Romano 2:22 - Tachi Ak'õre Pedea

²² Mãrapa k'ima awaraɨ ome k'ãik'á bɨade a jarateapatama. Maamina mãra k'ima awaraɨ ome k'ãipatama. Mãrapa k'ɨ̃rianak'ama juapa oodada sãdoa pia pedeadait'a. Maamina mãɨ sãdo tede mãrapa nechɨapatama.

Romano 2:22 ပူးပေါင်းရင်းမြစ်များ

Mateo 12:39

Maamina Jesupa p'anoosima: —Mãra idiapaepemarã ẽpẽerã k'achia berãpa Tachi Ak'õrene ĩjãanai itu bɨmaa p'anɨma. Mãrapa mɨ pajãnepa che bɨ k'awadai k'orea k'ɨ̃ria p'anɨma mɨa ẽpẽerãpa ne p'ue oodak'apɨ́ ooit'a. Maamina mɨa ẽpẽerãpa ne p'ue oodak'apɨ́ ooiwẽma. Mãrapa abapuru Tachi Ak'õre pari pedeaparí Joná mãɨ jĩra ununaipɨ.

Mateo 16:4

Mãra idiapaepemarã ẽpẽerã k'achia berãpa Tachi Ak'õrene ĩjãanai itu bɨmaa p'anɨma. Idi p'anɨma mɨa ne ẽpẽrarãpa ne p'ue oodak'apɨ́ oomẽrá. Maamina mɨa mãɨya ooiwẽma. Mãrapa abapuru Tachi Ak'õre pari pedeaparí Joná mãɨya bada jĩra ununaipɨ». Mãɨya jarak'ari, ãchi ameesima.

Marco 11:17

Ãchiá nãɨya jarateasima: —Tachi Ak'õre pedeade nãɨya bɨ bɨma: “Mɨ te ɨt'aa chiidipataɨ teade adaipɨ, nãɨ ãarea p'uurudepemarã pae”. Maamina mãrapa “nechɨapataɨ te uria bɨ jĩra” papisidama.

Hecho 19:37

Nãɨ ẽpẽerãpa chi Artemisa te minachia bɨdepema nechɨadawẽa p'anɨmina wa ichi k'orea k'achia pedeadawẽa p'anɨmina mãrapa ãchi nãmá ateewãsidama.

Romano 12:9

Machi sõnepa chi k'ɨ̃ria p'anat'ɨ. Jõma nemietá itu bɨt'ɨ. Chi pia bet'a oopariet'ɨ.

Santiago 4:4

K'ima awaraɨ ome k'ãiuta jĩra, mãrapa Tachi Ak'õre itu bɨ p'anɨma nãɨ ĩjũanepemarãpa oopata jĩra oodai k'orea. ¿Mãrapa waidi atua p'anɨk'ãra chi nãɨ ĩjũanepema k'ɨ̃ria bɨt'a Tachi Ak'õre ome chi k'ĩramá jĩra beeima? Piarã parituapa nãɨ ĩjũanepema k'ɨ̃ria bɨpɨra, Tachi Ak'õre ome chi k'ĩramá paipɨ.