Romano 2:15 - Tachi Ak'õre Pedea

¹⁵ Ara ãchia oo p'anɨnepa unupi p'anɨma mãɨ Moisepa bɨdade jara bɨ sõnepa k'awa p'anɨt'a. Ãchi k'ɨ̃risiade k'awa p'anɨma nepia ooutade, ne k'ɨ̃risiawẽa p'anaparima. Mãɨpari nemietá ooutade, sõp'ua p'anaparima.

Romano 2:15 ပူးပေါင်းရင်းမြစ်များ

Juan 8:9

Jesupa jarada ũrisidaɨde ara mãɨne ãchi abaabá wãpodosidama. Naa chõarã ãyá wãsidama. Mãɨ ɨ̃ari k'ũtãarã sida ãyá wãpodosidama. Jesú mãɨ wẽra ome ichi tuaba beesima.

Hecho 23:1

Pablopa judiorã chaarearãmá pia ak'ɨk'ari jarasima: —Mɨ ũpẽarã, mɨ ne k'ɨ̃risiawẽa bɨma, k'awa bɨ pẽra idi wapida Tachi Ak'õre k'ĩrari pia baparit'a.

Hecho 24:16

Mãɨpuru mɨa ne ãarea ooparima Tachi Ak'õre k'ĩrari mãɨnepa ẽpẽerã k'ĩrari jĩp'a nipai k'orea.

Romano 2:14

Judiorãwẽpa mãɨ Moisepa bɨda atua p'anɨmina ãchi k'ɨ̃risiadepa mãɨ Moisepa bɨdade jara bɨ jĩra edaɨde oopatama. Mãɨya ooutade, unupipatama ãchia k'awa p'anɨt'a k'ãret'u pia wa k'ãret'u nemietá.

Romano 2:27

Mãra judiorã k'ak'ua tauchaapatama unupidai k'orea Tachi Ak'õre ẽpẽrarãt'a. Mãɨnepa Moisepa bɨda k'awa p'anɨma. Maamina mãɨ Moisepa bɨda oodawẽa p'anɨma. Mãɨpuru chi k'ak'ua tauchaawẽa p'anɨpa mãɨ Moisepa bɨda oodaipɨra, k'awapidaipɨ mãra judiorãmina nepɨra pará p'anɨt'a.

Romano 9:1

Mɨ Cristode pẽra piarã pedea jararuma. Sea jarawẽma. Tachi Ak'õre Jaorepa mɨ sõne nãɨ pedea piarã ara k'awapi bɨma.

2 Corintio 1:12

Nãɨ k'orea arapá p'anɨma: taipa k'awa p'anɨma sõ jĩp'a p'anɨnepa, k'ɨ̃risia piadepa nãɨ ĩjũanepemarã t'ãena mãɨnepa mãra t'ãena pia nipadada. Mãɨ sõ jĩp'a bai mãɨnepa k'ɨ̃risia pia Tachi Ak'õrenepemapɨ. Tai nãɨ ĩjũanepema k'ɨ̃risiadepa mãɨya nipadak'ama, mãɨpari Tachi Ak'õrepa ichi sõpiadepa k'aripa bɨ pẽra mãɨya nipapatama.

2 Corintio 5:11

Tachi Chipari wap'ea p'anɨ pẽra taipa ẽpẽrarã́ jara p'anɨma ichide ĩjãanamẽrá. Tachi Ak'õrepa k'awa bɨma taipa k'ɨ̃risia piadepa jaratea nipadada. Mɨa k'ɨ̃risia bɨma mãra pida mãɨ k'awa p'anɨt'a.

1 Timoteo 4:2

Mãɨ jaore mietaarãpa jarateapi p'anɨ, ẽpẽrarã chi pia jĩra bepa jarateapatama. K'achia minachia oopataɨdepa mãɨ ẽpẽrarãpa nepɨra pia wa nepɨra nemietá atua p'anɨma.

Tito 1:15

Tachi Ak'õre k'ĩrari pia berãmá nejõma Tachi Ak'õre k'ĩrari pia bɨma. Maamina Tachi Ak'õrene ĩjãanak'apɨɨrãmá mi ãpia pida pia bɨwẽma. Ãchia k'achia k'ɨ̃risiapatama mãɨnepa ãchi sõne nepɨra paraawẽa p'anɨane apatama.