Romano 2:4 - Tachi Ak'õre Pedea

⁴ Pɨa itu bɨ bɨma Tachi Ak'õrepa tachi ome minachia sõpia bɨt'a, ãarea choa bɨt'a mãɨnepa nemietá ooda isapea ɨtɨak'á bɨt'a. ¿Pɨa k'awawẽa bɨk'ãra Tachi Ak'õre sõpia baparima pɨ ome, ichia k'ɨ̃ria bɨẽra pɨa nemietá ooparí itu bɨk'ari ichimá chemẽrá?

Romano 2:4 ပူးပေါင်းရင်းမြစ်များ

Romano 10:12

Tachi Ak'õre jõmãɨrã Chipari pẽra judiorã mãɨnepa judiorãwẽ sida abarik'a ooparima. Ichiá k'ĩra chupuria idiuta minachia k'aripaparima.

Romano 11:22

Minachia k'ɨ̃risiat'ɨ sãmaasã́ Tachi Ak'õrepa ichi sõpiadepa k'aripapari mãɨnepa sãmaasã́ ɨtɨapari. Judiorãpa ĩjãanaé pasi pẽra Tachi Ak'õrepa ɨtɨak'ari ãchi itu bɨsima. Mãɨne mãra judiorãwẽ ichi sõpiadepa k'aripa bɨma mãɨnepa k'aripa baipɨ. Maamina mãɨnepa p'ananai p'anɨma. Mãrapa ĩjãa p'ananaiwẽpɨra, Tachi Ak'õrepa mãra sida ɨtɨak'ari itu bɨipɨ pak'uru jua t'ɨat'uk'oaru jĩra.

Romano 11:33

Tachi Ak'õre minachia ne k'awa bɨma mãɨnepa k'ɨ̃risia k'awa bɨma. Ichia ooi k'ɨ̃risia bɨt'a mi ãpia pida p'ue k'awadaiwẽma. Ichia oo bɨ sida p'ue k'awadaiwẽma.

Romano 3:25

Tachi Ak'õrepa Jesucristo bɨsima ichi oa ãrimẽrá tachi nemietá k'orea. Mãɨne ĩjãautade Tachi Ak'õrepa tachi nemietá k'ɨ̃risia atuaparima. Mãɨpa unupi bɨma Tachi Ak'õre jĩp'a bɨt'a tachi k'aripai k'orea. Cristo chei naena nemietá oodada Tachi Ak'õrepa ãarea choa bɨdepa ɨtɨawẽa basima.

Romano 6:1

¿Mãɨ k'orea sãmaasã́ k'ɨ̃risia p'anɨma? ¿Tachi wapida nemietaade nipadaik'ãra Tachi Ak'õrepa ichi sõpiadepa atepe k'ĩra chupuriamẽrá?

Romano 6:15

¿Mãɨnepema sãmaasã́ k'ɨ̃risia p'anɨma? Tachi Ak'õrepa ichi sõpiadepa tachi k'aripada pẽra mãɨnepa tachi Moisepa bɨdadepa p'anɨwẽ pẽra ¿nemietá oodai p'anɨk'ãra? ¡Mãɨyawẽma!

2 Corintio 8:2

Ãchi minachia mĩa p'anɨmina arapá p'anɨma. Nenea p'anɨmina arapaapa erreara minachia teasidama.

Ep'esio 1:18

Mãɨnepa ɨt'aa chiidiparima Tachi Ak'õrepa mãrá k'ɨ̃risia teamẽrá. Mãɨya mãrapa k'awadaipɨ k'ãre ichidepa jitadai k'orea nɨ p'anɨt'a, mãɨ jitadamẽrá t'ɨ̃na pẽra. Mãɨne mãrapa k'awadaipɨ ichi ẽpẽrarãpa minachia pia bɨ jitadait'a.

Ep'esio 1:7

Ichi Warra oa ãrinanepa Tachi Ak'õrepa tachi nemietaadepema k'aripasima. Ichi minachia sõpia bɨdepa tachia nemietá oodada ãarea k'ɨ̃risia atuasima.

Ep'esio 2:4

Maamina Tachi Ak'õrepa minachia k'ĩra chupuriaparima. Ichia tachi minachia k'ɨ̃ria bɨ pẽra

Ep'esio 2:7

Mãɨ jõma oosima k'aadeapema ewaride ichi sõpia minachia bɨt'a unupii k'orea. Mãɨnepa tachi chi Jesucristo ome p'anɨrã k'aripasima.

