Romano 2:28 - Tachi Ak'õre Pedea

²⁸ Aba pida judiowẽma chi judiorãpa oopataɨ oo bɨẽra. Mãɨnepa k'ak'ua tauchaada ara nãɨ k'ak'uadepemawẽma.

Romano 2:28 ပူးပေါင်းရင်းမြစ်များ

Mateo 3:9

K'ɨ̃risiarãt'ɨ Abrahanepa chedaadarã pẽra Tachi Ak'õrepa ɨtɨaiwẽane arãt'ɨ. Mɨa mãrá jararuma: “Tachi Ak'õrepa k'ɨ̃riaipɨra, cha be mawaradepa Abrahanepa chedaadarã papik'oaipɨ”.

Juan 1:47

Jesupa Natanael ichimá orrobari cheru unuside nãɨya jarasima: —¡Ak'ɨt'ɨ! Nãɨt'a chi piarãpẽa ẽpẽra Israeldepemapɨ. Ichia tachi seak'ama.

Romano 2:17

Mãra judiorãpa mãrat'u chi piarãpẽane apatama. Tachi Ak'õre pia k'awa p'anɨane apatama. K'ɨ̃risia p'anɨma ichia mãra k'aripait'a Moisepa bɨda uru p'anɨ pẽra.

Gálata 6:15

Tachi Ak'õremá k'ak'ua tauchaa bai wa k'ak'ua tauchaawẽa bait'a pia bɨwẽma. Ichimá, ẽpẽra chiwidi oodat'u mãɨ pia bɨma.

Ep'esio 2:11

Mãɨ k'orea k'ɨ̃risiat'ɨ mãra judiorãwẽnepa t'õnana pẽra, judiorãpa mãrá chi «k'ak'ua tauchaadawẽa beade» apachidama. Ara ãchi chi «k'ak'ua tauchaa beade» apachidama, maamina abapuru nãɨ k'ak'uade k'ĩra awara p'anɨma.

1 Pedro 3:21

Mãɨ to minachia che bɨt'a idiapae tachi porochoapataɨ k'orea jara bɨma. Porochoautade Jesucristo chok'ae p'irabaridadepa tachi k'aripa bɨma. Porochoarupa tachi k'ak'ua nemietá sɨɨk'ama mãɨpari mãɨya oopatama, tachi k'ɨ̃risia jĩp'a bɨdepa, piarã Tachi Ak'õre ome nipadai k'ɨ̃ria p'anɨ pẽra.

Apocalipsi 2:9

»Mãrapa oo p'anɨt'a mɨa k'awa bɨma. Mãra mĩa p'anɨt'a mãɨnepa nenea k'edet'a k'awa bɨma. Mãɨya p'anɨmina Tachi Ak'õrenepa ɨbɨa p'anɨma. Mɨa k'awa bɨma chi ara ãchi judiorãane apataɨrãpa mãra k'orea k'achia pedeapatat'a. Ãchi Tachi Ak'õrené ẽpẽerãane apatamina tioredé ẽpẽerãpɨ.