Romano 3:25 - Tachi Ak'õre Pedea

²⁵ Tachi Ak'õrepa Jesucristo bɨsima ichi oa ãrimẽrá tachi nemietá k'orea. Mãɨne ĩjãautade Tachi Ak'õrepa tachi nemietá k'ɨ̃risia atuaparima. Mãɨpa unupi bɨma Tachi Ak'õre jĩp'a bɨt'a tachi k'aripai k'orea. Cristo chei naena nemietá oodada Tachi Ak'õrepa ãarea choa bɨdepa ɨtɨawẽa basima.

Romano 3:25 ပူးပေါင်းရင်းမြစ်များ

Juan 6:47

»Mɨa piarã jararuma: ẽpẽrapa mɨne ĩjãaipɨra Tachi Ak'õre ome ewaricha chok'ae baipɨ.

Hecho 14:16

Naena Tachi Ak'õrepa ichi atua be p'uurudepemarã́ ara ãchia oo k'ɨ̃ria p'anɨt'a itu oopipachima.

Hecho 15:18

Tachi Chiparipa mãɨya jara bɨma. Chõarãena mãɨ minachia k'awapi bɨma”.

Hecho 17:30

Ẽpẽerãpa chi Tachi Ak'õre atua p'ananapa naena mãɨya oodada ichia itu bɨsima. Maamina idiapae jara bɨma ãarea tuachadepemarãpa nemietá itu bɨdak'ari ichide ĩjãanamẽrá.

Hecho 2:23

Tachi Ak'õrepa naena k'ɨ̃risia bada jĩra abaɨa itu Jesú mãra juade teapisima. Maapae mãrapa ẽpẽerã k'achiarã́ k'urusude barijira bɨk'ari peapisidama. Tachi Ak'õrepa k'awa basima mãɨ ãarea mãɨyait'a.

Hecho 3:18

Maamina mãɨneepuru Tachi Ak'õrepa naena jarada ãarea mãɨyapisima. Chi ichi pari pedeapataɨrãnepa jarasima ichia Tachi K'aripaparí teai jarada minachia mĩak'ari piuit'a.

Hecho 4:28

ãchia mãɨya oosidama pɨa naena k'ɨ̃risia bada jĩra. Pɨ minachia jua chaarea bɨ pẽra naena mãɨya bɨsima ãchia mãɨya oodamẽrá.

Romano 2:4

Pɨa itu bɨ bɨma Tachi Ak'õrepa tachi ome minachia sõpia bɨt'a, ãarea choa bɨt'a mãɨnepa nemietá ooda isapea ɨtɨak'á bɨt'a. ¿Pɨa k'awawẽa bɨk'ãra Tachi Ak'õre sõpia baparima pɨ ome, ichia k'ɨ̃ria bɨẽra pɨa nemietá ooparí itu bɨk'ari ichimá chemẽrá?

Romano 3:26

Idiapae ichia Jesucristodepa tachi k'aripa bɨma, ichi jĩp'a bɨ pẽra. Ichia jararut'a ara mãɨya oopari pẽra, chi Jesude ĩjãautat'a chi ichidirã jĩp'a berã paara bɨparima.

Romano 5:1

Tachi Chipari Jesucristode ĩjãa p'anɨ pẽra Tachi Ak'õrepa tachi chi ichidirã jĩp'a berã paara bɨsima. Mãɨpuru Cristodepa Tachi Ak'õre ome sõpia p'anɨma.

Romano 5:11

Mãɨ awara Tachi Chipari Jesucristodepa Tachi Ak'õre ome pia p'anɨ pẽra ichidepa Tachi Ak'õre ome sõpia p'anɨma.

Romano 5:18

Mãɨya ẽpẽra abaɨpa nemietá ooda k'orea Tachi Ak'õrepa ichi nepɨra ak'ɨk'ari jõmãɨrã sida nepɨra pará p'anɨane aparima. Mãɨnepa ẽpẽra abaɨpa jĩp'a ooda k'orea Tachi Ak'õrepa jõmãɨrã chi ichidirã jĩp'a berã paara p'ue bɨipɨ ewaricha ichi ome chok'ae p'ananamẽrá.

Romano 5:9

Cristo oa ãrinanepa Tachi Ak'õrepa tachi chi ichidirã jĩp'a berã paara bɨparima. Mãɨpuru Cristodepa Tachi Ak'õrepa tachi ɨtɨai pada piarã k'aripaipɨ.

1 Corintio 5:7

Mãɨpuru p'ana ooropiparí chi chota ãyá amaauta jĩra mãɨ nemietá oo bɨpa mãranepema ãyá bɨt'ɨ. Mãɨya mãra nemietá newẽa p'ananaipɨ, harina chiwidi p'ueradada chi p'ana ooropiparí newẽa bɨ jĩra. Mãra mãɨ jĩra p'anapii k'orea, Cristo tachi nemietá k'orea piusima, Egitodepa wãsidaɨde oveja peadada jĩra.

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

Ep'esio 1:7

Ichi Warra oa ãrinanepa Tachi Ak'õrepa tachi nemietaadepema k'aripasima. Ichi minachia sõpia bɨdepa tachia nemietá oodada ãarea k'ɨ̃risia atuasima.

Ep'esio 2:13

Maamina naapae Jesucristo ome p'anɨ pẽra, mãra chi naena t'ɨmɨa beada Tachi Ak'õrepa Cristo oadepa ichi k'ait'a enemeesima.

