Romano 16:6 - Tachi Ak'õre Pedea

⁶ Ũpẽawẽra Mariá pia bapade a jara peet'ɨ. Ichia mãra minachia k'aripa bɨma.

Romano 16:6 ပူးပေါင်းရင်းမြစ်များ

Mateo 27:55

Mãɨne chok'ará wẽerãpa t'ɨmɨɨpa ak'ɨ tuanasidama. Jesú Galileadepa cheside ichi k'aripadayá nipapachidama.

Mateo 5:47

Mãɨ awara mãrapa waapẽarã́ pia pedeasidara, ¿nepia oo p'anɨk'ãra? Chi Tachi Ak'õrene ĩjãanak'apɨɨrã pida mãɨya oopatama.

Romano 16:12

Ũpẽawẽra Trip'enoa mãɨnepa Trip'osoa pia p'anapade a jara peet'ɨ. Ãchia Tachi Chipari pae pia oo p'anɨma. Mãɨnepa ũpẽawẽra Persidoa abarik'a jarat'ɨ. Ichia pida Tachi Chipari pae pia oo bɨma.

Romano 16:5

Mãɨnepa ũpẽarã ãchi tede chi ará nɨbapataɨrã́ pia p'anapadade a jara peet'ɨ. Mɨ ũpẽa minachia k'ɨ̃ria bɨ Ep'enetoa ara mãɨ jĩra jarat'ɨ. Acaya tuade ichia naa Jesucristode ĩjãasima.

Romano 16:7

Mɨ ũpẽarã judiorã Andronicoa mãɨnepa Juniá ara mãɨ jĩra jarat'ɨ. Waapẽarãpa pia k'awa p'anɨma ãchi Cristopa peedaɨrãt'a. Mɨ ome ará eda serra p'anasidama. Mɨa Cristode ĩjãai naena ãchia ĩjãa p'anasima.

1 Tesalonicense 5:12

Mãɨ awara ũpẽarã, taipa chichupuria idi p'anɨma chi ũpẽarãpa mãra t'ãena chi Tachi Ak'õrepa oo bɨt'a oopataɨrã minachia wap'eadamẽrá. Ãchia Tachi Chipari Jesucristodepa mãɨnepa ãchi jua chaareadepa mãra ak'ɨpatama. Mãra sãmaasã́ nipadai p'anɨ jarateapatama.

1 Timoteo 5:10

Ãchia pia oodada k'orea t'ɨ̃ p'oa p'ananai p'anɨma. Ãchi warrarã pia taup'ãepachidapɨra, ãchi tedea chedaadarã́ pia pedeapachidapɨra, ũpẽarã jĩru sɨɨpachidapɨra, chi mĩa k'ede k'aripapachidapɨra mãɨnepa nejõma pia oopachidapɨra, mãɨ p'ẽtã́ t'ɨ̃ k'art'ade bɨdai p'anɨma.