Romano 4:19 - Tachi Ak'õre Pedea

¹⁹ Warra unui k'orea minachia chõa basimina Abrahanpa mãɨ wapida minachia ĩjãa basima. Ichi perá cien ãyo basima. Ichi k'ima Sara pida warra t'õiwẽa bɨ k'awa basimina ichia wapida minachia ĩjãa basima.

Romano 4:19 ပူးပေါင်းရင်းမြစ်များ

Mateo 14:29

Ara mãɨne Jesupa jarasima: —¡Chese! Ara mãɨne Pedro p'ãp'orrodepa toeda batook'ari Jesumá to ɨ̃rɨ wãru pasima.

Mateo 14:31

Ara mãɨne Jesupa juade jitak'ari jarasima: —K'õp'ãero ĩjãawẽa bɨ, ¿pɨa k'ãre k'orea mɨa pɨ p'ue to ɨ̃rɨ peeiwẽane a k'ɨ̃risiasima?

Mateo 6:30

Chi idiapae p'ũajãra tachia mẽa unupataɨ mãɨ norema paapatamina Tachi Ak'õrepa wapida mãɨ t'õpiparima. Mãɨ k'aepẽra ¿ichia mãrá ne piipará jɨ̃namẽrá teaiwẽk'ãra? ¿K'ãre k'orea mãɨne p'ue ĩjãanawẽma?

Mateo 8:26

Mãɨne Jesupa jarasima: —Mãra ¿k'ãre k'orea ne wap'ea p'anɨma? ¡Mãrapa pia ĩjãanawẽa p'anɨma! P'irabarik'ari Jesupa nãua mãɨnepa senia chomá ɨbɨa pedeasima. Ara mãɨne jõma ap'i ũu beesima.

Romano 14:21

Pia bɨma ne k'iuru k'oiwẽt'a, uvaba toiwẽt'a, wa mi ãpia pida ooiwẽt'a, pɨ ũpẽa nemietaade baepiemaapa.