Romano 15:6 - Tachi Ak'õre Pedea

⁶ Mãɨya mãrapa Tachi Pajãnepema Chipari Jesucristo Ak'õrea ará pia pedea p'ananaipɨ.

Romano 15:6 ပူးပေါင်းရင်းမြစ်များ

Juan 20:17

Jesupa jarasima: —Mɨ jitarãse mɨ Ak'õremá waidi wãwẽa bɨ pẽra. Mɨ ũpẽarãmá wãk'ari jarase mɨ Ak'õremá wãrut'a. Ichi mãra Ak'õrepɨ. Mãɨ mɨ Tachi Ak'õrepɨ mãɨnepa mãra Tachi Ak'õrepɨ.

Hecho 4:24

Mãɨ ũrisidaɨde ãarea Tachi Ak'õrea ɨt'aa chiidisidama: «Tai Chipari ãarea p'ue bɨ, pɨapuru pajã, nãɨ ĩjũa, p'usa mãɨnepa ãarea ãchide nɨbɨ sida oosima.

Hecho 4:32

Mãɨ ewaride chi Jesude ĩjãapataɨrã k'ɨ̃risia abarik'a mãɨnepa sõ abarik'a p'anapachidama. Abaɨ pida ara ichi neet'á ichidí jĩra k'ɨ̃risiak'a pasima, mãɨpari abaɨ ome ne jedapachima.

2 Corintio 1:3

Tachi Chipari Jesucristo Pajãnepema Ak'õrea pia pedeadai p'anɨma. Ichi chi tachi k'ĩra chupuriaparí Tachi Ak'õrepɨ mãɨnepa tachi sõpiapiparí Tachi Ak'õrepɨ.

2 Corintio 11:31

Tachi Pajãnepema Chipari Jesú Ak'õrea ewaricha pia pedeadai p'anɨma. Ichia k'awa bɨma mɨa sea jarak'ama.

Ep'esio 1:17

Mɨa Tachi Chipari Jesucristo Ak'õrea, chi tachi Pajãnepema Ak'õre pia bɨa ɨt'aa chiidiparima ichi Jaoredepa mãrá pia k'ɨ̃risiapimẽrá mãɨnepa ichi k'orea k'awapimẽrá. Mãɨya mãrapa ichi minachia k'awadaipɨ.

Ep'esio 1:3

Tachi Chipari Jesucristo Ak'õrea pia pedeadai p'anɨma. Cristo ome p'anɨ pẽra ichi Jaoredepa nejõma pia tachiá pajãnepa tea bɨma.

Colosense 1:3

Tachi Chipari Jesucristo Ak'õre, Tachi Ak'õrea ɨt'aa chiidiutacha taipa mãra k'orea sõpia p'anɨane apatama.

1 Pedro 1:3

Tachi Chipari Jesucristo, Pajãnepema Ak'õrea pia pedeadai p'anɨma. Ichia tachi minachia k'ĩra chupuriada pẽra Jesucristo piu bada chok'ae p'irabaridadepa tachi chok'ae chiwidi jĩra p'aneepisima. Mãɨpuru piarã k'awa p'anɨma

Apocalipsi 1:6

Tachi bɨsima Tachi Ak'õre juade p'aarerã p'ananamẽrá. Mãɨya ichi Pajãnepema Ak'õrepa k'ɨ̃ria bɨt'a oo p'ananaipɨ. Mãɨa pia pedeadai p'anɨma. Pia bɨma ichit'a ewaricha jõmãɨrã Chipari bait'a. Mãɨya beese.