Romano 14:18 - Tachi Ak'õre Pedea

¹⁸ Chi mãɨya Cristo pae mimiapataɨrã Tachi Ak'õrepa pia unu bɨma. Ẽpẽrarã pida pia unupatama.

Romano 14:18 ပူးပေါင်းရင်းမြစ်များ

Marco 13:34

Mãɨ ewari cheru nãɨ jĩra bɨma: ẽpẽra tua awaraɨdea wãrune chi ichi pae pari mimiapataɨrã ameeparima ichi te ak'ɨdamẽrá. Ãchicha bɨparima ne oodamẽrá. Chi eda wãpataɨ ak'ɨparia jaraparima pia ak'ɨ bamẽrá.

Juan 12:26

Paritua mɨ pae pari mimiaparí pa k'ɨ̃ria bɨpɨra, mɨ ome nipai bɨma. Mɨ wãrumá, chi mɨ pae pari mimiaparí sida wãipɨ. Paritua mɨ pae pari mimiaparipɨra, mɨ Ak'õrepa ichi chi choma bɨipɨ.

Hecho 10:35

Mãɨpari p'uurucha chi ichi wap'eapa jĩp'a oo bet'a pia unuparima.

Romano 12:11

K'oa p'anarãt'ɨ, mãɨpari chok'ea p'anat'ɨ. Tachi Chipari Jesupa k'ɨ̃ria bɨt'a sõnepa jõma oot'ɨ.

Romano 14:4

¿Pɨ k'aima mãɨya abaɨ pae pari mimiaparí k'orea k'achia pedeait'a? Ichi chiparia puru jaraipɨ pia oo bɨ wa piawẽa oo bɨt'a. Maamina Tachi Chiparipa jaraipɨ jõma ichi pae pari mimiapataɨrãpa pia oo p'anɨ, ichi jua chaareadepa k'aripa bɨ pẽra pia oo p'ananamẽrá.

Romano 16:18

Ãchia Tachi Chipari Jesucristopa k'ɨ̃ria bɨ oo p'anɨwẽma, mãɨpari ãchia k'ɨ̃ria p'anɨt'a oo p'anɨma. Ãchi pedea pia bɨdepa chi k'ɨ̃risiadawẽa berã seapatama.

Romano 6:22

Naapae mãra nemietá oodaadadepema pari ãjã́ p'aneenana pẽra Tachi Ak'õre pae pari mimiapataɨrã p'aneesidama. Mãɨya Tachi Ak'õre pae pia p'aneesidama. Mãɨpuru ichi ome ewaricha chok'ae p'ananaipɨ.

1 Corintio 7:22

Chi Tachi Ak'õrepa t'ɨ̃na chipari pae pari mimiaparí, Tachi Chiparipa nemietaadepema k'aripasima, ichi pae ne oo bamẽrá. Mãɨne chi Tachi Ak'õrepa t'ɨ̃na ara ichi chipari pae pari mimiapariwẽt'a, naapae Cristo pae pari mimiaparipɨ.

2 Corintio 4:2

Nejõma k'achia ẽpẽrarãpa mẽra oopataɨ mãɨnepa p'era oopataɨ taipa itu bɨsidama. Waapẽarã seadak'ama. Tachi Ak'õre pedea k'ĩra ãyá jarateadak'ama, mãɨpari chi piarã pedea pia jarateapatama. Mãɨya Tachi Ak'õre k'ĩrari taipa jõmãɨrã́ k'awapipatama jĩp'a oo p'anɨ.

2 Corintio 5:11

Tachi Chipari wap'ea p'anɨ pẽra taipa ẽpẽrarã́ jara p'anɨma ichide ĩjãanamẽrá. Tachi Ak'õrepa k'awa bɨma taipa k'ɨ̃risia piadepa jaratea nipadada. Mɨa k'ɨ̃risia bɨma mãra pida mãɨ k'awa p'anɨt'a.

2 Corintio 5:9

Mãɨ k'orea nãɨ k'ak'uade p'anɨne wa piusidara, tachia jõma oo k'ɨ̃ria p'anɨma Tachi Ak'õrepa pia unumẽrá.

