Romano 3:20 - Tachi Ak'õre Pedea

²⁰ Piarã Moisepa bɨda oo bɨdepa mi ãpia pida Tachi Ak'õrepa chi ichidirã jĩp'a berã paara bɨiwẽma. Mãɨ Moisepa bɨdadepa k'awapi bɨma tachia nemietá oopataɨ.

Romano 3:20 ပူးပေါင်းရင်းမြစ်များ

Hecho 13:39

Moisepa bɨdade bɨ bɨma Tachi Ak'õrepa chi tachia nemietá tachi k'ɨ̃ría oopataɨ k'ɨ̃risia atuaiwẽma. Maamina ãarea chi Jesude ĩjãauta Tachi Ak'õrepa nepɨra newẽa p'anɨane aparima. Mãɨt'a mãrá jara p'anɨma.

Romano 2:13

Moisepa bɨda ũri p'anɨnepa ẽpẽrarã Tachi Ak'õre k'ĩrari jĩp'a p'aneenaiwẽma, mãɨpari mãɨ ãarea oo p'anɨnepa Tachi Ak'õrepa ãchi nepɨra newẽa p'anɨane aima.

Romano 3:28

Tachia jaratea p'anɨma Jesude ĩjãa p'anɨnepa Tachi Ak'õrepa tachi chi ichidirã jĩp'a berã paara bɨit'a. Mãɨya jarak'ama, Moisepa bɨdade ĩjãa p'anɨnepa.

Romano 4:13

Tachi Ak'õrepa Abrahaná mãɨnepa ichidepa chedai pada ẽpẽrarã́ nãɨ ĩjũa teayade asima. Maamina mãɨya jaraé pasima Abrahanpa Moisepa bɨda uru bɨda pẽra. Mãɨpari mãɨya jarasima Abrahán nepɨra newẽa bɨade a jarada pẽra. Mãɨya nepɨra newẽa bɨade a jarasima Abrahanpa ichide ĩjãana pẽra.

Romano 4:15

Mãɨ Moisepa bɨda jara bɨ jĩra oowẽa p'anɨnepa, Tachi Ak'õrepa tachi ɨtɨaipɨ. Piarã Moisepa bɨda nea badapara, nepɨra pará p'ananaiwẽ pasima.

Romano 5:13

Tachi Ak'õrepa ichi pedea Moisea bɨpii naena, ẽpẽrarãpa nãɨ ĩjũane nemietá oopachidama. Maamina mãɨ Moisepa bɨda nea bada pẽra jaraé pasima ẽpẽrarãpa nemietá oo p'anɨ k'orea, nepɨra pará p'anɨne aé pasit'a.

Romano 5:20

Tachi Ak'õrepa Moisea ichi pedea bɨpisima ẽpẽrarãpa k'awadamẽrá nemietá minachia oo p'anɨt'a. Maamina ẽpẽrarãpa nemietá minachia oosidaɨde Tachi Ak'õrepa ichi sõpiadepa pia k'ĩra chupuriasima.

Romano 7:11

Mãɨ Moisepa bɨdade oopi bɨ pedea k'orea mɨa nemietá atepe oo k'ɨ̃riasima. Maapae nemietaapa mɨ seasima k'ɨ̃risiamẽrá mãɨ Moisepa bɨdadepa jĩp'a bait'a. Maamina mãɨ ũrik'a pẽra piui basima.

Romano 9:32

¿K'ãre k'orea mãɨyanaé pasima? Mãɨyanaé pasima Cristode ĩjãanai k'aepẽra ãchia oo p'anɨnepa ichi k'ĩrari jĩp'a p'ananai k'orea jɨrɨ p'anana pẽra. Piarã ãchia Cristode ĩjãanaé pasima mawaramá t'enabariuta jĩra.

1 Corintio 15:56

Moisepa bɨdapa k'awapi bɨma tachia nemietá oopataɨ. Nemietá oopata pẽra piudaipɨ.

Gálata 2:16

Maamina tachia k'awa p'anɨma Tachi Ak'õrepa ẽpẽra aba pida bɨwẽma chi jĩp'a be paara, mãɨ Moisepa bɨda oo bɨ pẽra. Mãɨpari Jesucristopa mãɨ bɨda jĩra jõma ooda k'orea, Tachi Ak'õrepa tachi bɨparima chi jĩp'a be paara. Mãɨpuru tachia pida Jesucristode ĩjãasidama, mãɨnepa Jesucristode ĩjãa bɨ k'orea mãɨya chi jĩp'a be paara p'anapatama, Ichia mãɨ bɨda jĩra jõma ooda k'orea. Piarã Moisepa bɨda oo p'anɨnepa Tachi Ak'õrepa tachi bɨk'ama chi jĩp'a be paara.

Gálata 2:19

Naena mɨ Moisepa bɨdadepa basima. Maamina mãɨ Moisepa bɨdadepema mɨ piusima. Mãɨya mɨ Tachi Ak'õre pae chok'ae beesima.

Gálata 5:4

Chi eda mãranepemarãpa k'ɨ̃risiapatama mãɨ Moisepa bɨda oo p'anɨnepa Tachi Ak'õrepa chi jĩp'a berã paara bɨit'a. Cristo awara wãsidama mãɨnepa ichi sõpiadepa jĩp'a bɨ bada itu bɨsidama.

Hebreo 7:19

mãɨnepa mi ãpia pida jĩp'a bɨé pasima. Mãɨ Moisepa bɨda k'aepẽra Tachi Ak'õrepa nepia teasima tachi k'aripai k'orea. Mãɨnepa Tachi Ak'õremá ará orrobariparima.