Romano 15:12 - Tachi Ak'õre Pedea

¹² Mãɨnepa Isaíapa ichi k'art'ade nãɨya bɨsima: «Jesedepa aba cheipɨ. Mãɨ jõma p'uuru be Chipari beeipɨ. Judiorãwẽpa ichide ĩjãanaipɨ nejõma pia nɨ p'anɨt'a ãchiá teamẽrá».

Romano 15:12 ပူးပေါင်းရင်းမြစ်များ

Mateo 12:21

Mãɨne p'uuru becha ichi nɨ p'ananaipɨ, ãchi k'aripamẽrá.

1 Corintio 15:19

Tachia Cristodepa nãɨ ĩjũanepuru pia p'ananai k'ɨ̃risia p'anɨpɨra, jõmãɨrã k'aepẽra chichupuria p'anɨma.

2 Timoteo 1:12

Mãɨ k'orea mɨ mãɨya mĩa bɨma. Maamina p'erawẽa bɨma. Mɨa k'awa bɨma k'aide ĩjãa bɨt'a. Mãɨnepa k'awa bɨma mɨa ichi juade ne bɨda ak'ɨmẽrá, mãɨ ichia p'ue ak'ɨi bɨt'a, aba ichia ɨtɨai ewaridea.

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.

1 Juan 3:3

Chi Cristo jĩra bai k'orea nɨ bɨt'a ara ichit'u ak'ɨ baparima nemietá ooemaapa, Cristo nemietá newẽa bɨ jĩra.

Apocalipsi 22:16

»Mɨ Jesupɨ. Tachi Ak'õrepa ɨt'aripa peeda peesima mãɨ ãarea ũpẽarã becha jaramẽrá. Mɨ Davidepa chedapɨ, chi ichidepa t'õnapɨ. Mɨ chi ãsã parudepema k'ãk'ãi minachia jẽrat'ĩupariade apatama».

Apocalipsi 5:5

Maamina chi veinticuatro chõarãnepema abaɨpa mɨa mãɨya jarasima: «Waa jẽarãse. Ak'ɨse, Davidepa cheda aba bɨma. Mãɨ chi Imama apataɨ Judadepa chedapa Tachi Ak'õre nek'ĩramá p'uesima. Ichiapuru chi k'ara nɨbɨ siete p'anɨt'a nãɨ k'art'ade p'ue ewaipɨ».