Romano 4:13 - Tachi Ak'õre Pedea

¹³ Tachi Ak'õrepa Abrahaná mãɨnepa ichidepa chedai pada ẽpẽrarã́ nãɨ ĩjũa teayade asima. Maamina mãɨya jaraé pasima Abrahanpa Moisepa bɨda uru bɨda pẽra. Mãɨpari mãɨya jarasima Abrahán nepɨra newẽa bɨade a jarada pẽra. Mãɨya nepɨra newẽa bɨade a jarasima Abrahanpa ichide ĩjãana pẽra.

Romano 4:13 ပူးပေါင်းရင်းမြစ်များ

Hecho 13:32

»Ara mãɨ jĩra taipa nãɨ pedea pia bɨt'a jara p'anɨma: Tachi Ak'õre tachi chõarãenapemarã ome pedea ausima mãɨnepa tachi, chi ãchidepema ununaanarã mãɨ pedea auda ãarea oosima. Jesú chok'ae p'irabaripisima salmo umene bɨ bɨ jĩra. Nãɨya jara bɨma: “Pɨ mɨ Warrapɨ. Idi pɨ mɨ Warraade aruma”.

Romano 4:12

Mãɨnepa Abrahanpa ichi k'ak'ua tauchaai naena ĩjãa bada jĩra k'ak'ua tauchaa berãpa ĩjãanaipɨra Abrahán ãchi ak'õrepɨ.

Romano 9:8

Mãɨ pedeapa tachiá k'awapi bɨma jõma Abrahanepa nãɨ k'ak'uade t'õnana Tachi Ak'õre warrarãwẽma. Tachi Ak'õrepa teai jarada warrarãt'a mãɨt'u Abrahán warrarã piarãrãpɨ.

Gálata 3:29

Mãra Cristodé pẽra piarã Abrahán warrarãpɨ. Mãɨpa Tachi Ak'õrepa mãra k'aripasima ichia Abrahaná tachi k'aripayade ada pẽra.

Hebreo 11:7

Tachi Ak'õrepa Noea jarasima ne waidi unuk'á bet'a mãɨ ununait'a. Mãɨ Noepa ĩjãana pẽra, Tachi Ak'õre wap'ea bada pẽra p'ãp'orro minachia bɨt'a oosima, ichi ẽpẽerã k'aripai k'orea. Mãɨya chi nãɨ ĩjũane bea ãchi nemietá k'awapisima. Noepa ĩjãana pẽra Tachi Ak'õrepa ichi jĩp'a unusima.

Hebreo 7:6

Mãɨyawẽapuru Melkisedé Levidepa chedawẽ pasimina, Abrahanpa ẽemarinanepema ichiá teasima. Diez joisiarucha aba teasima. Mãɨne Melkisedepa Abrahaná pia jarasima Tachi Ak'õrepa k'aripamẽrá. Mãɨ Tachi Ak'õrepa naena piarã k'aripayade a basima.