Romano 2:23 - Tachi Ak'õre Pedea

²³ Moisepa bɨda mãrapa minachia k'awa p'anɨane apatama. Maamina mãɨ Moisepa bɨdade jara bɨ ĩjãanawẽa p'anɨ pẽra, mãra k'orea waapẽarãpa Tachi Ak'õre k'orea piawẽa pedeapatama.

Romano 2:23 ပူးပေါင်းရင်းမြစ်များ

Luca 18:11

P'ariseo bai nɨbɨpa ara ichia nãɨya ɨt'aa chiidisima: “Tachi Ak'õre, mɨ sõpia bɨade pɨá aipɨ mɨ waapẽarã jĩra bak'a pẽra. Ãchi nechɨapatama, nemietá oopatama, wẽra awaraɨ ome k'ãipatama. Ichiaba mɨ jãɨ Romanepema pae erreara jɨrɨp'eparí jĩra bɨwẽma.

Juan 5:45

»K'ɨ̃risiarãt'ɨ mɨ Ak'õre k'ĩrari mɨa mãra nepɨra pará p'anɨane ait'a. Mãrapa Moisé k'orea pia p'ananai k'ɨ̃risia p'anɨma. Maamina ara mãɨ Moisepa mãra mɨ Ak'õre k'ĩrari nepɨra pará p'anɨane aipɨ.

Romano 2:17

Mãra judiorãpa mãrat'u chi piarãpẽane apatama. Tachi Ak'õre pia k'awa p'anɨane apatama. K'ɨ̃risia p'anɨma ichia mãra k'aripait'a Moisepa bɨda uru p'anɨ pẽra.

Romano 3:2

Mãɨyawẽma. Ne wawariadepa judiorã pai minachia pia bɨma. Naa mɨa jararuma mãɨya p'anɨt'a Tachi Ak'õrepa ichi pedea ãchiá teada pẽra.

Romano 3:27

Mãɨpuru ¿k'ãre ara tachi k'orea pia pedeadaima? P'ue pia pedeadaiwẽma. ¿K'ãre k'orea? P'ue pia pedeadaiwẽma, Moisepa bɨda oo p'anɨnepa Tachi Ak'õrepa tachi chi ichidirã jĩp'a berã paara bɨiwẽ pẽra, mãɨpari Jesude ĩjãa p'anɨnepa mãɨya bɨipɨ.

Romano 9:4

chi Israeldepemarã. Tachi Ak'õrepa ãchi naa jɨrɨ atasima ichi warrarã p'ananamẽrá. Ichi k'ĩrawãrea achiterrea ãchiá unupisima. Ichia ãchi chõarãenapemarã ome pedea ausidama. Moisepa bɨda ãchiá teasima. Ãchirã́ k'awapisima ichi te nepalade k'ãre oodai p'anɨt'a mãɨnepa jõma ichia teai jarada ãchi pae basima.