Romano 16:4 - Tachi Ak'õre Pedea

⁴ Perá piusidama mɨ k'aripadai k'orea. Mɨa mãɨnepa jõma ũpẽarã judiorãwẽ pida ãchiá sõpia p'anapade apatama.

Romano 16:4 ပူးပေါင်းရင်းမြစ်များ

Juan 15:13

Ẽpẽra minachia k'ɨ̃ria bɨdepa ichi k'õp'ãero k'orea piui bɨma. Mãɨ k'aepẽra p'ue chi ẽpẽra atepe k'ɨ̃riai bɨt'a newẽma.

Hecho 15:26

Perá piusidama Tachi Chipari Jesucristo k'orea.

Hecho 15:41

Maapaepuru wãsidama. Siria tuade mãɨnepa Cilicia tuade p'ɨrrɨautade p'uurucha ũpẽarã k'aripapachidama Tachi Chipari pia ĩjãanamẽrá.

Hecho 16:5

Mãɨya ũpẽarãpa Tachi Chiparide minachia ĩjãasidama mãɨnepa ewaricha eapasidama.

Hecho 9:31

Mãɨmisa Judea tuade, Galilea tuade mãɨnepa Samaria tuade ũpẽarã nek'ĩramariwẽa tuanasidama mãɨnepa ne minachia k'awapodosidama. Tachi Chipari wap'ea p'anɨnepa nipasidama mãɨnepa Tachi Ak'õre Jaore chi jua chaareadepa waripodosidama.

Romano 16:3

Ũpẽawẽra Priscilá mãɨnepa ũpẽa Aquilá pia p'anapade a jara peet'ɨ. Ãchia mɨ jĩra abarik'a Jesucristopa oo bɨ oo p'anɨma.

Romano 16:5

Mãɨnepa ũpẽarã ãchi tede chi ará nɨbapataɨrã́ pia p'anapadade a jara peet'ɨ. Mɨ ũpẽa minachia k'ɨ̃ria bɨ Ep'enetoa ara mãɨ jĩra jarat'ɨ. Acaya tuade ichia naa Jesucristode ĩjãasima.

Romano 5:7

Ewariaba pida ẽpẽra jĩp'a bɨ k'orea abaɨ piuiwẽa bɨma. Maamina ẽpẽra pia k'orea ¿abaɨpa ara ichi itu peapii bɨejã?

1 Corintio 16:1

Mãɨ awara mãrapa chi Jerusalenepema ũpẽarã pae erreara jɨrɨp'euta k'orea mɨa jararuma. Mɨa ũpẽarã Galacia tuadepemarã́ jarada jĩra oot'ɨ.

1 Corintio 7:17

Tachi Ak'õrepa tachi t'ɨ̃side ara tachi p'anana jĩra p'ananai p'anɨma. K'ak'ua tauchaa basira ara mãɨya bai bɨma. K'ak'ua tauchaawẽa basira ara mãɨya bai bɨma. Tachicha p'ananai p'anɨma Tachi Chiparipa bɨda jĩra. Mɨa ẽpẽrarã Tachi Ak'õrenepemarã becha mãɨya jaratea bɨma.

P'ilipense 2:30

Cristopa oopi bɨ k'orea ichi perá piusima. Mãrapa jãmãɨpa mɨ pae p'ue oodawẽa p'anɨt'a, ichia piui atua oosima.

1 Tesalonicense 2:14

Ũpẽarã, mãrapa ĩjãa p'anɨ k'orea ara machi tuadepemarãpa mãra piawẽa oo p'anasidama ẽpẽrarã Tachi Ak'õrenepemarã judiorã tuade mãɨyana jĩra. Mãma Jesucristode ĩjãapataɨrã judiorã chi ĩjãanak'apɨɨrãpa piawẽa oo p'anasidama.

1 Juan 3:16

Nãɨne tachia k'awa p'anɨma tachi ũpẽarã k'ɨ̃ria p'anɨt'a: Jesucristo tachi k'orea piusima. Ara mãɨ jĩra tachi sida k'ɨ̃rianepa ũpẽarã k'orea piudai k'orea p'ananai p'anɨma.

Apocalipsi 1:4

Mɨ Juanpɨ. Nãɨ k'art'a bɨruma ũpẽarã p'uuru siete p'anɨ, Asia tuadepemarã pae. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a. Mãɨ ichipɨ, ichi naena basima mãɨnepa ichi chei bɨpɨ. Mãɨnepa mɨa k'ɨ̃ria bɨma chi suak'a beeparí auk'ará bɨ k'ĩrari siete jaore p'anɨpa mãɨya oo p'ananait'a.