Romano 15:19 - Tachi Ak'õre Pedea

¹⁹ mãɨnepa ẽpẽerãpa ne p'ue oodak'apɨɨdepa mãɨya k'aripasima. Mɨa Tachi Ak'õre Jaore jua chaareadepa jõma mãɨ ãarea oosima. Jerusalenepa Ilírico tuadea chi pedea pia Cristo k'orea mɨa jõma jarateai badamá jarasima.

Romano 15:19 ပူးပေါင်းရင်းမြစ်များ

Mateo 12:28

Maamina mɨa Tachi Ak'õre Jaoredepa jaore mietaarã ãyá jeret'aa bɨpɨra, Tachi Ak'õrepa unupi bɨma ichi chesit'a mãra ichi juade ua bai k'orea.

Juan 4:48

Jesupa ichiá jarasima: —Mãrapa ẽpẽerãpa ne p'ue oodak'apɨ́ ununaepɨra mɨa jara bɨde ĩjãanaiwẽma.

Hecho 1:8

Maamina Tachi Ak'õre Jaore mãra ome beede cherude, mãrapa ichi jua chaarea jitadaipɨ. Mãɨpa mãrapa Jerusalene, ãarea Judea mãɨnepa Samaria tuade mãɨnepa tua t'ɨmɨa bede mɨ k'orea pedeadaipɨ.

Hecho 13:14

Ãchi Pergedepa Antioquiadea wãsidama. Mãɨ Antioquía Pisidia tuade bɨma. Mãma mimianak'apɨ́ ewaride judiorã ará pedeapataɨ tede eda wãnak'ari suak'abari p'aneesidama.

Hecho 13:51

Mãɨne Pablo mãɨnepa Bernabepa p'uurudepema yooro jora ãchi jĩrunepema jãrap'et'asidama unupidai k'orea Tachi Ak'õrepa mãɨ k'ɨ̃riawẽa bɨt'a ãchiá k'awapii k'orea. Maapae Iconio p'uurudea wãsidama.

Hecho 14:10

Mãɨpuru Pablopa ichiá jĩk'ua jarasima: —¡P'irabarise! ¡Bai nɨbeese! Ara mãɨne ichi ɨt'aa jĩitɨk'ari wãpodosima.

Hecho 14:20

Maapae chi Jesude ĩjãapataɨrãpa Pablo jũranak'ari ak'ɨ p'anasidama. Mãɨya p'anɨne ichi p'irabarisima. P'irabarik'ari jĩitea p'uurudea wãsima. Norema Bernabé ome Derbe p'uurudea wãsidama.

Hecho 14:25

Tachi Ak'õre pedea Perge p'uurude jarateadak'ari Atalía p'uurudea wãsidama.

Hecho 14:6

Maamina Pablo mãɨnepa Bernabepa mãɨ k'awasidaɨde Licaonia tuadea mĩruwãsidama. Listra p'uurudea mãɨnepa Derbe p'uurudea wãsidama. Ãarea mãɨ Licaonia tuade p'ɨrrɨasidama.

Hecho 15:12

Bernabepa mãɨnepa Pablopa nepɨrɨsidama Tachi Ak'õrepa ẽpẽerãpa ne p'ue oodak'apɨ́ ãchidepa judiorãwẽ t'ãena oosit'a. Mãɨpa k'awapisima ichi ãchi ome bɨt'a. Mãɨne ãareaɨrãpa k'ĩup'ea ũri tuanasidama.

Hecho 16:18

Ichia ewari minachia mãɨya jĩk'ua jara nipada pẽra Pablo sẽsima. Ichimá ak'ɨk'ari chi jaore mietá uru bɨa jarasima: —Mɨa Jesucristo t'ɨ̃nepa pɨá jararuma: nãɨ ãwẽranepema ãyá wãse. Ara mãɨne chi jaore mietá wãsima.

Hecho 17:10

Ara mãɨ teamasi ũpẽarãpa Pablo mãɨnepa Sila Berea p'uurudea peesidama. Padak'ari judiorã ará pedeapataɨ tedea wãsidama.

Hecho 17:15

Chi Pablo ome wã p'ananapa ichi Atena p'uurudea ateewãsidama. Maapae Pablopa ãchi jara peesima Sila mãɨnepa Timoteo ichimá isapea chedamẽrá. Ara mãɨne ũpẽarã jĩitea wãsidama.

Hecho 18:1

Mãɨya nak'ari Pablo Atena p'uurudepa Corinto p'uurudea wãsima.

Hecho 18:19

Wãutade Ép'eso p'uurude padak'ari Pablo chi Aquila, Priscila ome p'anana ãchi ãyá wãsima. Mãɨne judiorã ará pedeapataɨ tedea wãk'ari judiorã ome Jesú k'orea pedeasima.

Hecho 19:1

Apolo Corinto p'uurude bɨmisa Pablo ĩjũa eya idá bɨde p'asa wãk'ari Ép'eso p'uurude chesima. Mãma chi eda waapẽarã Jesude ĩjãapataɨrã unusima.

