Romano 16:27 - Tachi Ak'õre Pedea

²⁷ Ichi abapuru bɨma. Nejõma k'awa bɨma. Jesucristodepa tachia ewaricha ichiá pia pedeadai p'anɨma. Mãɨya beese.

Romano 16:27 ပူးပေါင်းရင်းမြစ်များ

Romano 11:36

Tachi Ak'õrepuru nejõma oosima. Nejõma ichidepa bɨma mãɨnepa ichi pae bɨma. Tachia ewaricha ichiá pia pedeadai p'anɨma. Mãɨya beese.

Ep'esio 3:10

Naapae ẽpẽrarã Tachi Ak'õrenepemarãnepa Ichia ichi ne ãareaɨne minachia ne k'awa bɨt'a k'awapisima chi jua chaarea berã́ mãɨnepa chi pajãnepema chi atepe k'awa berã́.

P'ilipense 4:20

Mãɨpuru ewaricha Tachi Pajãnepema Ak'õrea pia pedeadai p'anɨma. Mãɨya beese.

1 Timoteo 1:17

Tachi Ak'õre chi ewaricha jõmãɨrã Chiparipɨ. Ichi chi tachia ununak'aɨ piuk'ama. Ichit'u Tachi Ak'õrepɨ. Ichiá tachia ewaricha pia pedeadai p'anɨma mãɨnepa wap'eadai p'anɨma. Mãɨya beese.

1 Timoteo 6:16

Abapuru ichit'u piuk'ama. Ichi bɨmá achiterrea jẽrat'ĩu nɨbɨ pẽra mi ãpia pida p'ue ara k'ait'a wãnaiwẽma. Ichit'a mi ãpia pida ununawẽa p'anɨma mãɨnepa p'ue ununak'ama. Mɨa k'ɨ̃ria bɨma ewaricha jõmãɨrãpa ichiá pia pedea p'ananait'a mãɨnepa jua chaareadepa jõmãɨrã ua bait'a. Mãɨya beese.

2 Timoteo 4:18

Ichia jõma mɨ piawẽa ooutadepema k'aripaipɨ. Mɨ pia ak'ɨk'ari, pajãnea ateewãipɨ ichidirã ichi juade ua bɨmá. Ewaricha ichiá minachia pia pedeadai p'anɨma. Mãɨya beese.

Hebreo 13:15

Mãɨ k'orea Jesucristodepa tachia, chi Tachi Ak'õrene ĩjãa p'anɨane a p'anɨrãpa, ewaricha ichiá pia pedeadai p'anɨma ãnimara paateauta jĩra.

Hebreo 13:21

Mɨa k'ɨ̃ria bɨma chi ara mãɨ Tachi Ak'õrepa ne ãarea pia mãrá oo k'awapiit'a, ichia k'ɨ̃ria bɨ jĩra p'ue oodamẽrá. Mãɨnepa k'ɨ̃ria bɨma Jesucristodepa ichia tachi sõne ne ãarea ooit'a ichia k'ɨ̃ria bɨ jĩra p'ananamẽrá. Tachia ewaricha Jesucristoa pia pedeadai p'anɨma. Mãɨya beese.

1 Pedro 2:5

Mãra ichidepa chok'ae p'anɨ pẽra mawara te oopataɨ jĩra p'anɨma. Mãranepa Tachi Ak'õrepa ichi te ooruma. Mãɨnepa mãra p'aarerã ichi pae papi bɨma. Mãrapa Jesucristodepa Tachi Ak'õre pae ne oo p'anɨne, ichiá ãnimara paateauta jĩra oo p'anɨma. Mãɨya oo p'anɨt'a ichia pia unu bɨma.

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.

Juda 1:25

Tachi Ak'õre abapuru bɨma. Ichi Tachi K'aripaparipɨ. Ichit'a chi atepe bɨma, mãɨnepa ne ãarea p'ue ooi bɨma. Naenaenapema mãɨya nima, idiapae pida mãɨya bɨma, mãɨnepa ewaricha mãɨya baipɨ. Tachi Chipari Jesucristodepa ichiaapuru pia pedeadai p'anɨma. Mãɨya beese.