Romano 15:8 - Tachi Ak'õre Pedea

⁸ Mɨa jararuma: Cristo chesima tai judiorã k'aripai k'orea. Tachi Ak'õrepa judiorã chõarãenapemarã ome pedea bɨda Cristopa oosima. Mãɨpa unupisima Tachi Ak'õrepa jara bɨ jĩra ooparit'a.

Romano 15:8 ပူးပေါင်းရင်းမြစ်များ

Mateo 15:24

Wẽra cananeo pida pẽra Jesupa ichiá jarasima: —Tachi Ak'õrepa mɨ peesima Israel ĩjũanepemarã k'aripamẽrá, ãchi ovejarã atuadada jĩra p'anɨẽra.

Mateo 20:28

Mãɨ jĩra mɨ, chi Ẽpẽra Warra chewẽa bɨma ẽpẽerã chi mɨ pae pari mimiapataɨrã padamẽrá. Mãɨpari mɨ che bɨma ẽpẽerã pae pari mimiaparí bai k'orea. Mãɨya mɨ piuipɨ ẽpẽerã minachia k'aripai k'orea.

Juan 1:11

Pajãnepa ichi tuadepemarãmá chesima. Ya ãchia ichi jitadaé pasima.

Juan 10:16

Mɨa uru bɨma waapẽarã oveja nãɨ k'ãipataɨde p'anɨwẽ. Mãɨrã sida mɨa eda ateewãipɨ. Ãchia mɨ pedea ĩjãanaipɨ. Mãɨya ãareaɨrã ará p'ananaipɨ. Mãɨne ãchi ak'ɨparí aba bɨ baipɨ.

Hecho 13:46

Mãɨne Pablo mãɨnepa Bernabepa ne wap'eawẽa ãchiá jarasidama: —Piarã taipa mãrá Tachi Ak'õre pedea naa jaradai p'anasidama. Maamina mãrapa mãɨ itu bɨ p'anɨ pẽra mãɨnepa mãramá ewaricha Tachi Ak'õre ome chok'ae bai piawẽa pẽra, taipa judiorãwẽmá mãɨ jarade wãnaipɨ.

Romano 11:22

Minachia k'ɨ̃risiat'ɨ sãmaasã́ Tachi Ak'õrepa ichi sõpiadepa k'aripapari mãɨnepa sãmaasã́ ɨtɨapari. Judiorãpa ĩjãanaé pasi pẽra Tachi Ak'õrepa ɨtɨak'ari ãchi itu bɨsima. Mãɨne mãra judiorãwẽ ichi sõpiadepa k'aripa bɨma mãɨnepa k'aripa baipɨ. Maamina mãɨnepa p'ananai p'anɨma. Mãrapa ĩjãa p'ananaiwẽpɨra, Tachi Ak'õrepa mãra sida ɨtɨak'ari itu bɨipɨ pak'uru jua t'ɨat'uk'oaru jĩra.

Romano 11:30

Mãra judiorãwẽpa naena Tachi Ak'õrene ĩjãanak'a pasima. Maamina judiorãpa ĩjãanawẽa p'anɨ pẽra naapae Tachi Ak'õrepa mãra k'ĩra chupuria bɨma.

Romano 15:16

judiorãwẽ t'ãena Jesucristo pae pari mimiaparí bamẽrá. Mãɨpuru pedea pia Tachi Ak'õre k'orea ãchiá jaratea bɨma. Ĩjãasidara p'aare judiopa ãnimara paatearu jĩra mɨa ãchi Tachi Ak'õrea tearuma pia unumẽrá. Mãɨne Tachi Ak'õre Jaorepa ãchi Tachi Ak'õre pae pia bɨipɨ.

Romano 3:26

Idiapae ichia Jesucristodepa tachi k'aripa bɨma, ichi jĩp'a bɨ pẽra. Ichia jararut'a ara mãɨya oopari pẽra, chi Jesude ĩjãautat'a chi ichidirã jĩp'a berã paara bɨparima.

Romano 3:3

Maamina chi eda ãchidiidepemarãpa chi ãchia oodai p'anɨ jĩra oodaé pasima. ¿Mãɨ k'orea Tachi Ak'õrepa ooi jarada ooiwẽk'ãra?

Romano 4:16

Tachi Ak'õrepa teai jarada tachia jitadaipɨ ichide ĩjãa p'anɨ pẽra. Tachi Ak'õrepa ichi sõpiadepa mãɨ pari tea bɨma. Mãɨpuru jõma Abrahán ẽpẽrarã, chi Moisepa bɨdadepa p'anɨrãpa, mãɨ piarã jitadaipɨ. Maamina abapuru ãchiapuru jitadaiwẽma, mãɨpari judiorãwẽ pida Abrahán jĩra Tachi Ak'õrene ĩjãanaipɨra jitadaipɨ. Mãɨya Abrahán jõma tachi, chi Tachi Ak'õrene ĩjãa berã ak'õrepɨ.

1 Corintio 1:12

Pia jaraideepara, waapẽarã mãranepemarãpa jarapatama: «Mɨ Pablodé». Waapẽarãpa jarapatama: «Mɨ Apolodé». Waapẽarãpa jarapatama: «Mɨ Pedrodé». Mãɨnepa waapẽarãpa jarapatama: «Mɨ Cristodé».

1 Corintio 10:19

Maamina mɨa sãdo piarãane a jarawẽa bɨma. Chi sãdorã́ ne k'iuru teada, chi tachia k'opataɨ k'iuru ara mãɨ jĩra bɨma.

1 Corintio 10:29

Mɨa mãɨya jarawẽa bɨma, mãrapa mãɨ chik'o k'odaiwẽa p'anɨt'a. Maawẽapuru mɨa jara bɨma chi abaɨpuru mãɨya k'ɨ̃risia bɨt'a. Abaɨpa nãɨya k'ɨ̃risiaipɨ: Mɨa oo k'ɨ̃ria bɨt'a oorude abaɨpa piawẽa bɨade a k'ɨ̃risiaipɨra, ¿mãɨya p'ue ooi bɨk'ãra?

1 Corintio 15:50

Ũpẽarã, mɨa nãɨ jararuma: nãɨ ĩjũanepema k'ak'ua Tachi Ak'õre juade p'ue baiwẽma, ichidirã paara. Chi beraaparí k'ak'ua chi beraak'apɨ́ k'ak'uamá p'ue baiwẽma.

2 Corintio 1:20

Piarã Tachi Ak'õrepa ooi jarada jõma Cristodepa ooparima. Mãɨ k'orea tachia Tachi Ak'õrea ɨt'aa chiidiutade Cristodepa piarãane apatama. Mãɨya ichi k'orea pia jara p'anɨma.

Ep'esio 2:12

Nãɨ k'ɨ̃risiat'ɨ: mãra naena Cristo newẽa p'anasit'a mãɨnepa Israeldepemarãwẽ pasit'a. Tachi Ak'õre ãchi ome pedea auside ichia mãrá mi ãpia pida teai jaraé pasima. Mãɨ awara mãra sãmaasã́ pia p'ananaiwẽa p'anasidama mãɨnepa nãɨ ĩjũane Tachi Ak'õre newẽa p'anasima.