Romano 15:26 - Tachi Ak'õre Pedea

²⁶ Mãɨ erreara ũpẽarã Macedonia tuadepemarãpa mãɨnepa Acaya tuadepemarãpa arapá jɨrɨp'esidama, Tachi Ak'õrene ĩjãapataɨrã Jerusalenepemarã chi nenea k'ede k'aripadai k'orea.

Romano 15:26 ပူးပေါင်းရင်းမြစ်များ

Mateo 25:40

Mãɨne mɨa p'anooipɨ: “Mɨa piarã jararuma: mãrapa mɨ ũpẽarã chi k'aepe k'ede k'aripasidaɨde ichiaba mɨ k'aripasidama”.

Mateo 26:11

Chichupuria k'ede ewaricha mãra t'ãena p'ananaipɨ, maamina mɨ mãra ome ewaricha baiwẽma.

Luca 14:13

Mãɨpari, pɨa ẽpẽrarã t'ɨ̃rune chi nenea berã, sorek'ea berã, sĩta bak'ea berã, tau p'ãrio berã sida t'ɨ̃k'oase.

Luca 6:20

Jesupa ichi ome p'ɨrrɨapataɨrã ak'ɨk'ari nãɨya jarasima: «Pia p'anɨma mãra chi chichupuria berã mãɨ Tachi Ak'õrepa mãra ichi juade ua bɨẽra.

Hecho 16:12

Mãmãɨpa P'ilipo p'uurudea jĩte wãnak'ari mãma ewari k'ak'o tãaraawẽa p'anasidama. Mãɨ p'uuru Macedonia tuade p'uuru chi atepe bɨ pasima. Romanepemarã mãma p'anapachidama.

Hecho 16:9

Teamasi Pablopa k'ãmok'araa jĩra unusima ẽpẽra Macedonia tuadepema bai nɨbɨt'a. Mãɨ ẽpẽrapa Pabloa nãɨya chichupuria idisima: «Macedonianea tai k'aripade chese».

Hecho 18:12

Galión apataɨ Acaya ĩjũanepema chi chaarea bɨ beeside judiorãpa ará pedeadak'ari Pablo jitadak'ari, ichi mãɨ Galión k'ĩrari ateesidama.

Hecho 19:21

Mãɨya nak'ari Pablopa ichi sõnepa k'ɨ̃risiasima Macedonia tuade mãɨnepa Acaya tuade p'ɨrrɨak'ari Jerusalén p'uurudea wãit'a. Ichiaba jarasima: «Jerusalene bak'ari mɨ Roma p'uurudea wãi bɨma».

Hecho 9:13

Mãɨne Ananiapa p'anoosima: —Mɨ Chipari, mɨa jãɨ ẽpẽra k'orea ũri bɨma. Minachia jarapatama Jerusalene ichia pɨ ẽpẽerã minachia mĩapi bɨt'a.

1 Corintio 16:15

Ũpẽarã, mãrapa k'awa p'anɨma Acaya tuade Estep'anapa mãɨnepa ichi ẽpẽrarã naa Jesude ĩjãanana mãɨnepa ãchia k'ɨ̃risia p'anɨ jõma ũpẽarã k'aripadai k'orea.

1 Corintio 16:5

Mɨ naa Macedonia tuadea wãi bɨma. Maapae mãramá wãipɨ.

2 Corintio 1:16

Mɨa k'ɨ̃risia basima Macedonia tuadea wãrune naa mãra ak'ɨde wãit'a. Maapae Macedonianea wãk'ari jĩitea mãra ak'ɨde wãi k'ɨ̃risia basima. Mãɨya Judea tuadea wãrune mãrapa mɨ p'ue k'aripadai k'ɨ̃risia basima.

2 Corintio 11:9

Mɨ mãramá baside nejõma uru badawẽmina mãrá idié pasima. Mãɨpari mɨa wẽa bada ũpẽarã Macedonianepema chedaadarãpa ãarea teasidama. Mɨa mi ãpia pida mãrá idié pasima mãɨnepa idiwẽa baipɨ.

