Romano 4:17 - Tachi Ak'õre Pedea

¹⁷ Tachi Ak'õre pedeade nãɨya bɨ bɨma: «Mɨa pɨ bɨsima chok'ará p'uuru be ak'õre bamẽrá». Piarã Tachi Ak'õre k'ĩrari Abrahán jõma tachi, chi Tachi Ak'õrene ĩjãa berã ak'õrepɨ. Abrahanpa ĩjãa basima chi piudada chok'ae p'irabaripiparí mãɨnepa chi nenea bɨdepa ne ooparí Tachi Ak'õrene.

Romano 4:17 ပူးပေါင်းရင်းမြစ်များ

Mateo 3:9

K'ɨ̃risiarãt'ɨ Abrahanepa chedaadarã pẽra Tachi Ak'õrepa ɨtɨaiwẽane arãt'ɨ. Mɨa mãrá jararuma: “Tachi Ak'õrepa k'ɨ̃riaipɨra, cha be mawaradepa Abrahanepa chedaadarã papik'oaipɨ”.

Juan 5:21

Mɨ Ak'õrepa piudaadarã chok'ae p'irabaripik'ari chok'ae bɨpipari jĩra, ara mãɨya mɨ chi Warrapa chi mɨa k'ɨ̃riarut'a chok'ae bapiparima.

Juan 5:25

Piarã jararuma: ewari chei bada chesima. Nãmãɨpa chi piuda jĩra p'anɨrãpa mɨ, chi Tachi Ak'õre Warra pedea ũrinaipɨ. Chi mɨne ĩjãauta chok'ae p'ananaipɨ.

Juan 6:63

Tachi Ak'õre Jaorepuru tachi chok'ae bapiparima. Nãɨ k'ak'uapa mãɨya p'ue ook'ama. Mɨa mãrá Tachi Ak'õre Jaoredepa jaratea bɨma mãra piarã chok'ae p'ananamẽrá.

Hecho 15:18

Tachi Chiparipa mãɨya jara bɨma. Chõarãena mãɨ minachia k'awapi bɨma”.

Romano 3:29

Mãɨyawẽpɨra ¿Tachi Ak'õre abapuru chi judiorã ãchi Ak'õrek'ãra? ¿Ichi chi judiorãwẽ Ak'õrewẽk'ãra? Piarã ichi chi judiorãwẽ Ak'õrepɨ,

Romano 4:18

Tachi Ak'õrepa nãɨya jarasima: «Pɨdepa chedaadarã chok'ará tuananaipɨ». Abrahanpa p'ue warra unuiwẽ k'awa bɨmina ĩjãasima Tachi Ak'õrepa warra unupiit'a ichia jarada jĩra. Mãɨya ĩjãa bɨdepa chok'ará p'uuru berã ak'õre beesima Tachi Ak'õrepa jarada jĩra.

Romano 4:2

Abrahanpa ne oo bɨdepa Tachi Ak'õrepa mãɨ chi ichidirã jĩp'a berã paara bɨdapara, ara ichi k'orea p'ue pia pedeai pasima. Maamina piarã Tachi Ak'õre k'ĩrari p'ue pia pedeaiwẽ pasima.

Romano 8:11

Maamina ichi Jaore mãra sõne bɨ pẽra, ichidepa mãra k'ak'ua piui bɨt'a chok'ae p'irabaripiipɨ Cristo Jesú chok'ae p'irabaripida jĩra.

Romano 9:26

«Mãɨnepa nãɨya bɨ bɨma: Mɨa jarasima mãra mɨ ẽpẽrarãwẽpɨ. Mãɨya jaradamá, mɨa mãra mɨ warrarãane aipɨ».

1 Corintio 1:28

Nãɨ ĩjũanepemarãpa chi mĩa chupuria k'edeade apataɨ mãɨnepa ãchia itu bɨpataɨ Tachi Ak'õrepa jɨrɨ atasima. Mãɨya chi atepewẽa berã jɨrɨ atasima chi atepe berã mĩa chupuria bɨi k'orea.

1 Corintio 15:45

Tachi Ak'õre pedeade bɨ bɨma: «Chi naapema ẽpẽra Adán apataɨ Tachi Ak'õrepa chok'ae bapisima». Maamina Cristo chi k'aadeapema Adán apataɨ bɨsima ichi jaoredepa chok'ae bapimẽrá.

1 Timoteo 6:13

Ãarea chok'ae berã Tachi Ak'õrenepa chok'ae p'anɨma. Ara mãɨ Tachi Ak'õre k'ĩrari mɨa jararuma pɨa oo bamẽrá. Jesucristo k'ĩrari pida abarik'a jararuma ichia piarã pedea Poncio Pilato k'ĩrari jarada jĩra. Mɨa nãɨ jararuma: mɨa jaratea bɨ k'ĩra jĩp'a oo base waapẽarãpa pɨ k'orea k'achia pedeadaemaapa, aba Tachi Chipari Jesucristo cherudea.

Hebreo 11:12

Mãɨya Abrahán piuimaa basimina ichidepa ẽpẽerã minachia chesidama, k'ãk'ãi minachia p'anɨ jĩra mãɨnepa p'usa ipu p'ue joisiadak'a jĩra.

Hebreo 11:3

Tachia Tachi Ak'õrene ĩjãa p'anɨ pẽra, k'awa p'anɨma Tachi Ak'õre pedeadepa nãɨ ĩjũa mãɨnepa pajã ãarea oosit'a. Mãɨya chi tachia ununak'aɨdepa ichia chi ne ãarea tachia unupataɨ oosima.

Hebreo 11:7

Tachi Ak'õrepa Noea jarasima ne waidi unuk'á bet'a mãɨ ununait'a. Mãɨ Noepa ĩjãana pẽra, Tachi Ak'õre wap'ea bada pẽra p'ãp'orro minachia bɨt'a oosima, ichi ẽpẽerã k'aripai k'orea. Mãɨya chi nãɨ ĩjũane bea ãchi nemietá k'awapisima. Noepa ĩjãana pẽra Tachi Ak'õrepa ichi jĩp'a unusima.

1 Pedro 2:10

Naena mãra Tachi Ak'õre p'uuruwẽ pasima, maamina naapae Tachi Ak'õre p'uurupɨ. Naena Tachi Ak'õrepa mãra k'ĩra chupuriawẽa basima, maamina naapae k'ĩra chupuria bɨma.

2 Pedro 3:8

Maamina ũpẽarã, nãɨ k'ɨ̃risia atuarãt'ɨ: Tachi Chiparimá ewari aba bɨt'a mil ãyo p'anɨ jĩra bɨma mãɨnepa mil ãyo p'anɨt'a ewari aba bɨ jĩra bɨma.