Romano 16:17 - Tachi Ak'õre Pedea

¹⁷ Ũpẽarã, mɨa mãrá chichupuria idiruma jĩrak'aua p'ananamẽrá. Chi eda waapẽarãpa ũpẽarã́ ne awara awará k'ɨ̃risiapipatama. Chi mãrapa piarã pedea k'awadada ãchia k'ĩra awara jarateapatama. Mãɨ ẽpẽrarã ome ará p'anarãt'ɨ.

Romano 16:17 ပူးပေါင်းရင်းမြစ်များ

Mateo 18:17

Wapida ãchia jarauta ichia ũri k'ɨ̃riawẽpɨra, Tachi Ak'õrene ĩjãapataɨrã́ ãarea ará t'ɨ̃k'ari, ãchiá mãɨ nepɨra jarase. Maamina Tachi Ak'õrene ĩjãapataɨrãpa jarauta ũri k'ɨ̃riawẽpɨra, ichi Tachi Ak'õre atua bɨ jĩra wa Romanepema pae erreara jɨrɨp'eparí jĩra itu bɨse.

Mateo 18:7

¡Chi waapẽarã́ nãɨ ĩjũanepemarã nemietá oopipataɨrã ãchi chupuria p'ananaipɨ! Mãɨrã paraapɨ, maamina chi waapẽarã́ nemietá oopiparí, mãɨ mĩa chupuri baipɨ.

Mateo 7:15

»Jĩrak'aua p'anat'ɨ sea Tachi Ak'õre pari pedeapataɨrãane apataɨrã paara. Ãchia piarã jĩra jarateapatama maamina mãɨya p'anɨma ẽpẽrarãpa Tachi Ak'õre pedea ĩjãapidaemaapa.

Luca 17:1

Jesupa ichi ome p'ɨrrɨapataɨrã́ jarasima: «Ẽpẽra nemietaade baepipataɨrã paraapɨ. Mãɨ ewaricha mãɨya baipɨ maamina chi waapẽarã́ nemietá oopiparí, mãɨ mĩa chupuri baipɨ.

Hecho 15:24

Taipa ũrisidama waapẽarã ẽpẽerã nãmãɨpa mãramá wãnak'ari ãchia jaratea p'anɨ k'orea mãra sõk'achia p'aneenak'ari k'awa k'ɨ̃risiadawẽa p'aneesidama. Maamina mãɨ ẽpẽerãt'a taipa peedaé pasima.

1 Corintio 11:18

Naa jararuma mɨa ũri bɨ mãra ará jere nɨbeeutade k'ɨ̃risia k'ak'awá k'ɨ̃risia tuanapataɨ. Mãɨ pedea waa ara mɨchia ĩjãarumá ĩjãa bɨma.

1 Corintio 3:3

Mãra wapida nãɨ k'ak'uapa oo k'ɨ̃ria bɨ jĩra nipapatama: waapẽarãpa uru bɨ k'orea piawẽa k'ɨ̃risiapatama mãɨnepa k'ĩruu pedeapatama. Mãɨya p'anɨ pẽra ¿nãɨ k'ak'uapa oo k'ɨ̃ria bɨ jĩra nipapatawẽk'ãra? ¿Nãɨ ĩjũanepemarã jĩra p'anɨwẽk'ãra?

Gálata 2:4

Mãɨnepema pedeasidama chi eda waapẽarã ũpẽarã piarãwẽpa jarapachida pẽra. Mãɨrã ũpẽarã jĩra p'ananapa ak'ɨ p'anapachidama tachi chi Moisepa bɨdadepema ãyá wãsida k'awa. Jesucristode ĩjãanai k'aepẽra, chi Moisepa bɨdat'a mãicha oopi k'ɨ̃ria p'anasidama, chi mãɨ bɨda pae pari mimiapataɨrã jĩra p'anasi pẽra.

P'ilipense 3:17

Ũpẽarã, mɨ jĩra p'anat'ɨ. Mãra t'ãena nipasidaɨde taipa unupisidama sãmaasã́ p'ananai p'anɨ. Ũpẽarã mãɨya berã paara nipat'ɨ.

Colosense 2:8

Jĩrak'aua p'anat'ɨ mi abaɨa pida mãra seapidaemaapa chi pari k'ɨ̃risiapiparidepa mãɨnepa seaparí k'ɨ̃risiadepa. Jõma makɨɨ chõarãenapema k'ɨ̃risiat'a jaore chaarearã nãɨ ĩjũanepemapɨ. Mãɨ pedea Cristo k'oreawẽpɨ.

2 Tesalonicense 3:6

Ũpẽarã, Tachi Chipari Jesucristo t'ɨ̃nepa taipa mãrá jara peeutama ũpẽarã k'oa be ome ará p'anapidaemaapa. Jãɨrãpa taipa jarateadada jĩra oodak'ama.

1 Timoteo 1:3

Mɨa pɨá chichupuria idida jĩra Macedonia tuadea wãside, aba mãicha jararuma: Ep'esode beese, chi ne awara jarateapataɨrã́ waa jarateapidaemaapa.

2 Timoteo 3:5

Tachi Ak'õrene ĩjãapataɨrã jĩra p'ananaipɨ maamina itu bɨdaiwẽma Tachi Ak'õrepa ichi jua chaareadepa ãchi jĩp'a bɨmẽrá. Makɨɨrã ome ará barãse.

Tito 3:10

Abaɨpa ũpẽarã́ k'ĩruu pedeapisira, ichi ɨtɨase waa mãɨya oopiemaapa. Ichia ĩjãawẽpɨra, mãicha ɨtɨase. Mãɨne waidi ĩjãawẽpɨra, ichi ome barãse.

1 Juan 2:19

Ãchi tachi ome p'anana wãsidama, maamina piarã tachidepemawẽ pasima. Piarã tachidepema padapara, tachi ome wapida ará p'ananai pasima. Maamina mãɨyasima pia k'awadamẽrá jõmãɨrã tachidepemawẽt'a.

Juda 1:19

Mãɨrãpa ũpẽarã ãchi k'ak'awá awara paneepipatama, ãchia ne wawaria k'ɨ̃riautat'a oopatama, mãɨnepa Tachi Ak'õre Jaore uru p'anɨwẽma.