Romano 4:24 - Tachi Ak'õre Pedea

²⁴ Mãɨpari tachi k'orea pida pedea bɨma, tachia ĩjãa p'anɨnepa Tachi Ak'õrepa nepɨra newẽa p'anɨane a jara bɨ pẽra. Tachi Ak'õrepa Tachi Chipari Jesú piu bada chok'ae p'irabaripisima. Ara mãɨne tachia ĩjãa p'anɨma.

Romano 4:24 ပူးပေါင်းရင်းမြစ်များ

Marco 16:16

Mãɨ pedea ĩjãasidara mãɨnepa porochoasidara Tachi Ak'õrepa mãɨ k'aripaipɨ. Maamina chi mãɨ pedea ĩjãawẽ bɨt'a ichia mãɨ ɨtɨaipɨ.

Hecho 13:30

Maamina Tachi Ak'õrepa ichi chok'ae p'irabaripisima.

Hecho 2:24

Jesú minachia mĩak'ari piusima. Maamina Tachi Ak'õrepa ichi chok'ae p'irabaripida pẽra chi piudapa ichi p'ue uru baiwẽa basima.

Hecho 2:32

»Davipa jarada jĩra Tachi Ak'õrepa Jesú piu bada chok'ae p'irabaripisima. Taipa ãarea mãɨ unusidama.

Hecho 2:39

Tachi Ak'õre Chiparipa ichi Jaore teai jarada mãra pae bɨma, mãra warrarã pae bɨma mãɨnepa ẽpẽerã t'ɨmɨa p'anapataɨrã pae bɨma. Ãarea chi Tachi Ak'õre Chiparipa t'ɨ̃ bɨ ẽpẽerã pae pida bɨma.

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.