Romano 2:7 - Tachi Ak'õre Pedea

⁷ Chi eda waapẽarãpa pia oo p'anɨma Tachi Ak'õrepa ãchi pia unumẽrá, pia jaramẽrá mãɨnepa ewaricha ãchi ome chok'ae bamẽrá. Mãɨrã piarã chok'ae p'anapiipɨ.

Romano 2:7 ပူးပေါင်းရင်းမြစ်များ

Mateo 25:46

Maapae Tachi Ak'õrepa ãchi t'ɨpɨ tau urua k'iiwãk'á nɨbɨdea peek'oaipɨ, maamina chi jĩp'a berã ichi ome ateewãipɨ ewaricha chok'ae beadamẽrá.

Luca 21:19

Mãɨ k'aadepema ewari parudea mɨne wapida ĩjãa p'anɨ itu bɨdaepɨra, Tachi Ak'õrepa mãɨ k'aripaipɨ.

Luca 8:15

Maamina net'a tau ĩjũa piade baedapa nãɨ jara bɨma: sõ jĩp'a berãpa mãɨnepa k'ɨ̃risia pia berãpa Tachi Ak'õre pedea ũrinak'ari piarã ĩjãapatama. Ãchia ĩjãa p'anɨ itu bɨdak'a pẽra nepia oopatama.

Juan 4:36

Ne uu ĩjũa baadai ewari chesima. Ne uu ĩjũa baauta jĩra mãra mimianaipɨ ẽpẽerãpa mɨne ĩjãanamẽrá. Mãɨya ãchi Tachi Ak'õre ome ewaricha chok'ae p'ananaipɨ. Chi ne uu ĩjũa baaparí arapaaparima ichia erreara jitai bɨ pẽra. Ara mãɨ jĩra mãra arapaadaipɨ ẽpẽerãpa mɨne ĩjãauta k'orea. Chi ne uu ĩjũa baaparí chi ne uuparí ome arapá p'ananaipɨ.

Juan 5:44

¿Sãmaasã́ mɨne ĩjãanaima? Abapuru k'ɨ̃ria p'anɨma waapẽarãpa mãra pia ununait'a. Maamina Tachi Ak'õre aba bɨpa mãra pia unuit'a mãɨ jɨrɨdawẽma.

Romano 2:10

Maamina jõma pia oo berã Tachi Ak'õrepa pia unuipɨ, pia jaraipɨ mãɨnepa ne k'ɨ̃risiawẽa bapiipɨ. Naa judiorã mãɨnepa judiorãwẽ sida mãɨya ooipɨ.

Romano 6:23

Piarã nemietá oo p'anɨ k'orea ẽpẽrarã piudaipɨ. Maamina Tachi Chipari Jesucristodepa Tachi Ak'õrepa ewaricha chok'ae bapiipɨ, ne pari tea bɨ jĩra.

Romano 8:18

Mɨmá, chi nãɨ ewaride tachi minachia mĩa p'anɨt'a mãɨ ãpia bɨ jĩra bɨma, chi k'aadeapema ewaride Tachi Ak'õrepa tachi pia bɨi k'aepẽra.

Romano 9:23

Mãɨya choasima ichi pia bɨ waibɨa bɨdepema ichia k'ĩra chupuria bɨ ẽpẽrarã́ k'awapii k'orea. Ãchi ichia naena jɨrɨ atasima ichi pia bɨdepema uru p'ananamẽrá.

1 Corintio 15:42

Chi piudada chok'ae p'irabaridait'a ne uuda jĩra bɨma. K'ak'ua beraa bɨt'a t'ɨbaripatama maamina k'ak'ua beraak'apɨ́ chok'ae p'irabariipɨ.

1 Corintio 15:50

Ũpẽarã, mɨa nãɨ jararuma: nãɨ ĩjũanepema k'ak'ua Tachi Ak'õre juade p'ue baiwẽma, ichidirã paara. Chi beraaparí k'ak'ua chi beraak'apɨ́ k'ak'uamá p'ue baiwẽma.

1 Corintio 15:58

Mãɨ k'orea ũpẽarã mɨa k'ɨ̃ria berã, minachia ĩjãa p'anat'ɨ. Tachi Chiparipa k'ɨ̃ria bɨ minachia oopariet'ɨ. Mãrapa k'awa p'anɨma chi Tachi Chipari pae oo p'anɨ, pari oo p'anɨwẽt'a.

Gálata 6:9

Mãɨpuru sẽnawẽa nepia oo p'anat'ɨ. Sẽnawẽa p'anɨpɨra, Tachi Ak'õrepa bɨda ewaride tachia nepia atadaipɨ.

Ep'esio 6:24

Mɨa k'ɨ̃ria bɨma Tachi Ak'õrepa ichi sõpiadepa jõma Tachi Chipari Jesucristo piarã minachia k'ɨ̃ria berã k'aripa bait'a. Mãɨya beese.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

1 Timoteo 1:17

Tachi Ak'õre chi ewaricha jõmãɨrã Chiparipɨ. Ichi chi tachia ununak'aɨ piuk'ama. Ichit'u Tachi Ak'õrepɨ. Ichiá tachia ewaricha pia pedeadai p'anɨma mãɨnepa wap'eadai p'anɨma. Mãɨya beese.

2 Timoteo 1:10

Maapae Jesucristo Tachi K'aripaparí cheside unupisima sãmaasã́ ichi sõpia bɨma tachi ome. Tachi piui pada Jesucristopa jõpik'ari, maapae ewaricha chok'ae bapisima. Chi ichi k'orea pedea piapa mãɨ pia k'awapi bɨma.

Hebreo 2:7

Pɨa ichi chi Tachi Ak'õrepa ɨt'aripa peedaɨrã k'aepẽra k'aepe bɨsima. Ichi pia bɨsima mãɨnepa chi minachia k'awa bɨ bɨsima».

Hebreo 6:12

Taipa k'ɨ̃rianawẽma mãra k'oa p'ananait'a, mãɨyawẽapuru k'ɨ̃ria p'anɨma chi mãra waapẽarã ũpẽarã jĩra p'ananait'a. Ãchia Cristode ĩjãa p'anɨẽra mãɨnepa ãarea choa p'anɨẽra, Tachi Ak'õrepa teai jarada ãarea jitadaipɨ.

Hebreo 6:15

Abrahanpa choa bɨdepa nɨ bak'ari Tachi Ak'õrepa warra teai jarada unusima.

1 Juan 2:25

Mãɨya ará p'anɨpɨra, Cristopa tachiá piarãpẽa jarasima ewaricha Tachi Ak'õre ome chok'ae p'ananait'a.