Ep'esio 3:16

Mɨa ɨt'aa chiidi bɨma ichi Jaoredepa mãɨnepa ichia ne minachia pia bɨdepema mãra sõne jua chaarea p'anapimẽrá. Mãɨya mãra chaarea p'ananaipɨ.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

P'ilipense 4:19

Piarã jõma mãrapa newẽa p'anɨt'a, mɨ Pajãnepema Ak'õrepa nejõma pia uru bɨdepema Jesucristodepa teaipɨ.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

Colosense 2:2

Mɨa k'ɨ̃ria bɨma jõmãɨrã sõpiapiit'a, k'ɨ̃ria p'anɨnepa ará pia p'ananai, mãɨnepa piarã k'ɨ̃risia k'awa uru p'anɨnepa pia p'ananai. Mãɨya Tachi Ak'õrepa naena k'awapiwẽa bada k'awadaipɨ. Mãɨ Cristopɨ.

1 Timoteo 1:16

Maamina mãɨ k'orea Tachi Ak'õrepa mɨ k'ĩra chupuriasima. Mãɨya Jesucristopa mɨ, chi k'achia badadepema unupisima ichia ãarea pia choa bɨt'a. Mɨnepa chi wapida ĩjãanak'apɨɨrã́ k'awapisima sãmaasã́ ẽpẽra k'achia k'ĩra chupuriaparit'a ewaricha chok'ae p'aneenamẽrá.

1 Timoteo 6:17

Nãɨ ĩjũane erreara pará berã́ jarase waapẽarã k'aepẽra chi atepe berã k'ɨ̃risiapidaemaapa. Ãchia ne uru p'anɨ tãaraa choak'a pẽra jarase mãɨ k'orea pia p'ananai k'ɨ̃risiapidaemaapa. Tachi Ak'õret'u k'ɨ̃risiadai pia bɨma. Ichiapuru tachiá nejõma minachia teaparima ne k'ɨ̃risiadawẽa p'ananamẽrá.

1 Pedro 3:20

Mãɨrã jaorepa Noé ewaride Tachi Ak'õre pedea ĩjãanaé pasima. Mãɨne Noepa p'ãp'orro nepalá oo bɨmisa Tachi Ak'õrepa jõma choa bɨdepa nɨ basima ãchia ĩjãanamẽrá. Maamina ẽpẽra chok'araawẽa to minachia cheside k'aripasima. Pia jaradaipɨra, ocho k'aripasima.

2 Pedro 1:11

Mãɨne Tachi Chipari Jesucristopa mãra itu wãpiipɨ ichi p'uurudea, te eda wãpataɨ ewa bɨ jĩra. Tachi K'aripaparipa tachi ewaricha pia uru baipɨ.

2 Pedro 3:15

K'ɨ̃risiat'ɨ Tachi Chiparipa ẽpẽrarã k'aripai k'orea jõma choa bɨt'a. Ara mãɨya tachia k'ɨ̃ria p'anɨ ũpẽa Pablo pida k'art'ade mãrá bɨsima, Tachi Ak'õrepa ichiá teada k'ɨ̃risiadepa.

2 Pedro 3:3

Nãɨ minachia k'awat'ɨ: k'aadeapema ewaride Tachi Ak'õre oo p'aneenak'ari ee p'anapataɨrã paraɨpɨ. Ãchi k'ak'uapa nemietá oo k'ɨ̃ria bɨ oo p'ananaipɨ.

2 Pedro 3:9

Tachi Chipari cheyade adaedapema tãaraaru pẽra, waapẽarãpa cheiwẽane a k'ɨ̃risia p'anɨma. Maamina mãɨyawẽma. Mãɨpari mãra k'orea ãarea choa bɨ pẽra tãaraaruma. Ichia k'ɨ̃riawẽa bɨma mi aba pida atuait'a. K'ɨ̃ria bɨma ãareaɨrãpa nemietá itu bɨdak'ari ichimá chedait'a.

Apocalipsi 2:21

Mɨa nɨ basima ichia k'ak'uadepa nemietá ooparí itu bɨk'ari ya Tachi Ak'õremá chemẽrá. Maamina mãɨ nemietá itu bɨi k'ɨ̃riaé pasima.

Apocalipsi 3:20

¡Ũrit'ɨ! Mɨ tede eda wãpataɨde bɨma. Awaraɨdepa t'ɨ̃ bɨma mãrapa ewadak'ari mɨ itu eda wãpidamẽrá. Parituapa mɨ pedea ũrik'ari chi eda wãpataɨ ewaipɨra, mɨ eda wãk'ari ichi ome nek'oipɨ.