1 Timoteo 1:15

Nãɨ pedea piarã arí bɨ pẽra jõmãɨrãpa ĩjãanai p'anɨma: Jesucristo nãɨ ĩjũanea chesima nemietá oopataɨrã k'aripai k'orea. Mãɨrãnepema, mɨt'u chi atepe k'achia pará basima.

Hebreo 10:4

p'ak'a chi ɨmɨk'ĩra oapa mãɨnepa chivo oapa mãɨ nemietá oodada p'ue ãyá bɨk'a pẽra.

Hebreo 11:14

Mãɨya pedea p'anɨnepa pia k'awapisidama ãchi tua piarã jitadai k'orea nɨ p'anɨt'a.

Hebreo 11:17

Tachi Ak'õrepa Abrahaná jarasima ichi warra paateapade asima, piarã ĩjãa bɨ k'awai k'orea. Maamina mãɨ naena Tachi Ak'õrepa ichiá nãɨya jarasima: «Pɨ warra Isaadepa warrarã minachia ununaipɨ». Tachi Ak'õrepa mãɨya jara basideepuru Abrahanpa ichi warra abapuru bɨt'a paateai k'orea basima.

Hebreo 11:7

Tachi Ak'õrepa Noea jarasima ne waidi unuk'á bet'a mãɨ ununait'a. Mãɨ Noepa ĩjãana pẽra, Tachi Ak'õre wap'ea bada pẽra p'ãp'orro minachia bɨt'a oosima, ichi ẽpẽerã k'aripai k'orea. Mãɨya chi nãɨ ĩjũane bea ãchi nemietá k'awapisima. Noepa ĩjãana pẽra Tachi Ak'õrepa ichi jĩp'a unusima.

Hebreo 9:28

Ara mãɨ jĩra Cristopa bari k'ak'o aba ara ichi itu peapisima chok'araɨrãpa nemietá oodada ãyá bɨi k'orea. Ichi mãicha cheipɨ, maamina mãɨne cheiwẽma tachia nemietá oopataɨt'a ãyá bɨi k'orea. Mãɨpari cheipɨ ichi nɨ p'anɨrã k'aripai k'orea.

Hebreo 9:5

Baulte ɨ̃rɨ Tachi Ak'õrepa ɨt'aripa peeda jĩra ĩk'arra pará p'anɨ ume p'anasidama. Ãchi ĩk'arrapa chi baulte t'ap'a ɨ̃rɨ t'ap'a uru p'anasidama. Ãchi p'anɨmá Tachi Ak'õre k'ĩrawãrea achiterrea chepachima. Mãɨ ɨ̃rɨ chi p'aarepa ne oa jĩp'orude Tachi Ak'õrepa ẽpẽrarãpa nemietá oodada k'ɨ̃risia atuapachima. Maamina taipa nãɨ k'art'ade nãɨ ne ãarea p'ue jarateadaiwẽma.

1 Juan 1:10

Tachia nemietá oodak'aade adaipɨra, Tachi Ak'õre chi sea bɨade a p'anɨma mãɨnepa ichi pedea ĩjãanawẽa p'anɨma.

1 Juan 2:2

Ichi piusima Tachi Ak'õrepa tachi nemietá k'ɨ̃risia atuamẽrá. Abapuru tachi nemietá k'orea piué pasima, mãɨpari piusima jõma nãɨ ĩjũane p'anɨrã nemietá k'orea pida.

1 Juan 4:10

Mãɨ k'ɨ̃ria bɨt'a nãɨya bɨma: k'ɨ̃rianepa Tachi Ak'õrepa ichi Warra peesima piumẽrá tachi nemietá k'ɨ̃risia atuai k'orea. Tachi Ak'õrepa mãɨya ooé pasima tachia ichi k'ɨ̃ria p'anana pẽra, mãɨpari mãɨya oosima ichia tachi k'ɨ̃riana pẽra.

Apocalipsi 1:5

Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.

Apocalipsi 13:8

Mãɨne chi nãɨ ĩjũane ãareaɨrãpa mãɨ ãnimara minachia k'ɨ̃riasidama. Nãɨ ĩjũa ooi naena ãchi t'ɨ̃ chi Oveja Chak'e k'art'ade eda bɨ baé pasima. Mãɨ chi ewaricha chok'ae p'ananai k'art'ade ãchi t'ɨ̃ ãarea eda bɨ bɨma.

Apocalipsi 20:15

Chi ẽpẽerã ewaricha chok'ae p'ananai k'art'ade chi t'ɨ̃ bɨwẽa be Tachi Ak'õrepa mãɨrã t'ɨpɨ uruade jirat'aasima.

Apocalipsi 5:9

Chi chõarã veinticuatro p'anɨpa mãɨnepa chi ẽpẽra jĩra chok'ae berãpa nãɨ k'ari chiwidit'a k'arisidama: «Pɨ pia bɨma mãɨ k'art'a jitak'ari chi k'ara nɨbɨ oet'ait'a, pɨ peasida pẽra. Chi mãɨ oa pɨa ãrisidepa ẽpẽerã Tachi Ak'õre pae atasima. Ẽpẽerã awaraɨcha, pedeacha, p'uurucha mãɨnepa ĩjũacha mãɨrãnepema eda waapẽarã atasima.