Romano 4:15 - Tachi Ak'õre Pedea

¹⁵ Mãɨ Moisepa bɨda jara bɨ jĩra oowẽa p'anɨnepa, Tachi Ak'õrepa tachi ɨtɨaipɨ. Piarã Moisepa bɨda nea badapara, nepɨra pará p'ananaiwẽ pasima.

Romano 4:15 ပူးပေါင်းရင်းမြစ်များ

Juan 15:22

»Mɨa ãchiá jarateade chedawẽpara ãchia nemietá oodada k'orea nepɨrade p'aneenaiwẽ pasima. Maamina naapae mɨ pedea ũrinana pẽra p'ue jaradaiwẽma ãchia nemietá oodada k'orea “mãɨ atua p'anasiade” adait'a.

Juan 3:36

Chi ichi Warrade ĩjãa bɨ Tachi Ak'õre ome ewaricha chok'ae baipɨ, maamina chi ichi Warra itu bɨru, mãɨ Tachi Ak'õre ome ewaricha chok'ae baiwẽma. Ara nãɨena Tachi Ak'õrepa ichi ɨtɨa uru bɨma.

Romano 1:17

Mãɨ pedea piadepa Tachi Ak'õrepa k'awapi bɨma tachi k'aripait'a, ichia jara bɨ jĩra. Jesucristode ĩjãautarã mãɨya baipɨ. Tachi Ak'õre pedeade nãɨya bɨ bɨma: «Chi jĩp'a bɨt'a, Tachi Ak'õrene ĩjãa bɨdepa chok'ae baipɨ».

Romano 5:13

Tachi Ak'õrepa ichi pedea Moisea bɨpii naena, ẽpẽrarãpa nãɨ ĩjũane nemietá oopachidama. Maamina mãɨ Moisepa bɨda nea bada pẽra jaraé pasima ẽpẽrarãpa nemietá oo p'anɨ k'orea, nepɨra pará p'anɨne aé pasit'a.

1 Corintio 15:56

Moisepa bɨdapa k'awapi bɨma tachia nemietá oopataɨ. Nemietá oopata pẽra piudaipɨ.

Gálata 3:10

Moisepa bɨda oo p'anɨnepa chi Tachi Ak'õrené jĩp'a berã paara p'aneenai k'ɨ̃risia berã nepɨra pará p'anɨane a bɨma. Mãɨ Moisepa bɨdade nãɨya bɨ bɨma: «Nãɨ Moisepa bɨda jõma oowẽa be Tachi Ak'õrepa nepɨra pará p'anɨane aipɨ».

Gálata 3:19

Mãɨyara ¿Tachi Ak'õrepa k'ãre k'orea Moisepa bɨda ichiá bɨpisima? Mãɨya oosima ẽpẽrarãpa nemietá oopataɨ k'awadamẽrá. Ẽpẽrarã mãɨ Moisepa bɨdadepa p'anasidama aba Abrahanepa unui bada cherudea, ichidepa Tachi Ak'õrepa k'aripayade ada pẽra. Tachi Ak'õrepa mãɨ Moisepa bɨda Ichia ɨt'aripa peedaɨrãnepa teasima. Mãɨ teak'ari Moisepa ẽpẽrarã́ teasima.

Ep'esio 5:6

Abaɨ pida seadepa nemietá oodai p'anɨane aipɨra, itu seapirãt'ɨ. Nemietá oo p'anɨ k'orea Tachi Ak'õrepa chi ichi pedea ĩjãawẽa be ɨtɨaipɨ.

Colosense 3:6

Jõma mãɨ k'achia k'orea Tachi Ak'õrepa ichide ĩjãanak'apɨɨrã ɨtɨaipɨ.

1 Juan 3:4

Chi nemietá oo bɨpa Tachi Ak'õre ley ook'ama. Nemietá oorude, Tachi Ak'õre k'ɨ̃riak'ama mãɨnepa chi ley sida.

Apocalipsi 19:15

Ichi it'aedepa k'ĩruuparí nek'o p'eedea bɨt'a ochiasima, mãɨnepa tuacha p'uei k'orea. Sõ chupuriadawẽa ãareaɨrã́ jok'ae oopiipɨ. Uva pertɨaru jĩra ãchi ɨtɨaipɨ, ichia Tachi Ak'õre chi Ne Ãarea P'ue Bɨpa k'ĩruu bɨdepa mãɨya ɨtɨai bɨ pẽra.