'esio 2:3

Naena jõma tachi ãchi jĩra p'ɨrrɨasidama chi nãɨ k'ak'uapa nemietá ooyá bɨt'a oo p'anana pẽra. Nãɨ k'ak'uapa nemietá oo k'ɨ̃ria bɨt'a mãɨnepa tachia nemietá ooyá k'ɨ̃risia bɨt'a oo p'anasidama. Mãɨ nemietá pẽra Tachi Ak'õrepa ichi k'ĩruupidepa tachi ɨtɨai basima ãarea nemietá oopataɨrã ɨtɨapari jĩra.

Santiago 1:15

Nemietá ooi k'ɨ̃risia beek'ari, maapae mãɨya oo beeparima. Mãɨya jõma oo beeda pẽra piuk'ari Tachi Ak'õrenepema ewaricha awara baipɨ.

Santiago 3:2

Jõma tachia minachia piawẽa oopatama. Abaɨpa pedearude waapẽarã sõp'uapik'apɨra, ne ãareaɨne jĩp'a bɨma mãɨnepa ichi k'ak'ua jõma jĩp'a uru bɨma.