Romano 2:18 - Tachi Ak'õre Pedea

¹⁸ Mãɨ Moisepa bɨda uru p'anɨ pẽra k'awa p'anɨma Tachi Ak'õrepa k'ãre k'ɨ̃ria bɨt'a mãɨnepa k'ãre jĩp'a bɨt'a.

Romano 2:18 ပူးပေါင်းရင်းမြစ်များ

Luca 1:4

Mãɨya pɨa k'awaipɨ pɨá jarateadada piarãpɨ.

Luca 12:47

»Chi chipari pae pari mimiaparipa chi chiparipa oopi bɨt'a k'awaipɨra maamina mãɨya oowẽpɨra, chi chiparipa mãɨ ichi pae pari mimiaparí minachia soapa p'eipɨ.

Juan 13:17

¿Mãɨ ũri p'anɨk'ãra? Mãɨya oodaipɨra piarã pia p'ananaipɨ.

Romano 15:4

Nejõma Tachi Ak'õre pedeade bɨda tachiá jarateai k'orea bɨma. Tachi sõpiapiparima mãɨnepa k'aripaparima jõma choadamẽrá. Mãɨya tachia piarã k'awa p'anɨma Tachi Ak'õre ome ewaricha pia p'ananait'a.

Romano 2:19

Mãrapa k'ɨ̃risia p'anɨma Tachi Ak'õrene ĩjãanak'apɨɨrã́ p'ue pia jaratea p'ananait'a tau p'ãrio berã ateeuta jĩra, p'ãrione berã ɨnaanea ateeuta jĩra.

P'ilipense 1:10

Mãɨya mãrapa minachia k'awadaipɨ k'ãre pia bɨt'a mãɨnepa Cristo cherude ichi k'ĩrari nemietá newẽa p'ananait'a mãɨnepa mãra k'orea waapẽarãpa k'achia pedeadawẽa p'ananaipɨ.

1 Tesalonicense 5:21

Jõma mãɨ jĩrak'aua ũrit'ɨ, maapae aba chi piadepuru ĩjãat'ɨ.

Hebreo 5:14

Maamina chi chik'oara chõarã paepuru bɨma. Ãchia Tachi Ak'õre pedea jĩrak'aua k'ɨ̃risia p'anɨnepa k'awa p'anɨma k'ãret'u chi pia bɨt'a mãɨnepa k'ãret'u piawẽa bɨt'a.

Santiago 4:17

Chi pia oo k'awa bɨpa mãɨya oowẽpɨra, nemietá oo bɨma.