Romano 14:13 - Tachi Ak'õre Pedea

¹³ Mãɨpuru abaɨpa oo bɨ k'orea waa piawẽa pedeadaiwẽa p'anɨma. Mãɨpari sõnepa nãɨya k'ɨ̃risiadai p'anɨma: tachia oo p'anɨnepa ũpẽa abaɨ sida nemietaade baepidaiwẽa p'anɨma.

Romano 14:13 ပူးပေါင်းရင်းမြစ်များ

Mateo 16:23

Maamina Jesupa jĩitea ak'ɨk'ari Pedroa jarasima: —Tiore, mɨ omepema ãyá wãse. Mɨa ooi bɨt'a, pɨa oopiemaa bɨma. Pɨa Tachi Ak'õre jĩra k'ɨ̃risiawẽa bɨma. Mãɨpari ẽpẽra jĩra k'ɨ̃risia bɨma.

Mateo 18:7

¡Chi waapẽarã́ nãɨ ĩjũanepemarã nemietá oopipataɨrã ãchi chupuria p'ananaipɨ! Mãɨrã paraapɨ, maamina chi waapẽarã́ nemietá oopiparí, mãɨ mĩa chupuri baipɨ.

Mateo 7:1

»Waapẽarãpa nemietá oodada k'orea pedearãt'ɨ, abaɨa mãrapa nemietá oodada ak'ɨpiemaapa.

Luca 12:57

»Mãrapa ¿k'ãre k'orea p'ue k'awadak'ama k'ãre jĩp'a bɨt'a?

Luca 17:2

Abaɨpa chi ãpia k'ede nemietaade baepiipɨra, Tachi Ak'õrepa mãɨ ẽpẽra minachia ɨtɨaipɨ. Mãɨ minachia ɨbɨa ɨtɨai pẽra piipará bɨma mãɨ ẽpẽra obɨɨrɨde k'ũruma jɨ̃nak'ari p'usade edá t'aa peedait'a.

Romano 11:9

Mãɨnepa judiorã poro jũra jɨ̃parí jɨ̃ bɨ Davipa mãɨ k'orea Tachi Ak'õrea jarasima: «Ãchi arapaapataɨ nek'opataɨ te oomaa p'anɨne, pɨa ãchiá ãchi ɨtɨaiwẽane a k'ɨ̃risiapise. Mãɨya ãchi tuaba seadaipɨ ãnimara k'idap'ede baeuta jĩra. Mãɨne ãchi ɨtɨase.

Romano 14:10

Mãɨpuru ¿k'ãre k'orea pɨ ũpẽa k'orea k'achia pedea bɨma? ¿K'ãre k'orea ichi k'ɨ̃riawẽa bɨma? Tachi ãarea Tachi Ak'õre k'ĩrari p'ananaipɨ tachicha oodada ak'ɨmẽrá.

Romano 14:3

Maamina chi nejõma k'oparipa chi nejõma k'ok'apɨ́ itu bɨiwẽa bɨma. Mãɨnepa nejõma k'ok'apɨɨpa chi nejõma k'oparí k'achia pedeaiwẽa bɨma, umea Tachi Ak'õrepa jɨrɨ atada pẽra.

Romano 14:4

¿Pɨ k'aima mãɨya abaɨ pae pari mimiaparí k'orea k'achia pedeait'a? Ichi chiparia puru jaraipɨ pia oo bɨ wa piawẽa oo bɨt'a. Maamina Tachi Chiparipa jaraipɨ jõma ichi pae pari mimiapataɨrãpa pia oo p'anɨ, ichi jua chaareadepa k'aripa bɨ pẽra pia oo p'ananamẽrá.

Romano 16:17

Ũpẽarã, mɨa mãrá chichupuria idiruma jĩrak'aua p'ananamẽrá. Chi eda waapẽarãpa ũpẽarã́ ne awara awará k'ɨ̃risiapipatama. Chi mãrapa piarã pedea k'awadada ãchia k'ĩra awara jarateapatama. Mãɨ ẽpẽrarã ome ará p'anarãt'ɨ.

1 Corintio 10:32

Mãrapa ne oo p'anɨnepa judiorã, judiorãwẽ mãɨnepa ẽpẽrarã Tachi Ak'õrenepemarã nemietaade baepirãt'ɨ.

1 Corintio 11:13

Mãramá, ¿pia bɨk'ãra wẽrapa chi porode jɨ̃parí jɨ̃wẽa Tachi Ak'õrea ɨt'aa chiidii? Minachia k'ɨ̃risiat'ɨ pia bɨ k'awadai k'orea.

2 Corintio 5:14

Cristopa tai k'ɨ̃ria bɨ pẽra ichia k'ɨ̃ria bɨt'a oo p'anɨma. Mãɨ k'ɨ̃risiadak'ari, piarã k'awa p'anɨma Ẽpẽra Aba piusit'a jõmãɨrã k'orea. Mãɨpuru Tachi Ak'õre k'ĩrari jõmãɨrã piusidama.

2 Corintio 6:3

Tai k'orea abaɨa piawẽa unupidawẽa p'anɨma, mi ãpia pida piawẽa pedeapidaemaapa taipa jarateapataɨ k'orea.

P'ilipense 1:10

Mãɨya mãrapa minachia k'awadaipɨ k'ãre pia bɨt'a mãɨnepa Cristo cherude ichi k'ĩrari nemietá newẽa p'ananait'a mãɨnepa mãra k'orea waapẽarãpa k'achia pedeadawẽa p'ananaipɨ.

1 Timoteo 5:14

Mãɨ k'orea mɨa k'ɨ̃ria bɨma p'ẽtã́ wapida warra be k'ima atadait'a, warra t'õnait'a, mãɨnepa ãchi te sida pia ak'ɨdait'a. Mãɨya tachi nek'ĩramaapa p'ue piawẽa pedeaiwẽma.

Santiago 4:11

Ũpẽarã, waapẽarã k'orea k'achia pedearãt'ɨ. Abaɨpa ichi ũpẽa k'orea k'achia pedeaipɨra wa nepɨra pará bɨade aipɨra, Moisepa bɨda k'orea k'achia pedea bɨma, mãɨnepa mãɨ Moisepa bɨdat'u nepɨra pará bɨade a k'ɨ̃risia bɨma. Abaɨpa Moisepa bɨda nepɨra pará bɨade a k'ɨ̃risia bɨpɨra, mãɨ bɨdade jara bɨ jĩra oowẽa bɨma. Moisepa bɨdade jara bɨ jĩra ooi k'aepẽra ichit'a waapẽarã chi nepɨra ak'ɨparí beesima.

1 Juan 2:10

Chi ichi ũpẽa k'ɨ̃ria bɨt'a ɨnaane bɨma mãɨnepa nemietaade baepik'ama.

Apocalipsi 2:14

Maamina mɨa mãra k'orea ne ãpia jarai bɨma. Eda waapẽarã mãranepemarãpa Balaampa jarateada ũri p'anɨma. Balaampa Balác jarateasima sãmaasã́ israel ĩjũanepemarã nemietaade baepiit'a. Juapa oodada sãdorã́ ne k'iuru teada k'opipachima mãɨnepa chi k'ak'uadepa nemietá oopipachima.