Romano 3:9 - Tachi Ak'õre Pedea

⁹ Mãɨpuru ¿k'ãre jaradaima? ¿Jaradaik'ãra tai judiorã waapẽarã k'aepẽra atepe pia p'anɨma? ¡Mãɨyawẽma! Mɨa nãɨ k'art'ade k'awapisima judiorãpa mãɨnepa judiorãwẽpa nemietá oopataɨt'a.

Romano 3:9 ပူးပေါင်းရင်းမြစ်များ

Luca 7:39

Mãɨ unuside Jesú t'ɨ̃na p'ariseopa nãɨya k'ɨ̃risiasima: «Nãɨ ẽpẽra piarã Tachi Ak'õre pari pedeaparí padapara k'awai pasima mãɨ nemietá oopari wẽrapa jãɨya oo bɨt'a».

Romano 1:18

Tachi Ak'õrepa pajãnepa k'awapi bɨma nemietá oo berã mãɨnepa jĩp'awẽa berã ichi k'ĩruupidepa ãarea ɨtɨait'a. Ãchia nemietá oo p'anɨnepa chi piarã pedea itu k'awapidak'ama.

Romano 11:32

Piarã Tachi Ak'õrepa jõmãɨrã eda jɨ̃a nɨbɨsima ãchi k'ɨɨrɨwẽa p'anɨ k'orea. Mãɨya oosima jõmãɨrã k'ĩra chupuriai k'orea.

Romano 11:7

¿Mãɨnepema sãmaasã́ k'ɨ̃risia p'anɨma? Israel ĩjũanepemarãpa Tachi Ak'õre p'uuru padai jɨrɨ p'anamina, mãɨya oodaé pasima. Maamina israel ĩjũanepemarã chok'araawẽa p'anɨpa ĩjãasidama, Tachi Ak'õrepa jɨrɨ atada pẽra. Waapẽarãpa ĩjãanai k'ɨ̃rianaé pasima.

Romano 2:1

Mãɨya bɨde abaɨ pida k'ɨ̃risiaiwẽa bɨma Tachi Ak'õre k'ĩrari nepɨra pará bɨwẽt'a. Chi atepe jĩp'a oo bɨade a bɨpa mãɨya k'ɨ̃risiaiwẽa bɨma. Abaɨpa nemietá oo bɨade a jararude ara ichi k'orea jara bɨma, ichia pida abarik'a mãɨ jĩra oopari pẽra.

Romano 3:1

Mɨa mãɨya jara bɨ pẽra, abaɨpa nãɨya k'ɨ̃risiaima: «¿K'ãarea ɨmɨk'ĩra k'ak'ua tauchaa bɨima? mãɨnepa ¿mãɨ judiorã k'aepẽra judiorãwẽ Tachi Ak'õre k'ĩrari atepe p'anɨma?»

Romano 3:19

Mãɨ pedea Tachi Ak'õre pedeade bɨt'a chi mãɨ bɨda ũri berã́ jara bɨma. Mãɨya mi ãpia pida p'ue nemietaawẽa bɨade a jarawẽma. Mãɨ Moisepa bɨdadepa k'awa p'anɨma jõma nãɨ ĩjũanepemarã Tachi Ak'õre k'ĩrari nepɨra pará p'anɨt'a.

Romano 3:5

Mɨ pedearuma ẽpẽrarã pedeapata jĩra. Chi eda waapẽarãpa jarapatama nemietá oo p'anɨnepa, chi Tachi Ak'õre jĩp'a bɨt'a unupipataade apatama. Mãɨne Tachi Ak'õrepa ɨtɨaipɨra, ichi jĩp'a bɨwẽane apatama. ¿Chi mãɨya jara p'anɨa k'ãre jaradaima? ¿Jaradaik'ãra Tachi Ak'õre jĩp'a bɨwẽt'a, tai ɨtɨai pẽra?

Romano 6:15

¿Mãɨnepema sãmaasã́ k'ɨ̃risia p'anɨma? Tachi Ak'õrepa ichi sõpiadepa tachi k'aripada pẽra mãɨnepa tachi Moisepa bɨdadepa p'anɨwẽ pẽra ¿nemietá oodai p'anɨk'ãra? ¡Mãɨyawẽma!

Romano 7:14

Tachia k'awa p'anɨma Moisepa bɨda Tachi Ak'õre Jaoredepa chesit'a. Maamina mɨ nãɨ k'ak'uade bɨma. Mɨ netoda jĩra bɨma, nemietá pae pari mimiaparí bamẽrá.

1 Corintio 10:19

Maamina mɨa sãdo piarãane a jarawẽa bɨma. Chi sãdorã́ ne k'iuru teada, chi tachia k'opataɨ k'iuru ara mãɨ jĩra bɨma.

1 Corintio 14:15

Mãɨyara ¿sãmaasã́ jĩp'a ooima? Mɨ jaorepa Tachi Ak'õrea ɨt'aa chiidiipɨ maamina mɨa chi k'awa bɨ pedeade pida ɨt'aa chiidiipɨ. Mɨ jaorepa Tachi Ak'õrea pia k'ariipɨ, maamina chi mɨa k'awa bɨ pedeade pida k'ariipɨ.

1 Corintio 4:7

¿K'aipa pɨ waapẽarã k'aepẽra atepe pia bɨsima? Tachi Ak'õrepa teada awara ¿pɨa k'ãre uru bɨma? Pɨa Tachi Ak'õrenepa nejõma jitadapɨra, ¿k'ãre k'orea ara pɨchi tuaba jitada jĩra pedea bɨma?

Gálata 3:10

Moisepa bɨda oo p'anɨnepa chi Tachi Ak'õrené jĩp'a berã paara p'aneenai k'ɨ̃risia berã nepɨra pará p'anɨane a bɨma. Mãɨ Moisepa bɨdade nãɨya bɨ bɨma: «Nãɨ Moisepa bɨda jõma oowẽa be Tachi Ak'õrepa nepɨra pará p'anɨane aipɨ».

Gálata 3:22

Maamina Tachi Ak'õre pedeade bɨ bɨma nemietaapa jõmãɨrã eda serra uru bɨt'a. Mãɨya Jesucristopa ichi Ak'õrepa jarada oosi pẽra, chi ichide ĩjãautapa mãɨ Tachi Ak'õrepa teai jarada jitadaima.

P'ilipense 1:18

Maamina ¿mãɨ sak'aima? K'ɨ̃risia piadepa wa k'ɨ̃risia piawẽanepa jara p'anɨpɨra, Cristo k'orea jara p'anɨma. Mãɨ k'orea mɨ arapá bɨma. Mãɨnepa arapá baipɨ