Romano 14:2 - Tachi Ak'õre Pedea

² Mɨa nãɨ jara bɨma: waapẽarã ũpẽarãpa k'awa p'anɨma nejõma k'odai p'anɨ. Maamina chi eda ũpẽarãpa tachia Jesucristode ĩjãa p'anɨ k'orea wapida pia atua p'anɨ pẽra k'ɨ̃risia p'anɨma abapuru ne uu ĩjũanepema k'odai p'anɨ.

Romano 14:2 ပူးပေါင်းရင်းမြစ်များ

Romano 14:1

Ũpẽa abaɨ pida tachia Jesucristode ĩjãa p'anɨ k'orea wapida pia atua bɨpɨra, ichi pia jitat'ɨ. Maamina ichia atua bɨ k'orea ichi ome k'ĩruu pedearãt'ɨ.

Romano 14:14

Mɨ Tachi Chipari Jesucristo ome bɨ pẽra piarã k'awa bɨma mi ãpia pida chik'o mietá bɨwẽt'a. Maamina abaɨmá paritua chik'o k'oi pia bɨwẽpɨra, makɨɨ k'oiwẽa bɨma.

Romano 14:20

Mãrapa k'o p'anɨnepa Tachi Ak'õrepa waapẽarã sõne ooda itu bɨrãt'ɨ. Piarã Tachi Ak'õre k'ĩrari mãɨ chik'o ãarea pia bɨma. Maamina chi tachia k'o p'anɨnepa abaɨ nemietaade baepidait'a, mãɨ piawẽa bɨma.

Romano 15:1

Tachia ĩjãa p'anɨ k'orea minachia k'awa berãpa tachia k'ɨ̃ria p'anɨ k'aepẽra, chi pia atua k'ede k'aripadai p'anɨma.

1 Corintio 10:25

Ne k'iuru netopataɨmá netopataɨdepema ãarea k'odai p'anɨma. Maamina idirãt'ɨ mãɨ ne k'iuru chi sãdoa teadada pada k'awadai k'orea, mãɨ pia bɨwẽane a k'ɨ̃risia p'anɨ pẽra.

1 Corintio 8:9

Piarã tachia k'o k'ɨ̃ria p'anɨt'a p'ue k'odai p'anɨma. Maamina jĩrak'aua p'anat'ɨ mãrapa ne paritua k'o p'anɨnepa machi ũpẽa pia atua bɨt'a k'achiade baepidaemaapa.

1 Corintio 9:22

Chi ũpẽarã chi piarãpẽa pedea ãpia k'awa k'ede t'ãena bɨde ãchi jĩra baparima mɨnepa Jesucristo k'orea pia k'awadamẽrá. Mɨ wãrucha ẽpẽrarã t'ãena bɨde ãchi jĩra baparima mɨnepa waapẽarãpa Cristode ĩjãanak'ari mɨa ãchi nemietaadepema k'aripamẽrá.

Gálata 2:12

Nãɨya piawẽa oosima: chi eda waapẽarã ũpẽarã judiorã Santiago bɨmãɨpa Antioquía p'uurudea wãsidama. Ãchi chedai naena Pedro ũpẽarã judiorãwẽ ome nek'opachima, maamina mãɨ ũpẽarã judiorã chedak'ari ichi waa ũpẽarã judiorãwẽ ome nek'oé pasima. Mãɨpari awara beesima. Wap'easima chi jarapachidapa chi judiorãwẽ k'ak'ua tauchaadai p'anɨane a p'anana k'orea.

1 Timoteo 4:4

Nejõma Tachi Ak'õrepa ook'oada pia bɨma. Mãɨpuru Tachi Ak'õrea sõpia p'anɨane adaipɨra mi ãpia pida tachia p'ue k'odai p'anɨnepema abaɨ pida p'ue k'owẽa beeyade aiwẽa bɨma.

Tito 1:15

Tachi Ak'õre k'ĩrari pia berãmá nejõma Tachi Ak'õre k'ĩrari pia bɨma. Maamina Tachi Ak'õrene ĩjãanak'apɨɨrãmá mi ãpia pida pia bɨwẽma. Ãchia k'achia k'ɨ̃risiapatama mãɨnepa ãchi sõne nepɨra paraawẽa p'anɨane apatama.

Hebreo 13:9

Maamina chi eda waapẽarãpa ne wawaria piawẽa jarateapatama. Ãchirã́ itu seapirãt'ɨ. Mãrapa ne wawaria k'o p'anɨnepa wa nek'odawẽa p'anɨnepa k'aripak'ama. Chi mãɨya oo p'anɨrã pia p'anɨwẽma. Mãɨpari Tachi Ak'õrepa ichi sõpiadepa k'aripa bɨma mãrapa pia sõnepa ĩjãanamẽrá.

Hebreo 9:10

Moisepa bɨdapa abapuru k'awapisima chi tachi k'ak'ua ɨ̃rɨpema k'orea jarateapataɨ: k'ãre k'odai p'anɨt'a, k'ãre todai p'anɨt'a, mãɨnepa Tachi Ak'õrepa sɨɨpi bɨ sãmaasã́ sɨɨdai p'anɨt'a. Mãɨ ãarea nãɨ k'ak'uade oopachidama aba Tachi Ak'õrepa ãarea k'ĩra chiwidi oorudea.