Romano 3:10 - Tachi Ak'õre Pedea

¹⁰ Mãɨ k'orea Tachi Ak'õre pedeade nãɨya bɨ bɨma: «Ẽpẽra jĩp'a bɨ aba pida newẽma.

Romano 3:10 ပူးပေါင်းရင်းမြစ်များ

Mateo 15:19

Ẽpẽra sõnepa nãɨ k'ɨ̃risia mietá cheparima: mĩa peai; k'ima awaraɨ ome k'ãii; nemietá awaraɨ ome oo bai; nechɨai; sea jarai; waapẽarã k'orea k'achia pedeai; jãkɨɨ ãarea k'ɨ̃risiai.

Marco 10:18

Jesupa p'anoosima: —¿K'ãre k'orea mɨ pia bɨade a bɨma? Aba pida pia bɨwẽma; abapuru Tachi Ak'õret'u pia bɨpɨ.

Romano 11:8

Tachi Ak'õre pedeade nãɨya bɨ bɨma: «Tachi Ak'õrepa ãchi k'ãi p'anɨ jĩra bɨsima p'ue k'awapidaemaapa, ãchi taupa ununa p'ue k'awapidaemaapa, mãɨnepa ãchi k'ɨɨrɨpa ũrina p'ue k'awapidaemaapa. Wapida ara mãɨya p'anɨma».

Romano 3:11

Mi aba pida k'awa bɨma k'ãre jĩp'a bɨt'a. Mi aba pida Tachi Ak'õre jɨrɨk'ama.

Romano 3:23

Piarã jõmãɨrãpa nemietá oopata pẽra Tachi Ak'õre pia bɨdepema awara p'anɨma.

Romano 3:4

Mãɨyawẽma. Tachi Ak'õrepa ooi jarada piarã jõma ooipɨ. Ẽpẽrarã seajarapatamina Tachi Ak'õrepa ooparima ichia jara bɨ jĩra. Ichi Pedeade nãɨya bɨ bɨma: «Jõmãɨrãpa k'awadaipɨ pɨa jara bɨ jĩp'a bɨt'a; abaɨ pida pɨ k'orea k'achia pedearude pɨa k'awapiipɨ pɨ jĩp'a bɨt'a».

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

1 Pedro 1:16

Tachi Ak'õre pedeade nãɨya bɨ bɨma: «Jĩp'a p'anat'ɨ mɨ jĩp'a bɨ pẽra».

Apocalipsi 21:8

Maamina chi mɨ ome wãnai k'orea wap'eapataɨrã, chi mɨne ĩjãanak'apɨɨrã, chi mɨa k'ɨ̃riak'at'a oopataɨrã, chi mĩa peapataɨrã, chi k'ĩranejasia oopataɨrã, chi ẽpẽra nɨɨpataɨrã, chi juapa oodada sãdode ĩjãapataɨrã mãɨnepa chi seajarapataɨrã azup're t'ɨpɨ urua nɨbɨde minachia mĩa p'ananaipɨ. Mãɨ chi bari k'ak'o ume piusiade apatama».

Apocalipsi 22:15

Maamina chi nemietá oopataɨrã, chi ẽpẽra nɨɨpataɨrã, chi k'ĩranejasia oopataɨrã, chi mĩa peapataɨrã, chi juapa oodada sãdode ĩjãapataɨrã, mãɨnepa seajarapataɨrã ãarea awara tuaneenaipɨ.