Romano 3:30 - Tachi Ak'õre Pedea

³⁰ ichi aba bɨ pẽra. Ichia jõma Jesude ĩjãautat'a chi ichidirã jĩp'a berã paara bɨparima. K'ak'ua tauchaa berãpa mãɨnepa k'ak'ua tauchaawẽa berã pida Jesude ĩjãasidara chi ichidirã jĩp'a berã paara bɨparima.

Romano 3:30 ပူးပေါင်းရင်းမြစ်များ

Romano 2:26

Mãɨne judiorãwẽpa mãɨ Moisepa bɨda oo p'anɨpɨra, k'ak'ua tauchaawẽa p'anɨmina Tachi Ak'õre k'ĩrari k'ak'ua tauchaa bɨ jĩra p'anɨma.

Romano 2:27

Mãra judiorã k'ak'ua tauchaapatama unupidai k'orea Tachi Ak'õre ẽpẽrarãt'a. Mãɨnepa Moisepa bɨda k'awa p'anɨma. Maamina mãɨ Moisepa bɨda oodawẽa p'anɨma. Mãɨpuru chi k'ak'ua tauchaawẽa p'anɨpa mãɨ Moisepa bɨda oodaipɨra, k'awapidaipɨ mãra judiorãmina nepɨra pará p'anɨt'a.

Romano 3:22

Mãɨya Tachi Ak'õrepa ara ichia jararut'a ooparima, mãɨ Jesucristo ichi piuside ichi Ak'õre pedea ũri basi pẽra. Mãɨya ichia chi ãarea Jesude ĩjãautat'a chi ichidirã jĩp'a berã paara bɨparima. Aba pida k'ĩra awara unuk'ama.

Romano 3:28

Tachia jaratea p'anɨma Jesude ĩjãa p'anɨnepa Tachi Ak'õrepa tachi chi ichidirã jĩp'a berã paara bɨit'a. Mãɨya jarak'ama, Moisepa bɨdade ĩjãa p'anɨnepa.

Romano 4:16

Tachi Ak'õrepa teai jarada tachia jitadaipɨ ichide ĩjãa p'anɨ pẽra. Tachi Ak'õrepa ichi sõpiadepa mãɨ pari tea bɨma. Mãɨpuru jõma Abrahán ẽpẽrarã, chi Moisepa bɨdadepa p'anɨrãpa, mãɨ piarã jitadaipɨ. Maamina abapuru ãchiapuru jitadaiwẽma, mãɨpari judiorãwẽ pida Abrahán jĩra Tachi Ak'õrene ĩjãanaipɨra jitadaipɨ. Mãɨya Abrahán jõma tachi, chi Tachi Ak'õrene ĩjãa berã ak'õrepɨ.

Romano 4:9

Mãɨya ¿abapuru chi k'ak'ua tauchaa bet'a minachia pia p'ananaik'ãra? ¿K'ak'ua tauchaawẽa be sida minachia pia p'ananaiwẽk'ãra? Taipa jarasidama Abrahanpa Tachi Ak'õrene ĩjãana pẽra Tachi Ak'õrepa ichi nepɨra newẽa bɨade a jarasit'a.

Gálata 3:20

Maamina Tachi Ak'õrepa Abrahaná k'aripayade aside aba pida mãɨ pedea jarade peé pasima, mãɨpari ara ichiapuru Abrahaná mãɨya jarasima.

Gálata 3:28

Mãɨ jara bɨma judio griego ome abarik'a p'anɨma, chi chipari pae pari mimiaparí mãɨnepa chi chipari pae pari mimiak'apɨ́ ome abarik'a p'anɨma, mãɨnepa ɨmɨk'ĩra wẽra ome abarik'a p'anɨma. Jõma mãra ẽpẽra aba bɨ jĩra p'anɨma, Jesucristo ome ará p'anɨ pẽra.

Gálata 3:8

Chõarãena Tachi Ak'õre pedeade bɨ bɨma judiorãwẽpa Tachi Ak'õrene ĩjãasidara ichia ãchi ichidí jĩp'a berã paara bɨi pasit'a. Mãɨ k'orea chõarãena Tachi Ak'õrepa Abrahaná chi pedea pia pedeasima. Ichia nãɨya jarasima: «Pɨdepa mɨa nãɨ ĩjũane be p'uuru jõma k'aripaipɨ».

Gálata 5:6

K'ak'ua tauchaa bɨdepa wa k'ak'ua tauchaawẽa bɨdepa tachi Jesucristo ome ará bak'ama. Mãɨpari chi ichide ĩjãa bɨdepa ichi ome ará baparima mãɨnepa waapẽarã k'ɨ̃ria baparima.

Gálata 6:15

Tachi Ak'õremá k'ak'ua tauchaa bai wa k'ak'ua tauchaawẽa bait'a pia bɨwẽma. Ichimá, ẽpẽra chiwidi oodat'u mãɨ pia bɨma.

P'ilipense 3:3

Maamina tachit'u chi piarã tauchaadaadarãpɨ. Tachiapuru Tachi Ak'õre Jaoredepa ichiá pia pedeapatama. Mãɨnepa Jesucristopa tachi k'orea ooda pia jarapatama. Tachia nãɨ k'ak'ua k'orea Tachi Ak'õrepa tachi jĩp'a p'anɨ unui k'ɨ̃risiadak'ama.

1 Timoteo 2:5

Tachi Ak'õre abapuru bɨma. Mãɨnepa chi ẽpẽrarã nepɨra k'aripaparí, Tachi Ak'õre ẽpẽrarã ome, abapuru bɨma. Mãɨ ẽpẽra Jesucristopɨ.