Romano 16:25 - Tachi Ak'õre Pedea

^25-26 Mɨa pedea pia Jesú k'orea jaratea baparima. Ara mãɨ pedeadepa Tachi Ak'õrepa mãra p'ue k'aripaipɨ chaarea p'ananamẽrá. Mãɨ pedea Tachi Ak'õrepa naena k'awapiwẽa basima maamina idiapae k'awapisima. Chi ichi pari pedeapataɨrãpa mãɨ k'art'ade bɨsidama. Tachi Ak'õre piuk'apa mãɨya bɨpisima tuachapemarãpa ũrinak'ari Jesucristode ĩjãanamẽrá. Tachi Ak'õrea pia pedeadai p'anɨma.

Romano 16:25 ပူးပေါင်းရင်းမြစ်များ

Mateo 13:17

Mɨa piarã jararuma: Tachi Ak'õre pari pedeapataɨrã minachia p'anɨrãpa, ẽpẽerã jĩp'a be ome unu k'ɨ̃ria p'anasidama mãrapa unu p'anɨt'a. Maamina ununaé pasima. Ichiaba mãrapa ũri p'anɨt'a ũri k'ɨ̃ria p'anasidamina ũrinaé pasima.

Mateo 13:35

Tachi Ak'õre pari pedeaparipa jarada jĩra piarã mãɨyasima: «Mɨa nepɨrɨdepa pedeaipɨ. Tachi Ak'õrepa nãɨ ĩjũa oodadepa waa idi k'awapiwẽa bada, mɨa jaraipɨ».

Mateo 20:7

Ãchia p'anoosidama: “Abaɨ pida taiyá mimiat'a teadawẽma”. Mãɨne ichia jarasima: “Mãra sida mɨ uva k'ãena mimiane wãt'ɨ. Mãɨpari mɨa erreara ara machia mimiauta jĩra teaipɨ”.

Hecho 20:32

»Naapae, mɨa mãra Tachi Ak'õre juade bɨipɨ. Ichi sõpiadepa tachi k'aripa bɨ k'orea pedea k'ɨ̃risiat'ɨ. Ichi sõpiadepa jua chaarea teaparima mãrapa pia ĩjãanamẽrá. Chi ichia teai jaradat'a ichi sõpiadepa mãrapa mãɨnepa ãarea chi ichi pae pia bɨdarãpa mãɨ jitadaipɨ.

Hecho 9:20

Mãɨne judiorã ará pedeapataɨ te p'anɨrãmá wãrune ichia jaratea beesima Jesú piarã Tachi Ak'õre Warra k'orea.

Romano 11:25

Ũpẽarã, mɨa k'ɨ̃ria bɨma Tachi Ak'õrepa naena k'awapiwẽa bada mãrapa k'awadait'a. Mãɨya judiorã k'aepẽra pia be k'ɨ̃risiadaiwẽma. Tachi Ak'õrepa naena k'awapiwẽa bada nãɨpɨ: chok'ará judiorã k'ɨɨrɨwẽa p'aneesidama mãɨnepa mãɨya p'aneenaipɨ aba jõma chi Cristode ĩjãanai p'anɨ judiorãwẽpa ĩjãautadea.

Romano 14:4

¿Pɨ k'aima mãɨya abaɨ pae pari mimiaparí k'orea k'achia pedeait'a? Ichi chiparia puru jaraipɨ pia oo bɨ wa piawẽa oo bɨt'a. Maamina Tachi Chiparipa jaraipɨ jõma ichi pae pari mimiapataɨrãpa pia oo p'anɨ, ichi jua chaareadepa k'aripa bɨ pẽra pia oo p'ananamẽrá.

Romano 16:24

Mɨa k'ɨ̃ria bɨma Tachi Chipari Jesucristopa ichi sõpiadepa mãra k'aripa bait'a.

Romano 2:16

Jõmãɨrãpa ãchi sõne mẽra uru p'anɨt'a Tachi Ak'õrepa nepɨra ak'ɨi ewaride Jesucristodepa mãɨ ak'ɨipɨ. Mɨa chi pedea pia jaratea bɨ jĩra ara mãɨya baipɨ.

1 Corintio 1:23

Maamina taipa Cristo k'urusude piuda jaratea p'anɨma. Mãɨ pedea judiorãpa pia ũrinak'ama. Judiorãwẽpa mãɨ piawẽa bɨ k'ɨ̃risiapatama.

1 Corintio 2:7

Taipa chi Tachi Ak'õre k'ɨ̃risia naena k'awapiwẽa bada jaratea p'anɨma. Nãɨ ĩjũa ooi naena Tachi Ak'õrepa mãɨ k'ɨ̃risiadepa ne ooi bɨsima tachi ichi ome ará pia p'ananamẽrá.

1 Corintio 4:1

Mãɨya bɨde mãrapa k'ɨ̃risiadai p'anɨma tai Cristo pae pari mimiapataɨrãt'a. Tachi Ak'õrepa tai bɨsima chi ichi k'orea naena k'awapiwẽa bada jarateadamẽrá.

2 Corintio 4:3

Maamina chi pedea pia Cristo k'orea taipa jaratea p'anɨ waidi pia ũriwẽpɨra, aba chi atuai p'anɨrãmaapuru mãɨya bɨma.

2 Corintio 4:5

Ara tai k'orea jaratea p'anɨwẽma, mãɨpari jaratea p'anɨma Jesucristo jõmãɨrã Chiparit'a. Mãɨnepa taipa jara p'anɨma Jesú k'orea tai mãra pae pari mimiapataɨrãpɨ.

