Romano 2:21 - Tachi Ak'õre Pedea

²¹ Mãrapa waapẽarã́ mãɨya jaratea p'anɨpɨra, ¿k'ãarea ara machiaapuru jarateadawẽma? Mãrapa nechɨak'á bɨade a jarateapatama. Maamina mãra nechɨapatama.

Romano 2:21 ပူးပေါင်းရင်းမြစ်များ

Mateo 21:13

Ãchiá nãɨya jarasima: —Tachi Ak'õre pedeade nãɨya bɨ bɨma: “Mɨ te ɨt'aa chiidipataɨ teade adaipɨ”. Maamina mãrapa nechɨapataɨ te uria bɨ jĩra papisidama.

Luca 11:46

Mãɨpuru Jesupa ichiá jarasima: —¡Moisepa bɨda jarateapataɨrã, mãra chupuri p'anɨma Tachi Ak'õrepa ɨtɨai pẽra! Mãrapa ne p'ue oodawẽa be ẽpẽrarã́ oopipatama. Maamina mãɨ ãchia mi ãpia pida k'aripadak'ama mãɨ oodamẽrá.

Luca 12:47

»Chi chipari pae pari mimiaparipa chi chiparipa oopi bɨt'a k'awaipɨra maamina mãɨya oowẽpɨra, chi chiparipa mãɨ ichi pae pari mimiaparí minachia soapa p'eipɨ.

Luca 19:22

»Mãɨ k'orea chi minachia k'awa bɨpa jarasima: “Mɨ pae pari mimiaparí, ¡pɨ piawẽa bɨma! Piarã pɨchia jarasidepa k'awa bɨma mɨa pɨa ne oopade ada pada oowẽa bɨt'a. Pɨa mɨ mãɨya bɨ k'awa basipɨra ¿k'ãre k'orea erreara yaapataɨ tede mɨ erreara yaaé pasima? Mãɨya oodapara mɨ erreara atepe eapai pasima”.

Luca 4:23

Jesupa jarasima: —Mãrapa nãɨ pedea mɨá jaradaima: “Nẽará teaparí, ara pɨchi tuaba jɨpa beepise. Pɨa Capernaune ooda taipa ũrisidama. Nãma pɨ p'uurude pida ara mãɨya abarik'a oose”.

1 Corintio 9:27

Mãɨpari mɨ k'ak'ua chaarea oopi bɨ jĩra mãɨnepa mɨ k'ak'uapa ooemaa bɨt'a mɨa oopi bɨ jĩra, mãɨya jõma oopi bɨma Tachi Ak'õrepa teai jarada jitai k'orea. Mãɨya ooepɨra, mɨa ẽpẽrarã́ jaratea badamina Tachi Ak'õrepa teai jarada p'ue jitaiwẽma.

Gálata 6:13

Chi k'ak'ua tauchaadaadarãpa Moisepa bɨda jõma oodak'ama. Maamina ãchia mãra k'ak'ua tauchaapi k'ɨ̃ria p'anɨma, ara ãchi k'ak'ua k'orea pia pedeadai k'orea.