Romano 15:3 - Tachi Ak'õre Pedea

³ Piarã Cristo pida ara ichia k'ɨ̃ria bɨt'a ooé pasima, mãɨpari Tachi Ak'õre pedeade bɨ bɨ jĩra mãɨyasima. Nãɨya bɨ bɨma: «Tachi Ak'õre, ãchia pɨ k'orea k'achia pedeasidaɨde mɨ k'orea pida k'achia pedeasidama».

Romano 15:3 ပူးပေါင်းရင်းမြစ်များ

Mateo 26:39

Jesú wawá wãk'ari sĩraporode bedabari k'obeek'ari, ichi tau bɨɨrɨ ĩjũanea t'õmaripik'ari Tachi Ak'õrea ɨt'aa chiidisima: «Ak'õre, pɨa k'ɨ̃ria bɨpɨra, mɨ itu mĩapirãse. Maamina mɨa k'ɨ̃ria bɨ jĩra oorãse. Oose pɨapuru k'ɨ̃ria bɨ jĩra».

Mateo 26:42

Maapae Jesú mãicha wãk'ari Tachi Ak'õrea ɨt'aa chiidisima: «Mɨ Ak'õre, mɨ minachia mĩapiipɨra, pɨa k'ɨ̃ria bɨ jĩra mĩapise».

Mateo 27:44

Ichiaba chi nechɨapataɨ mietá be ichi k'ait'a k'urusude barijira bɨdada pida ara mãɨ jĩra k'achia pedeasidama.

Juan 15:10

Mɨa oopi bɨ pedea oodaipɨra, piarã mɨa k'ɨ̃rianepa p'ananaipɨ. Ara mãɨ jĩra mɨ Ak'õrepa jara bɨeda oo bɨ pẽra ichia k'ɨ̃rianepa baparima.

Juan 15:24

Mɨa ãchi k'ĩrari ẽpẽerãpa ne p'ue oodak'apɨ́ oodaépara, ãchia nemietá oodada k'orea nepɨrade p'aneenaiwẽ pasima. Maamina mɨa ooda ãchia unusidamina mɨ, mɨ Ak'õre sida unuemaa uru p'anɨma.

Juan 4:34

Mãɨpuru Jesupa ãchiá jarasima: —Mɨmá, chi mɨ Peedapa oopi bɨ ãarea oo bɨt'a, mãɨt'u mɨ chik'o jĩra bɨma.

Juan 5:30

»Ara mɨchi tuaba ne p'ue ooiwẽma. Mɨa ẽpẽra ɨtɨaparima mɨ Ak'õrepa jararu jĩra. Mɨa jĩp'a ɨtɨaparima. Mɨa k'ɨ̃ria bɨ jĩra ook'ama mãɨpari mɨ Ak'õre, chi mɨ Peedapa k'ɨ̃ria bɨ jĩra ooparima.

Juan 6:38

Mɨ pajãnepa chewẽa bɨma mɨa k'ɨ̃ria bɨt'a ooi k'orea. Mãɨpari chesima mɨ Peedapa k'ɨ̃ria bɨt'u ooi k'orea.

Juan 8:29

Mɨ Peeda mɨ ome bɨma. Mɨ Ak'õrepa mɨ tuaba ameek'ama mɨa ewaricha ichia k'ɨ̃ria bɨt'a oo bapari pẽra.

2 Corintio 8:9

Mãrapa minachia k'awa p'anɨma Tachi Chipari Jesucristopa ichi sõpiadepa oodat'a. Ichi pajãne nejõma uru bɨmina, mãra pae nãɨ k'ak'uade nenea bɨ jĩra basima mãrapa nejõma Tachi Ak'õrepa tea bɨdepema uru p'ananamẽrá.

P'ilipense 2:5

Jesucristopa k'ɨ̃risia bada jĩra k'ɨ̃risiat'ɨ:

P'ilipense 2:8

Mãɨya ook'ari, chupuri beesima. Tachi Ak'õrepa piui bɨade aside ara mãɨyasima. K'urusude minachia mĩak'ari piui bɨmina ara mãɨyasima.