2 Corintio 2:13

Maamina mɨ ũpẽa Tito unué pẽra sõne ne k'ɨ̃risiawẽa baé pasima. Mãɨ k'orea ũpẽarã ome ará nɨbeek'ari mɨ wãyane asima. Ara mãɨne Macedonia tuadea Tito jɨrɨde wãsima.

2 Corintio 7:5

Macedonia tuadea chesidaɨde tai p'ue ɨ̃apaadawẽa p'anasidama, mãɨpari ne ãareaɨne minachia mĩa p'anasidama. Ẽpẽrarã tai ome k'ĩruu pedeapachidama mãɨnepa tai ne wap'ea nipapachidama.

2 Corintio 9:12

Mãrapa erreara teautapa abapuru k'aripawẽma chi ũpẽarã nenea p'anɨpa uru p'ananamẽrá, mãɨpari mãɨ k'orea ãchia Tachi Ak'õrea minachia pia bɨade a p'ananaipɨ.

2 Corintio 9:2

mɨa k'awa bɨ pẽra mãrapa k'aripa k'ɨ̃ria p'anɨt'a. Mãɨ k'orea nãma Macedonia tuade mɨa ũpẽarã́ mãra k'orea pia pedeaparima. Mɨa ãchiá jarapachima warí ãyo pasiedapema mãra Acaya tuadepemarãpa k'aripadai k'orea p'anasit'a. Mãɨya ũrinana pẽra chok'ará ũpẽarã Macedonianepemarãpa abarik'a k'aripa k'ɨ̃ria p'anɨma.

2 Corintio 9:4

Mãɨya oodaepɨra, chi wãuta Macedonianepemarã ũpẽarã mɨ ome mãramá wãutade, mãrapa erreara jɨrɨp'edawẽa p'anɨt'a ununai pasima. Mãɨyara tai k'ĩra p'eradai pasima, k'ɨ̃risia p'anɨ pẽra mãrapa piarã jɨrɨp'edai padat'a. Mãɨnepa mãra sida minachia k'ĩra p'eradai pasima.

P'ilipense 4:15

Ũpẽarã P'ilipodepemarã, mãrapa k'awa p'anɨma chi pedea pia Cristo k'orea naa ĩjãasidaɨde mɨ Macedonia tuadepa tua awaraɨdea jarateade wãside, ũpẽarã waapẽarã p'uurudepemarãpa mɨá ne tea peedaé pasima. Aba mãrapuru mɨá mãɨyasidama.

1 Tesalonicense 1:7

Mãɨya jõma Cristode ĩjãa berã Macedonia tuadepemarãpa mãɨnepa Acaya tuadepemarãpa mãra k'orea ũrisidama sãmaasã́ p'ananai p'anɨ.

1 Tesalonicense 1:8

Mãɨ ãchit'ura mãranepemarãpa Tachi Chipari pedea ũrinaé pasima, mãɨpari tuacha ẽpẽrarãpa k'awasidama mãrapa Tachi Ak'õrene ĩjãa p'anɨt'a. Mãɨ k'orea ¿taipa mãra k'orea k'ãre waa jaradaima?

1 Tesalonicense 4:10

Mãrapa jõma ũpẽarã Macedonia ĩjũanepema mãɨya k'ɨ̃ria p'anɨma. Maamina ũpẽarã, taipa mãrá chichupuria idi p'anɨma atepe chi k'ɨ̃ria p'ananamẽrá.

1 Timoteo 1:3

Mɨa pɨá chichupuria idida jĩra Macedonia tuadea wãside, aba mãicha jararuma: Ep'esode beese, chi ne awara jarateapataɨrã́ waa jarateapidaemaapa.

P'ilemón 1:5

Mɨa ũrisima pɨa Tachi Chipari Jesude ĩjãa bɨt'a mãɨnepa jõma ẽpẽrarã Tachi Ak'õrenepemarã k'ɨ̃ria bɨt'a.