Romano 14:9 - Tachi Ak'õre Pedea

⁹ Cristo piusima, piudaadarã Chipari pai k'orea. Mãɨnepa chok'ae p'irabarisima, chi chok'ae berã Chipari pai k'orea.

Romano 14:9 ပူးပေါင်းရင်းမြစ်များ

Mateo 28:18

Mãɨne Jesú ãchi k'ait'a chek'ari jarasima: —Tachi Ak'õrepa mɨá jua chaarea teasima pajãne mãɨnepa nãɨ ĩjũane ne ãarea mɨ juade uru bamẽrá.

Luca 24:26

¿Tachi Ak'õrepa Tachi K'aripaparí teai jarada chi Choma beei naena minachia mĩa baiwẽ pasik'ãra?

Juan 12:24

Mɨa piarã jararuma: trigo tau ĩjũane baek'ari ya piuepɨra, aba ichi tuaba beeima. Maamina mãɨ trigo tau piuda jĩra ĩjũane beeipɨra, mãɨya bak'ari minachia chauparima.

Hecho 10:36

Tachi Ak'õrepa chi pedea pia Jesucristo k'orea pedea peesima Israeldepemarã́, Tachi Ak'õre ome pia p'ananamẽrá. Mãɨ Jesucristo ãareaɨrã Chiparipɨ.

Hecho 10:42

Jesupa tai peesima jõma ẽpẽerã́ nãɨya jaradamẽrá: Tachi Ak'õrepa ichi bɨsima chi chok'ae berã mãɨnepa piudaadat'a ãchi nepɨra ak'ɨparí bamẽrá.

Romano 10:9

pɨ it'aedepa Jesú jõmãɨrã Chipariade aipɨra, mãɨnepa Tachi Ak'õrepa ichi chok'ae p'irabaripisit'a pɨ sõnepa ĩjãaipɨra, Tachi Ak'õrepa k'aripaipɨ.

2 Corintio 5:14

Cristopa tai k'ɨ̃ria bɨ pẽra ichia k'ɨ̃ria bɨt'a oo p'anɨma. Mãɨ k'ɨ̃risiadak'ari, piarã k'awa p'anɨma Ẽpẽra Aba piusit'a jõmãɨrã k'orea. Mãɨpuru Tachi Ak'õre k'ĩrari jõmãɨrã piusidama.

1 Tesalonicense 4:14

Maamina tachia Jesú piu bada chok'ae p'irabarisit'a ĩjãa p'anɨma. Mãɨpuru k'awa p'anɨma Jesude ĩjãapataɨrã piudaadarã Tachi Ak'õrepa jõma chok'ae p'irabaripik'ari ichi ome ateewãipɨ.

1 Tesalonicense 5:10

Ichi tachi pari piusima. Mãɨpuru tachi chok'ae p'anɨpɨra mãɨyawẽpɨra piudaadapɨra, ichi cherude ichi ome ará chok'ae p'ananaipɨ.

2 Timoteo 4:1

Jesucristo cheipɨ ichidirã ichi juade ua bai k'orea. Mãɨne ẽpẽrarã chok'ae be mãɨnepa piudada nepɨra ak'ɨipɨ. Mãɨpuru Jesucristo k'ĩrari mãɨnepa Tachi Ak'õre k'ĩrari mɨa nãɨ pedea jararuma pɨa oomẽrá:

Hebreo 12:2

Jesude pia k'ɨ̃risiadai p'anɨma. Ichia k'aripasima tachia naa ĩjãanamẽrá mãɨnepa k'aripaparima ewaricha ĩjãa p'ananamẽrá. K'ɨ̃risiat'ɨ sãmaasã́ ichi k'urusude minachia mĩasit'a. Mãɨ k'orea p'erai badamina p'eraé pasima. Ichia k'awasima mãɨya nak'ari minachia arapá bait'a. Idiapae Tachi Ak'õre suak'a beeparí pia bɨ juaraari suak'abari bɨma.

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.

1 Pedro 4:5

Maamina Tachi Ak'õrepa ãchi nepɨra ak'ɨrude ãchia oodada ichiá ãarea mãɨya jaradaipɨ. Ichia chi chok'ae berã mãɨnepa piudaadarã nepɨra ak'ɨi k'orea bɨma.

Apocalipsi 1:18

Mɨ chi Chok'ae Bɨma. Mɨ piudamina ak'ɨse chok'ae bɨ, mãɨnepa ewaricha chok'ae baipɨ. Mɨa piudarã chok'ae p'irabaripi bɨma.

Apocalipsi 2:8

»Ũpẽarã Esmirna p'uurudepema ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Chi Naa bɨ mãɨnepa K'aadea bɨ, chi mãɨ piu bada ya chok'ae beedapa nãɨya jara bɨma: