Romano 16:18 - Tachi Ak'õre Pedea

¹⁸ Ãchia Tachi Chipari Jesucristopa k'ɨ̃ria bɨ oo p'anɨwẽma, mãɨpari ãchia k'ɨ̃ria p'anɨt'a oo p'anɨma. Ãchi pedea pia bɨdepa chi k'ɨ̃risiadawẽa berã seapatama.

Romano 16:18 ပူးပေါင်းရင်းမြစ်များ

Mateo 24:11

Tachi Ak'õre pari pedeapataɨ chi piarãwẽa berã chedaipɨ. Mãɨrãpa ẽpẽrarã chok'ará seadaipɨ.

Mateo 24:24

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽrarãpa ne p'ue oodak'apɨ́ waibɨa be oodaipɨ ẽpẽrarã seadai k'orea. Tachi Ak'õrepa jɨrɨ atadaɨrã sida p'ue seadaipara, ãchi sida seadai pasima.

Mateo 6:24

»Ẽpẽra abaɨ pida p'ue mimiaiwẽma ichi chipari ume p'anɨ pae. Ume uru bɨpɨra aba atepe pia k'ɨ̃ria baipɨ. Mãɨ ome nipaipɨ mãɨne chi abaɨ itu bɨipɨ. Ara mãɨ jĩra chi ne minachia uru ba k'ɨ̃ria bɨpa Tachi Ak'õre ome p'ue nipaiwẽma.

Mateo 7:15

»Jĩrak'aua p'anat'ɨ sea Tachi Ak'õre pari pedeapataɨrãane apataɨrã paara. Ãchia piarã jĩra jarateapatama maamina mãɨya p'anɨma ẽpẽrarãpa Tachi Ak'õre pedea ĩjãapidaemaapa.

Juan 12:26

Paritua mɨ pae pari mimiaparí pa k'ɨ̃ria bɨpɨra, mɨ ome nipai bɨma. Mɨ wãrumá, chi mɨ pae pari mimiaparí sida wãipɨ. Paritua mɨ pae pari mimiaparipɨra, mɨ Ak'õrepa ichi chi choma bɨipɨ.

Romano 14:18

Chi mãɨya Cristo pae mimiapataɨrã Tachi Ak'õrepa pia unu bɨma. Ẽpẽrarã pida pia unupatama.

Romano 16:19

Jõmãɨrãpa k'awa p'anɨma mãrapa Tachi Ak'õre pedea piarã oo p'anɨt'a. Mãɨ k'orea mɨ arapá bɨma. Piarã mɨa k'ɨ̃ria bɨma mãrapa pia oo k'awadait'a mãɨnepa nemietá oodaiwẽt'a.

2 Corintio 11:3

Maamina mɨa wap'ea bɨma waapẽarãpa mãra seadait'a taamapa k'ɨ̃risia k'awaadepa Eva seada jĩra. Mãɨyara mãrapa Cristode piarã sõnepa ĩjãa p'anɨt'a itu bɨdaipɨ.

2 Corintio 2:17

Taipa erreara atadai k'orea Tachi Ak'õre pedea jaratea nipadawẽma chok'araɨrãpa oopata jĩra. Mãɨpari Cristo ome p'anɨ pẽra Tachi Ak'õrepa tai peesima. Mãɨne ichi k'ĩrari k'ɨ̃risia piadepa jarateapatama.

2 Corintio 4:2

Nejõma k'achia ẽpẽrarãpa mẽra oopataɨ mãɨnepa p'era oopataɨ taipa itu bɨsidama. Waapẽarã seadak'ama. Tachi Ak'õre pedea k'ĩra ãyá jarateadak'ama, mãɨpari chi piarã pedea pia jarateapatama. Mãɨya Tachi Ak'õre k'ĩrari taipa jõmãɨrã́ k'awapipatama jĩp'a oo p'anɨ.

Gálata 1:10

Mãɨya jara bɨdepa mɨa jɨrɨwẽa bɨma ẽpẽrarãpa mɨ pia ununait'a, mãɨpari k'ɨ̃ria bɨma Tachi Ak'õrepuru mɨ pia unuit'a. Cristode ĩjãai naena mɨa jɨrɨ bapachima ẽpẽrarãpa mɨ pia ununait'a. Wapida mãɨya oo bɨpara, mɨ Cristo pae pari mimiaparí paiwẽ pasima.

P'ilipense 2:21

Jõmãɨrãpa ara ãchi pia p'ananai jɨrɨpatama, Jesucristopa k'ɨ̃ria bɨ jɨrɨdai k'aepẽra.