2 Corintio 6:4

Mãɨpari ne ãareaɨne unupi p'anɨma tai Tachi Ak'õre pae pari mimiapataɨrã. Minachia mĩa p'anɨne, nenea p'anɨne mãɨnepa nepɨrade p'anɨne jõma choa p'anɨnepa mãɨya unupi p'anɨma.

2 Corintio 8:21

Piarã taipa Tachi Chipari k'ĩrari mãɨnepa ẽpẽrarã k'ĩrari jĩp'a oo k'ɨ̃ria p'anɨma.

P'ilipense 4:18

Nejõma mãrapa ũpẽa Epap'rodito ome tea peedada mɨa jitasima. Mãɨpuru ne minachia uru bɨma. Mãɨpa mɨ pia baipɨ. Mãrapa tea peedada, k'era p'iumá Tachi Ak'õrea teada jĩra bɨma. Mãɨ Tachi Ak'õrepa pia unu bɨma.

P'ilipense 4:8

Mãɨ awara ũpẽarã, jõma piarãnepema, nejõma tachia pia bɨt'a unupataɨdepema, jõma jĩp'a bɨdepema, jõma nemietaawẽa bɨdepema, jõmãɨrãpa k'ɨ̃riapataɨdepema, jõma chi piipará bayade a p'anɨnepema, nejõma piadepema mãɨnepa nejõma tachia pia jarapataɨdepema k'ɨ̃risia p'anat'ɨ.

Colosense 3:24

Mãra Tachi Chipari Cristo pae pari mimiapataɨrãpɨ. Mãrapa k'awa p'anɨma ichi pae pia oo p'anɨ pẽra, ichia mãrá chi ne atadai p'anɨt'a teaipɨ.

1 Timoteo 2:3

Mãɨya ɨt'aa chiidi p'ananai pia bɨma. Tachi K'aripaparipa mãɨ pia unu bɨma.

1 Timoteo 5:4

Maamina p'ẽtãpa warrarã uru bɨpɨra, ãichaerã uru bɨpɨra, mãɨrãpa k'aripadai p'anɨma. Ãchia minachia k'awadai p'anɨma sãmaasã́ ãchi tiidapemarã k'aripadai p'anɨt'a. Ãchi ak'õre, nae mãɨnepa ak'õrechõarã ne teadai p'anɨma mãɨrãpa ãchiá ne tea p'anana jĩra. Mãɨ Tachi Ak'õre k'ĩrari jĩp'a bɨma.

1 Pedro 2:12

Tachi Ak'õrene ĩjãanak'apɨɨrã t'ãena jĩp'a nipat'ɨ. Mãɨya ãchia mãra nemietá oopataade a p'anɨmina, mãrapa pia oo p'anɨt'a unu p'anɨma. Maapae Tachi Ak'õre cherude mãra k'orea ichiá pia pedeadaipɨ.

1 Pedro 2:20

Mãrapa nemietá oo p'anɨ k'orea chi chiparipa mãra ɨtɨaipɨra, mãrapa choautamina ¿k'aipa mãra k'orea pia pedeaima? Maamina pia oo p'anɨ k'orea nepɨrade p'anɨne choadaipɨra, Tachi Ak'õrepa pia unuipɨ.

1 Pedro 2:5

Mãra ichidepa chok'ae p'anɨ pẽra mawara te oopataɨ jĩra p'anɨma. Mãranepa Tachi Ak'õrepa ichi te ooruma. Mãɨnepa mãra p'aarerã ichi pae papi bɨma. Mãrapa Jesucristodepa Tachi Ak'õre pae ne oo p'anɨne, ichiá ãnimara paateauta jĩra oo p'anɨma. Mãɨya oo p'anɨt'a ichia pia unu bɨma.

1 Pedro 3:16

Ara machi tuaba k'awa p'anat'ɨ nemietá oodawẽa p'anɨt'a. Mãɨya mãra Cristodepa pia nipada k'orea chi piawẽa pedeapataɨrã p'eradaipɨ.