Gálata 2:2

Mɨ wãsima Tachi Ak'õrepa k'awapida pẽra mãmá wãi bɨt'a. Mãma bɨde mɨa abapuru ũpẽarã chi atepe k'awapataɨrã́ jarasima chi pedea pia Cristo k'orea mɨa judiorãwẽmá sãmaasã́ jaratea bɨt'a. Mãɨya oosima mɨa oo bɨt'a ãchia pia unu p'anɨ k'awai k'orea.

Ep'esio 1:9

Ichia oo k'ɨ̃ria bɨt'a, naena k'awapiwẽa basima. Maamina tachiá k'awapisima ichi sõpiadepa k'ɨ̃riana pẽra. Ichia Cristodepa naenaena ooi k'ɨ̃risia bada

Ep'esio 3:11

Mãɨya oosima ichia naenaena Tachi Chipari Jesucristodepa ooi k'ɨ̃risia bada pẽra.

Ep'esio 3:9

Tachi Ak'õre chi nejõma oodapa mɨ bɨsima jõmãɨrã́ k'awapimẽrá sãmaasã́ oosit'a ichia jua chiwidieda ooi k'ɨ̃risia bada. Mãɨ ooi k'ɨ̃risia bada naena k'awapiwẽa basima.

Ep'esio 6:19

Mãɨnepa mɨ k'orea Tachi Ak'õrea ɨt'aa chiidi p'anat'ɨ. Ichiá ɨt'aa chiidit'ɨ, mɨá k'awapimẽrá sãmaasã́ Cristo k'orea pedeai bɨt'a. Mãɨya mɨa ne wap'eawẽa ẽpẽrarã́ k'awapiipɨ chi pedea pia Cristo k'orea, Tachi Ak'õrepa naena k'awapiwẽa badat'a.

Colosense 2:2

Mɨa k'ɨ̃ria bɨma jõmãɨrã sõpiapiit'a, k'ɨ̃ria p'anɨnepa ará pia p'ananai, mãɨnepa piarã k'ɨ̃risia k'awa uru p'anɨnepa pia p'ananai. Mãɨya Tachi Ak'õrepa naena k'awapiwẽa bada k'awadaipɨ. Mãɨ Cristopɨ.

Colosense 4:3

Tai k'orea ɨt'aa chiidit'ɨ Tachi Ak'õrepa eda wãpataɨ ewaru jĩra chi Cristo k'orea naena k'awapiwẽa bada itu jarateapimẽrá. Mãɨ jaratea bɨ k'orea mɨ eda jɨ̃a nɨbɨ uru p'anɨma.

1 Tesalonicense 3:13

Mãɨnepa ɨt'aa chiidi p'anɨma Cristopa mãra k'aripak'ari, sõnepa minachia ĩjãanamẽrá. Mãɨya Tachi Chipari Jesú jõma ichidirã ome cherude mãra Tachi Ak'õre, tachi Pajãnepema Ak'õre taade nemietá newẽa p'ananaipɨ.

2 Tesalonicense 2:14

Taipa chi pedea pia jaratea p'anɨnepa Tachi Ak'õrepa mãra t'ɨ̃sima Tachi Chipari Jesucristo pia bɨdepema atadamẽrá.

2 Tesalonicense 3:3

Maamina Tachi Chiparipa ooipɨ ichia jara bɨ jĩra. Ichia mãra k'aripa baipɨ choa p'ananamẽrá mãɨnepa k'achiadepema ak'ɨ baipɨ.

2 Timoteo 1:9

Tachi Ak'õrepa tachi k'aripasima mãɨnepa t'ɨ̃sima ichi pae pia p'ananamẽrá. Tachia pia oo p'anɨnepa mãɨya ooé pasima, mãɨpari ichi sõpiadepa ooi k'ɨ̃risia bada pẽra mãɨya oosima. Piarã nãɨ ĩjũa bai naena Tachi Ak'õrepa ichi sõpiadepa k'ɨ̃risiasima Jesucristodepa tachi k'aripait'a.

2 Timoteo 2:8

Jesucristode k'ɨ̃risiase. Ichi Davidepa chedapɨ. Ichi piu bada Tachi Ak'õrepa chok'ae p'irabaripisima. Mãɨ pedea pia ichi k'orea mɨa jaratea bɨma.

Tito 1:2

Chi mãɨya ĩjãa p'anɨpa Tachi Ak'õre ome ewaricha chok'ae p'ananai k'orea nɨ p'anɨma, nãɨ ĩjũa ooi naena Tachi Ak'õre sea jarak'á bɨpa mãɨya ooyade asi pẽra.

Hebreo 7:25

Mãɨpuru ichidepa Tachi Ak'õremá cheutarã ãarea p'ue k'aripaipɨ ewaricha chok'ae p'ananamẽrá. Piuk'a pẽra ewaricha tachi k'orea Tachi Ak'õrea chichupuria idiparima.

1 Pedro 1:20

Nãɨ ĩjũa ooi naena Tachi Ak'õrepa Cristo jɨrɨ atak'ari nãɨ k'aadeapema ewaride peesima mãra pia p'ananamẽrá.

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.

Apocalipsi 10:7

Chi ichi pari pedeapataɨrã, ichiaba chi ichi pae pari mimiapataɨrãpɨ. Naena Tachi Ak'õrepa ãchiá jarapachima ichia k'awapiwẽa bɨ k'aadea ãarea mãɨyait'a. Tachi Ak'õrepa ɨt'aripa peeda chi k'aadeapemapa ãnimara k'achu chaarude piarã jõma mãɨyaipɨ».