P'ilipense 3:19

Mãɨpuru piuutade Tachi Ak'õrepa ãchi minachia ɨtɨaipɨ. Ãchi k'ak'uapa k'ɨ̃ria bɨt'a chi ãchi ak'õrepɨ. K'ĩra p'era oo p'anɨ k'orea pia pedeapatama. Abapuru nãɨ ĩjũanepema k'ɨ̃risiapatama.

Colosense 2:4

Jõma mãɨ mɨa jara bɨma mi ãpia pida piarã jĩra jara bɨdepa mãra seapidaemaapa.

Colosense 3:24

Mãra Tachi Chipari Cristo pae pari mimiapataɨrãpɨ. Mãrapa k'awa p'anɨma ichi pae pia oo p'anɨ pẽra, ichia mãrá chi ne atadai p'anɨt'a teaipɨ.

2 Tesalonicense 2:10

Ne wawaria nemietá oo bɨdepa ẽpẽrarã t'ɨpɨ uruadea wãnai p'anɨ seaipɨ. Ãchia chi piarã pedea k'ɨ̃rianak'a pẽra Tachi Ak'õrepa k'aripaiwẽma.

1 Timoteo 6:5

Mãɨ ẽpẽrarã k'ɨ̃risia mietá p'anɨ mãɨnepa chi piarã pedea atua p'anɨ paritua k'ĩruu pedeapatama. Ãchia k'ɨ̃risiapatama Tachi Ak'õrene ĩjãa bɨdepa erreara ununait'a.

Santiago 1:1

Mɨ Santiagopɨ, Tachi Ak'õre pae pari mimiaparí mãɨnepa Tachi Chipari Jesucristo pae pari mimiaparí. Nãɨ k'art'a bɨruma Israeldepema doce warrarãnepema chedaadarã tuacha berã pae. Mɨa k'ɨ̃ria bɨma mãra pia p'ananamẽrá.

2 Pedro 2:3

Erreara k'ɨ̃ria p'anɨ pẽra, mãra erreara atadai k'orea ara ãchi k'ɨ̃risiadepa sea jarateadaipɨ. Minachia tãaraaenapema Tachi Ak'õrepa ãchi nepɨra ak'ɨi k'orea bɨma, mãɨnepa tãaraawẽa bɨde ãchi piarã ɨtɨaipɨ.

Juda 1:1

Mɨ Judapɨ, Jacobo ũpẽapɨ mãɨnepa Jesucristo pae pari mimiaparipɨ. Nãɨ k'art'a bɨruma ãarea Tachi Pajãnepema Ak'õrepa t'ɨ̃naɨrã pae. Ichia mãra k'ɨ̃ria bɨma mãɨnepa Jesucristodepa ak'ɨ uru bɨma.

Juda 1:12

Mãra ara machi ũpẽarã paara k'ɨ̃ria p'anɨnepa sõ arapá nek'o p'anɨne, ãchia mãra paara wap'eadawẽa k'opatama. Ãchi jɨ̃ara nãupa ateewãru jĩra p'anɨma. Ara ãchi paepuru k'ɨ̃risiapatama. Nãupa jɨ̃ara ãyá ateewãrune k'oe chek'ama. Ara nãɨya chi ãchia jaratea p'anɨnepa mãra k'aripak'ama. Mãɨ chi pak'uru bari k'ak'o ume piuda jĩra p'anɨma, mãɨ nejõ chi jarade chauk'a pẽra, mãɨnepa chi k'arra ẽut'aadada pẽra.

Juda 1:16

Mãɨ ẽpẽerã ne wariwẽa bɨ k'orea k'ĩroopatama, mãɨnepa waapẽarã k'orea ara ne wariwẽa bɨ k'orea pedeapatama. Abapuru ãchia k'ɨ̃ria p'anɨt'a jɨrɨpatama. Minachia be jĩra pedeapatama. Chi waapẽarã seapatama, chi ara ãchia k'ɨ̃ria p'anɨ jɨrɨdai k'orea.

Apocalipsi 1:1

Mɨ Jesucristo pae pari mimiaparí Juanpɨ. Nãɨ k'art'ade bɨ bɨma Jesucristopa pajãnepa mɨá k'awapida. Mãɨ Tachi Ak'õrepa Jesucristoa k'awapisima chi ichide ĩjãa berã́ k'awapimẽrá tãaraawẽa bɨde sãit'a. Jesucristopa ɨt'aripa peeda aba mɨmá peesima mãɨ k'awapimẽrá.