Romano 5:11 - Tachi Ak'õre Pedea

¹¹ Mãɨ awara Tachi Chipari Jesucristodepa Tachi Ak'õre ome pia p'anɨ pẽra ichidepa Tachi Ak'õre ome sõpia p'anɨma.

Romano 5:11 ပူးပေါင်းရင်းမြစ်များ

Luca 1:46

Mãɨne Mariapa jarasima: «Sõnepa mɨa jararuma: Tachi Chipari chi Atepe bɨpɨ.

Juan 1:12

Maamina chi ichi jitadaadarãpa ichide ĩjãasidama. Mãɨpuru ichia ãchi bɨsima Tachi Ak'õre warrarã p'ananamẽrá.

Romano 11:15

Tachi Ak'õrepa judiorã itu bɨda pẽra waapẽarã nãɨ ĩjũanepemarã ichi ome pia bɨsima. Mãɨpuru Tachi Ak'õrepa judiorã mãicha pia jɨrɨ atarude ¿sak'aima? Ãchi sida piudaadarã jĩra p'anana Tachi Ak'õre ome chok'ae p'ananaipɨ.

Romano 2:17

Mãra judiorãpa mãrat'u chi piarãpẽane apatama. Tachi Ak'õre pia k'awa p'anɨane apatama. K'ɨ̃risia p'anɨma ichia mãra k'aripait'a Moisepa bɨda uru p'anɨ pẽra.

Romano 5:1

Tachi Chipari Jesucristode ĩjãa p'anɨ pẽra Tachi Ak'õrepa tachi chi ichidirã jĩp'a berã paara bɨsima. Mãɨpuru Cristodepa Tachi Ak'õre ome sõpia p'anɨma.

Romano 5:10

Tachi wapida Tachi Ak'õre ome chi nek'ĩramá p'anasidaɨde ichi Warra piudadepa tachi ichi ome sõpia bɨsima. Mãɨya tachi piarã k'aripaipɨ Cristo chok'ae bɨ pẽra.

Romano 5:3

Mãɨ awara tachi minachia mĩa p'anɨne arapá p'anapatama k'awa p'anɨ pẽra makɨɨdepa pia choa k'awadait'a.

Romano 8:23

Mãɨnepa tachia pida p'ua bɨdepa isapea chepii nɨ p'anɨma, Tachi Ak'õrepa tachi k'ak'ua pia bɨmẽrá. Ichi warrarã atarude mãɨya ooipɨ. Ichi Jaore tachiá naa teasima ichi warrarã piarã k'awadamẽrá.

Romano 9:10

Mãɨ awara Tachi Ak'õrepa k'awapisima chi ichia jɨrɨ atai k'ɨ̃ria bɨt'a jɨrɨ ataparí. Mãɨnepa k'awapisima mi ãpia pida jɨrɨ atak'ama ãchia oo p'anɨt'a pia unu bɨ pẽra mãɨpari jɨrɨ ataparima ichia t'ɨ̃na pẽra. Nãɨya k'awapisima: Rebecapa mikisu t'õsima. Chi ak'õre tachi chõarãenapema Isá pasima. Maamina mãɨ warrarã t'õnai naena mãɨnepa mi ãpia pida pia wa nemietá oodai naena Tachi Ak'õrepa Rebecá jarasima: «Chi naapema chi k'aadeapema juade baipɨ».

1 Corintio 10:16

Tachi Chipari k'ɨ̃risia p'anɨne, tachia uvaba pasude bɨ k'orea Tachi Ak'õrea sõpia bɨade adak'ari topatama. Mãɨ toutade unupipatama tachi Cristo oadepa ichi ome ará p'anɨt'a. Mãɨnepa p'ana t'oet'aada k'outade unupipatama Cristo k'ak'uade minachia mĩananepa tachi ichi ome ará p'anɨt'a.

2 Corintio 8:19

Mãɨ awara ũpẽarã p'uuru bechadepemarãpa ichi jɨrɨ atasidama tai ome erreara ũpẽarã pae jɨrɨp'edada Jerusalenea teade wãmẽrá. Mãɨ taipa oo p'anɨma ũpẽarãpa Tachi Chiparia pia pedeadamẽrá mãɨnepa taipa piarã k'aripa k'ɨ̃ria p'anɨt'a ak'ɨpidai k'orea.

Gálata 4:9

Maamina idiapae mãrapa Tachi Ak'õre k'awa p'anɨma. Jĩp'a jaraideepara, Tachi Ak'õrepa mãra k'awa bɨma. Mãɨya ¿k'ãre k'orea chi nãɨ ĩjũanepema jaore chaarearãne mãicha ĩjãa k'ɨ̃ria p'anɨma, chi chipari pae pari mimiapataɨrã jĩra? Mãɨpa k'aripak'ama.

Gálata 5:22

Maamina Tachi Ak'õre Jaorepa nakɨɨ teaparima: waapẽarã k'ɨ̃ria p'anapataɨ, arapá p'anapataɨ, ne k'ɨ̃risiawẽa p'anapataɨ, jõma choa p'anapataɨ, ẽpẽrarã ome sõpia p'anapataɨ, ẽpẽra pia p'anapataɨ, ãchia jara p'anɨ jĩra oopataɨ,

P'ilipense 3:1

Mãɨ awara ũpẽarã, Tachi Chiparidepa arapá p'anat'ɨ. Mɨa nãɨ pedea naena bɨdamina, sẽk'ama abarik'a mãicha bɨi k'orea. Mãɨya k'aripaipɨ nemietá oopidaemaapa.

P'ilipense 3:3

Maamina tachit'u chi piarã tauchaadaadarãpɨ. Tachiapuru Tachi Ak'õre Jaoredepa ichiá pia pedeapatama. Mãɨnepa Jesucristopa tachi k'orea ooda pia jarapatama. Tachia nãɨ k'ak'ua k'orea Tachi Ak'õrepa tachi jĩp'a p'anɨ unui k'ɨ̃risiadak'ama.

P'ilipense 4:4

Tachi Chipari Jesucristo ome p'anɨ pẽra ewaricha arapá p'anat'ɨ. Mɨa mãicha jararuma: ¡Arapá p'anat'ɨ!

Colosense 2:6

Mãrapa Tachi Chipari Jesucristode ĩjãanana pẽra ichidepa nipat'ɨ.

1 Pedro 1:8

Mãrapa ununak'amina Jesucristo k'ɨ̃ria p'anɨma. Nãɨena ununawẽa p'anɨmina ichide ĩjãa p'anɨma. Ichi k'orea minachia arapá p'anɨma. Jãɨya arapá p'anɨ pẽra mãɨ arapá sãmaasã́ bɨ k'orea p'ue k'awa jaradawẽma.