Romano 15:25 - Tachi Ak'õre Pedea

²⁵ Maamina ara nãɨena mɨ Jerusalenea wãipɨ erreara Tachi Ak'õre ẽpẽrarã́ teai k'orea.

Romano 15:25 ပူးပေါင်းရင်းမြစ်များ

Hecho 18:21

Mãɨpari wãrune nãɨya jarasima: —Tachi Ak'õrepa k'ɨ̃riasira mɨ mãicha mãra ak'ɨde cheipɨ. Maapae p'ãp'orrode batook'ari Ep'esodepa wãsima.

Hecho 19:21

Mãɨya nak'ari Pablopa ichi sõnepa k'ɨ̃risiasima Macedonia tuade mãɨnepa Acaya tuade p'ɨrrɨak'ari Jerusalén p'uurudea wãit'a. Ichiaba jarasima: «Jerusalene bak'ari mɨ Roma p'uurudea wãi bɨma».

Hecho 20:16

Pablo Asia tuade tãaraa baemaapa Ép'eso p'uurude wãwẽa p'asa wãsima. Ichi isapea Jerusalene che k'ɨ̃ria basima, p'ue cherupara, Pentecosté ewaride mãma bai k'orea.

Hecho 20:22

»Naapae Tachi Ak'õre Jaorepa mɨ wãpi bɨ pẽra, Jerusalenea wãipɨ. Maamina mɨa atua bɨma jãma mɨ k'ãre ne baeit'a.

Hecho 24:17

»Mɨ Jerusalén awara bada ãyo minachia bak'ari, maapae mãicha Jerusalenea wãsima, mɨ p'uurudepemarã nenea k'ede pae erreara teai k'orea mãɨnepa Tachi Ak'õrea ãnimara paateai k'orea.

Hecho 9:13

Mãɨne Ananiapa p'anoosima: —Mɨ Chipari, mɨa jãɨ ẽpẽra k'orea ũri bɨma. Minachia jarapatama Jerusalene ichia pɨ ẽpẽerã minachia mĩapi bɨt'a.

Romano 12:13

Ẽpẽrarã Tachi Ak'õreneerã chi nenea k'ede k'aripat'ɨ. Chi mãra tede cheutá pia pedeat'ɨ.

1 Corintio 16:4

Maamina mãramá mɨ sida wãi pia bɨpɨra, ãchi ome wãipɨ.

2 Corintio 8:4

Taiyá minachia chichupuria idisidama ãchia pida ũpẽarã Jerusalenepemarã k'aripadai k'orea.

2 Corintio 8:6

Mãɨ k'orea taipa Titoa chichupuria idisidama mãrá jarade wãmẽrá jõma mãrapa sõpiadepa teadayade adada piarã jɨrɨp'edamẽrá.

Gálata 2:10

Abapuru taiyá jarasidama ũpẽarã nenea k'ede k'aripadamẽrá. Mãɨ mɨmá minachia pia basima mãɨya oo k'ɨ̃ria bada pẽra.

Hebreo 6:10

Tachi Ak'õre jĩp'a bapari pẽra mãrapa pia oo p'anɨt'a mãɨnepa ichi k'ɨ̃ria p'anɨt'a k'ɨ̃risia atuaiwẽma. Ichi ẽpẽrarã k'aripa p'anɨnepa mãrapa unupisidama chi ichi k'ɨ̃ria p'anɨt'a. Wapida k'aripa p'anɨma.