Romano 15:15 - Tachi Ak'õre Pedea

¹⁵ Maamina nãɨ k'art'ade mɨa k'ɨ̃risia wawaria piarã bɨsima, mãrá k'ɨ̃risia atuapidaemaapa. Mãɨya bɨsima Tachi Ak'õrepa ichi sõpiadepa mɨ bɨda pẽra

Romano 15:15 ပူးပေါင်းရင်းမြစ်များ

Romano 1:5

Jesucristodepa Tachi Ak'õrepa mɨ bɨsima ichia peeda bamẽrá. Ichidepa mãɨya bɨsima jõma tuachadepemarãpa Jesucristode ĩjãanamẽrá, ichi pedea oodamẽrá mãɨnepa ichiá pia pedeadamẽrá.

Romano 12:3

Tachi Ak'õrepa ichi sõpiadepa mɨ bɨsima ichi pae ne oo bamẽrá. Mãɨpuru mɨa mãrá nãɨ jararuma: mi ãpia pida k'ɨ̃risiaiwẽa bɨma ara ichi chi atepe bɨt'a. Mãrapa Cristode ĩjãanana pẽra Tachi Ak'õrepa machicha ne awara awará teasima ne oodamẽrá. Mãɨpuru ichia teada jĩra machia oo p'anɨ k'orea pia k'ɨ̃risiat'ɨ.

Romano 12:6

Tachi Ak'õrepa ichi sõpiadepa tachicha ne oodamẽrá awara awará teasima. Ichia chi tearua teasima ichi pari pedeadamẽrá. Mãɨya teasipɨra, ãchia piarã ĩjãa p'anɨnepa mãɨya pedeadai p'anɨma.

1 Corintio 15:10

Maamina Tachi Ak'õrepa ichi sõpiadepa mɨ bɨsima Jesucristopa peeda bamẽrá. Ichia mɨ pari mãɨya bɨé pasima. Mãɨpari jõma chi waapẽarã Jesucristopa peedaɨrã k'aepẽra mɨa ichi pae atepe oo bɨma. Maamina ara mɨchidepa mãɨya oowẽa bɨma. Tachi Ak'õrepuru ichi sõpiadepa mɨ k'aripa bɨma mãɨya oomẽrá.

1 Corintio 3:10

Mɨ te ooparí pia jĩra bɨma. Tachi Ak'õrepa ichi sõpiadepa mɨá teadadepa, te tĩitau yaayá eudu k'orosima. Waapẽarãpa mãɨ ɨ̃rɨ te oopatama. Maamina tachicha jĩrak'aua bai bɨma sãmaasã́ mãɨ ɨ̃rɨ ooi bɨt'a.

Gálata 2:9

Ũpẽarã chi atepe k'awa p'anɨrã Santiagopa, Pedropa mãɨnepa Juanpa k'awasidama Tachi Ak'õrepa ichi sõpiadepa piarã mɨ judiorãwẽmá peesit'a. Mãɨne ãchi mɨ ome mãɨnepa Bernabé ome arapá jua jitasidama k'awapidai k'orea abarik'a k'ɨ̃risia uru p'anɨt'a. Ãchia jarasidama taipa judiorãwẽmá jaratea p'ananait'a, mãɨnepa ãchia judiorãmá jaratea p'ananait'a.

1 Timoteo 4:6

Timoteo, pɨa jõma mãɨ ũpẽarã́ jaratea baipɨra, Jesucristo pae pari mimiaparí pia baipɨ. Tachi Ak'õre chi piarã pedea tachia ĩjãa p'anɨ ĩjãapodoutadepa pɨ jaore chaarea wari baipɨ, pia nek'o bɨ jĩra.

2 Timoteo 1:6

Mɨ jua pɨ ɨ̃rɨ bɨside Tachi Ak'õrepa pɨá ne teasima ichi pae oomẽrá. Mãɨ k'orea mɨa jararuma: mãɨ Tachi Ak'õrepa teada pia oo bapariese, et'abarrade t'ɨpɨ p'uapari jĩra.

2 Timoteo 2:14

Jõma mãɨ tachi ũpẽarã́ k'ɨ̃risiapi base. Tachi Ak'õre k'ĩrari ũraase ãchi piawẽa be k'orea k'ĩruu pedea p'ananaiwẽa p'anɨ. Mãɨ k'ĩruu pedeapa tachi k'aripak'ama, mãɨpari chi ũri berã́ k'ɨ̃risia mietá k'ɨ̃risiapiparima.

Tito 3:1

Ũpẽarã́ k'ɨ̃risiapise chi nãɨ ĩjũanepema minachia k'awa p'anɨrã juade p'ananai p'anɨma. Ãchia jarauta oodai p'anɨma mãɨnepa nejõma pia oodai k'orea p'ananai p'anɨma.

Hebreo 13:22

Ũpẽarã, mɨa nãɨ k'art'a teesoawẽa bɨt'a bɨsima mãrapa pia ĩjãanamẽrá. Mãɨpuru mɨa mãrá chichupuria idiruma nãɨ pedea pia ũrinamẽrá.

1 Pedro 5:12

Ũpẽa Silvanopa nãɨ k'art'a chak'e k'aripa bɨsima. Mɨa k'awa bɨma ara ichia jara bɨ jĩra nejõma ooparit'a. Nãɨ k'art'adepa mɨa mãra k'aripa k'ɨ̃ria bɨma pia ĩjãanamẽrá. Mãɨnepa k'awapii k'ɨ̃ria bɨma piarã Tachi Ak'õrepa ichi sõpiadepa k'aripa bɨt'a. Mãɨ ĩjãa p'anat'ɨ.

2 Pedro 3:15

K'ɨ̃risiat'ɨ Tachi Chiparipa ẽpẽrarã k'aripai k'orea jõma choa bɨt'a. Ara mãɨya tachia k'ɨ̃ria p'anɨ ũpẽa Pablo pida k'art'ade mãrá bɨsima, Tachi Ak'õrepa ichiá teada k'ɨ̃risiadepa.

1 Juan 5:13

Mɨa nãɨ k'art'a mãra chi Tachi Ak'õre Warrade ĩjãa be pae bɨruma k'awadamẽrá ewaricha Tachi Ak'õre ome chok'ae p'ananait'a.