Hecho 20:20

Maamina mɨa ãareaɨrã k'ĩrari mãɨnepa mãra techa mãra k'aripai k'orea jaratea bapachima. Mi ãpia pida jarateai amaa bak'a pasima.

Hecho 20:6

P'ana ooropiparí newẽa k'opataɨ ewari pak'ari tai P'ilipo p'uurudepa p'ãp'orrode wãsidama. Ewari k'ak'o joesomaane ãchi ome Troa p'uurude chi unusidama. Mãma ewari k'ak'o siete p'aneesidama.

Romano 15:13

Nejõma pia tachia nɨ p'anɨt'a Tachi Ak'õrepa teaipɨ. Mãrapa ichide ĩjãa p'anɨ pẽra mɨa k'ɨ̃ria bɨma ichia mãra minachia arapaapiit'a mãɨnepa ne k'ɨ̃risiawẽa p'anapiit'a. Mãɨya Tachi Ak'õre Jaore jua chaareadepa mãrapa pia k'awadaipɨ nejõma pia tachia nɨ p'anɨt'a piarã atadaipɨ.

Romano 15:16

judiorãwẽ t'ãena Jesucristo pae pari mimiaparí bamẽrá. Mãɨpuru pedea pia Tachi Ak'õre k'orea ãchiá jaratea bɨma. Ĩjãasidara p'aare judiopa ãnimara paatearu jĩra mɨa ãchi Tachi Ak'õrea tearuma pia unumẽrá. Mãɨne Tachi Ak'õre Jaorepa ãchi Tachi Ak'õre pae pia bɨipɨ.

Romano 15:24

España tuadea wãrune mãra ak'ɨi k'ɨ̃ria bɨma. Mãra ome tãaraa arapá p'aneenak'ari, k'ɨ̃ria bɨma mãrapa mɨ k'aripadait'a, pia wãmẽrá.

1 Corintio 2:4

Mɨa Jesú k'orea jaratea baside mɨ k'ɨ̃risiadepa mãɨya ooé pasima mãrapa ĩjãanamẽrá. Mãɨpari Tachi Ak'õre Jaorepa ichi jua chaareadepa k'awapisima mãɨ pedea piarãt'a.

2 Corintio 12:12

Mɨ mãra t'ãena baside jõma oosima, Jesucristopa peedaɨrãpa oopata jĩra. Ãarea choa basima mãɨnepa ẽpẽerãpa ne p'ue oodak'apɨ́ waibɨa be oopachima.

Gálata 3:5

Tachi Ak'õrepa ichi Jaore mãrá teasi awara, ẽpẽerãpa ne p'ue oodak'apɨ́ mãra t'ãena oo bɨma. ¿Chi Moisepa bɨda oo p'anana k'orea mãɨya oo bɨk'ãra? ¿Mãɨya oowẽk'ãra chi pedea pia Cristo k'orea ũrinak'ari ĩjãasida pẽra?

Colosense 1:25

Tachi Ak'õrepa mɨ ichi ẽpẽrarã pae pari mimiaparí bɨsima. Mãɨpuru ichi pedea jõma arí mãrá jaratea bɨma.

1 Tesalonicense 1:5

Taipa chi pedea pia Cristo k'orea mãrá jarateasidaɨde taipa pedeadeepuru pedeadaé pasima. Mãɨpari mãɨ pedea piarã arí k'awa p'anɨ pẽra Tachi Ak'õre Jaore jua chaareadepa pedeasidama. Mãrapa k'awa p'anɨma tai sãmaasã́ mãra paara p'anapachit'a, mãra pia p'ananamẽrá.

2 Timoteo 4:17

Maamina Tachi Chipari mɨ ome basima. Ichia mɨ jua chaarea beepisima ichi pedea jaramẽrá. Mãɨya jõma judiorãwẽa ará p'anɨpa ũrisidama. Mãɨne Tachi Chiparipa mɨ imama it'aedepema k'aripasima.

Hebreo 2:4

Mãɨ awara Tachi Ak'õrepa ẽpẽerãpa ne p'ue oodak'apɨ́ minachia wawaria oopisima. Ichia k'ɨ̃ria bada jĩra ichi Jaorepa oopi bɨt'a ichidirãcha teasima. Jõma mãɨnepa mãɨ pedea piarãt'a k'awapisima.

1 Pedro 1:12

Maamina Tachi Ak'õrepa k'awapida ãchia pedeadada ãchi paewẽ pasima, mãɨpari mãra paepuru pasima. Ãchia pedeadada naapae chi pedea pia Cristo k'orea jarateapataɨrãpa tachiá pia k'awapi p'anɨma, Tachi Ak'õre Jaore pajãnepa peedadepa. Makɨɨ Tachi Ak'õrepa ɨt'aripa peedarã pida k'awa k'ɨ̃ria p'anɨma.