Romano 3:11 - Tachi Ak'õre Pedea

¹¹ Mi aba pida k'awa bɨma k'ãre jĩp'a bɨt'a. Mi aba pida Tachi Ak'õre jɨrɨk'ama.

Romano 3:11 ပူးပေါင်းရင်းမြစ်များ

Mateo 13:19

Chi net'a tau ode p'oda nãɨya jara k'ɨ̃ria bɨma: Pajãne Bɨpa ichidirã ichi juade ua bɨ k'orea abaɨ pida ũrik'ari k'awaepɨra, tiorepa mãɨ pedea ichi sõne cheda k'ɨ̃risia atuapiipɨ.

Romano 1:22

K'ɨ̃risia k'awaa p'aneenayane asidamina k'ɨ̃risia newẽa p'aneesidama.

Romano 1:28

Ãchia Tachi Ak'õre itu bɨdada pẽra ichia itu bɨsima nemietá k'ɨ̃risiadak'ari, chi tachia oodaiwẽa p'anɨt'a mãɨya oo p'ananamẽrá.

Romano 3:10

Mãɨ k'orea Tachi Ak'õre pedeade nãɨya bɨ bɨma: «Ẽpẽra jĩp'a bɨ aba pida newẽma.

Romano 3:12

Jõmãɨrã o ãyá wãsidama. Jõmãɨrã Tachi Ak'õre k'ĩrari piawẽa p'aneesidama. Mi aba bɨ pida pia ook'ama. Pia oo bɨt'a aba pida newẽma.

Romano 8:7

Nãɨ k'ak'uapa oo k'ɨ̃ria bɨt'a k'ɨ̃risia baipɨra, Tachi Ak'õre ome chi nek'ĩramaapɨ. Moisepa bɨda jĩra ooi k'ɨ̃riak'ama; mi ãpia pida p'ue ook'ama.

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.