Romano 2:27 - Tachi Ak'õre Pedea

²⁷ Mãra judiorã k'ak'ua tauchaapatama unupidai k'orea Tachi Ak'õre ẽpẽrarãt'a. Mãɨnepa Moisepa bɨda k'awa p'anɨma. Maamina mãɨ Moisepa bɨda oodawẽa p'anɨma. Mãɨpuru chi k'ak'ua tauchaawẽa p'anɨpa mãɨ Moisepa bɨda oodaipɨra, k'awapidaipɨ mãra judiorãmina nepɨra pará p'anɨt'a.

Romano 2:27 ပူးပေါင်းရင်းမြစ်များ

Mateo 3:15

Mãɨne Jesupa p'anoosima: —Nãɨena pɨa oopari jĩra oose. Tachia ãarea jĩp'a oodai p'anɨma Tachi Ak'õrepa oopi bɨ jĩra. Ara mãɨne Juanpa ĩjãasima.

Hecho 13:22

Maamina Tachi Ak'õrepa Saulo ãyá bɨk'ari Daví bɨsima ãchi poro jũra jɨ̃parí jɨ̃ bɨ bamẽrá. Daví k'orea Tachi Ak'õrepa nãɨya jarasima: “Mɨa Jesé warra Daví pia unu bɨma. Mɨa oopi k'ɨ̃ria bɨt'a ichia ãarea ooipɨ”.

Romano 13:10

Chi k'ɨ̃ria uru bɨpa waapẽarã piawẽa ook'ama. Chi waapẽarã k'ɨ̃ria bɨde jõma Moisepa bɨda oo bɨma.

Romano 2:15

Ara ãchia oo p'anɨnepa unupi p'anɨma mãɨ Moisepa bɨdade jara bɨ sõnepa k'awa p'anɨt'a. Ãchi k'ɨ̃risiade k'awa p'anɨma nepia ooutade, ne k'ɨ̃risiawẽa p'anaparima. Mãɨpari nemietá ooutade, sõp'ua p'anaparima.

Romano 2:20

Moisepa bɨda uru p'anɨ pẽra k'ɨ̃risia p'anɨma jõma k'ɨ̃risia uru p'anɨt'a mãɨnepa chi piarã pedea sida k'awa p'anɨt'a. Mãɨpuru k'ɨ̃risia p'anɨma k'ɨ̃risia newẽa berã́ mãɨnepa chi wapida minachia atua berã́ pida p'ue jaratea p'ananait'a.

Romano 2:25

Mãrapa Moisepa bɨda oosidara, mãra k'ak'ua tauchaada pia bɨma ẽpẽrarã Tachi Ak'õrenepemarã pẽra. Maamina mãɨ Moisepa bɨ bɨ jĩra oodaepɨra, mãra Tachi Ak'õre k'ĩrari k'ak'ua tauchaawẽa be jĩra p'anɨma.

Romano 2:26

Mãɨne judiorãwẽpa mãɨ Moisepa bɨda oo p'anɨpɨra, k'ak'ua tauchaawẽa p'anɨmina Tachi Ak'õre k'ĩrari k'ak'ua tauchaa bɨ jĩra p'anɨma.

Romano 2:29

Mãɨyawẽapuru Tachi Ak'õremá, chi sõ jĩp'a bɨt'a mãɨt'u judio piarãpẽapɨ. Chi Moisepa bɨdade bɨ bɨ jĩra k'ak'ua tauchaa bɨade aparí judio piarãwẽpɨ, mãɨpari chi Tachi Ak'õre Jaorepa mãɨya sõne jĩp'a bɨparipɨ. Ẽpẽrarãpa chi sõ jĩp'a bɨ k'orea pia jaradak'amina Tachi Ak'õrepa mãɨ k'orea pia jaraparima.

Romano 3:30

ichi aba bɨ pẽra. Ichia jõma Jesude ĩjãautat'a chi ichidirã jĩp'a berã paara bɨparima. K'ak'ua tauchaa berãpa mãɨnepa k'ak'ua tauchaawẽa berã pida Jesude ĩjãasidara chi ichidirã jĩp'a berã paara bɨparima.

Romano 8:4

Ichia mãɨya oosima tachia p'ue jĩp'a oodamẽrá Moisepa bɨdade jara bɨ jĩra. Naapae tachi jĩp'a nipadaipɨ nãɨ k'ak'uapa oo k'ɨ̃ria bɨdepa nipadawẽ pẽra, mãɨpari Tachi Ak'õre Jaoredepa nipapata pẽra.

1 Corintio 7:19

K'ak'ua tauchaa bai atepe pia bɨwẽma. K'ak'ua tauchaawẽa bai sida atepe pia bɨwẽma. Tachi Ak'õrepa oopi bɨ pedea oo bai pia bɨma.

2 Corintio 3:6

Tachi Ak'õrepa tai bɨsima ichia ẽpẽrarã ome pedea chiwidi bɨda p'ue jarateadamẽrá. Mãɨ pedea chiwidi bɨda chi Moisepa bɨda jĩra juapa bɨdawẽma, mãɨpari Tachi Ak'õre Jaorepa k'awapi bɨma. Chi Moisepa bɨdapa k'awapi bɨma nemietá oo p'anɨ k'orea ẽpẽrarã piudai p'anɨt'a, maamina Tachi Ak'õre Jaorepa tachiá chok'ae p'anapiparima.

Gálata 5:14

Moisepa bɨda nãɨ pedea aba ãarea jara bɨma: «Abaɨ k'ɨ̃riase ara pɨchi k'ɨ̃ria bɨ jĩra».

Ep'esio 2:11

Mãɨ k'orea k'ɨ̃risiat'ɨ mãra judiorãwẽnepa t'õnana pẽra, judiorãpa mãrá chi «k'ak'ua tauchaadawẽa beade» apachidama. Ara ãchi chi «k'ak'ua tauchaa beade» apachidama, maamina abapuru nãɨ k'ak'uade k'ĩra awara p'anɨma.

2 Timoteo 3:15

Warra basiedapema Tachi Ak'õre Pedea k'awasima. Mãɨ Pedeapa pɨá k'awapi bɨma abaɨpa Cristode ĩjãasira Tachi Ak'õrepa mãɨ k'aripait'a.

Hebreo 11:3

Tachia Tachi Ak'õrene ĩjãa p'anɨ pẽra, k'awa p'anɨma Tachi Ak'õre pedeadepa nãɨ ĩjũa mãɨnepa pajã ãarea oosit'a. Mãɨya chi tachia ununak'aɨdepa ichia chi ne ãarea tachia unupataɨ oosima.