Romano 13:13 - Tachi Ak'õre Pedea

¹³ Tachi jĩp'a nipadai p'anɨma ãst'á nipapata jĩra. Arapá oopataɨ tiidá it'ua tode wãnaiwẽa p'anɨma, tachi k'ak'uadepa nemietá oo p'ananaiwẽa p'anɨma, k'ĩruu pedea p'ananaiwẽa p'anɨma, mãɨnepa abaɨpa uru bɨ k'orea piawẽa k'ɨ̃risiadaiwẽa p'anɨma.

Romano 13:13 ပူးပေါင်းရင်းမြစ်များ

Luca 1:6

Ãchi umea Tachi Ak'õre k'ĩrari jĩp'a p'anasidama. Tachi Chiparipa oopi bɨ pedea jõma ĩjãapachida pẽra, waapẽarãpa k'achia pedeadaiwẽa p'anasidama.

Luca 16:19

»Ẽpẽra ɨbɨa basima. Ewaricha neet'á pia jɨ̃pachima mãɨnepa arapá nek'opataɨ waibɨa oopachima. Mãɨ ẽpẽra minachia pia bapachima.

Luca 21:34

»Jĩrak'aua p'anat'ɨ Tachi Ak'õre itu bɨdaemaapa. It'ua to p'anarãt'ɨ, ne k'ɨ̃risiawẽa p'anat'ɨ mãɨnepa tachi k'ak'uapa oo k'ɨ̃ria bɨ oorãt'ɨ. Jĩrak'aua p'ananaepɨra, ãnimara k'idap'ede baepari jĩra, mãɨ jĩra mãra atua p'anɨne mɨ mãicha cheipɨ. Mãɨ ewari cherude nãɨ ĩjũanepemarã ãarea sõ pará p'ananaipɨ.

Hecho 2:15

Mãrapa k'ɨ̃risia p'anɨma tai it'uapa piu p'anɨt'a maamina mãɨyawẽma. ¡Wapida tap'ededa bɨma!

1 Corintio 3:3

Mãra wapida nãɨ k'ak'uapa oo k'ɨ̃ria bɨ jĩra nipapatama: waapẽarãpa uru bɨ k'orea piawẽa k'ɨ̃risiapatama mãɨnepa k'ĩruu pedeapatama. Mãɨya p'anɨ pẽra ¿nãɨ k'ak'uapa oo k'ɨ̃ria bɨ jĩra nipapatawẽk'ãra? ¿Nãɨ ĩjũanepemarã jĩra p'anɨwẽk'ãra?

Gálata 5:19

Tachia chi nãɨ k'ak'uapa nemietá ooparí minachia k'awa p'anɨma. Nãɨpɨ: k'ima awaraɨ ome k'ãipataɨ, ne k'ĩra p'era oopataɨ, chi ne wawaria ome ne k'ĩra p'era ooyá p'anapataɨ,

Gálata 5:21

waapẽarãpa uru p'anɨ k'orea piawẽa k'ɨ̃risiapataɨ, mĩa peapataɨ, piu nipapataɨ, arapaapataɨ ewari oo p'anɨne minachia nemietá oopataɨ mãɨnepa nejõma nemietá mãɨ jĩra be sida. Mɨa mãrá naena jarada jĩra mãicha jararuma: mãɨ nemietá oo be Tachi Ak'õre juade p'ananaiwẽma, ichidirã paara.

Ep'esio 4:1

Mɨ Tachi Chipari k'orea eda serra bɨma. Mɨa mãrá chichupuria idiruma jĩp'a nipadamẽrá. Tachi Ak'õrepa mãra t'ɨ̃sima mãɨya nipadamẽrá.

Ep'esio 4:17

Mãrapa piarã oodamẽrá, mɨa Tachi Chipari t'ɨ̃nepa nãɨ jararuma: waa Tachi Ak'õrene ĩjãanak'apɨɨrã jĩra niparãt'ɨ. Ãchi k'ɨ̃risia piawẽa p'anɨnepa nipapatama.

Ep'esio 5:15

Mãɨpuru jĩrak'aua p'anarãt'ɨ. Atua be jĩra p'anarãt'ɨ, mãɨpari mãra k'ɨ̃risiadepa p'anarãt'ɨ.

Ep'esio 5:18

It'uapa piu niparãt'ɨ. Mãɨpa nemietá atepe oopiparima. Piu nipadai k'aepẽra Tachi Ak'õre Jaoredepa p'anat'ɨ.

Ep'esio 5:8

Naena mãra p'ãrionepema pasima, maamina idiapae Tachi Chipari ome p'anɨ pẽra mãra ɨnaanepemarãpɨ. Mãɨpuru ɨnaanepema warrarã jĩra nipat'ɨ.

P'ilipense 1:27

Jĩp'a nipat'ɨ chi pedea pia Cristo k'orea jara bɨ jĩra. Mãɨyara mɨa mãra ak'ɨde wãipɨra, wa mãra ome bɨwẽne mãra k'orea ũriipɨra, k'awaipɨ mãrapa abarik'a k'ɨ̃risiadepa ará minachia ĩjãa p'anɨt'a mãɨnepa ará minachia mimia p'anɨt'a mãɨ pedea pia k'awapidai k'orea.

P'ilipense 2:3

Waapẽarã k'aepẽra atepe pia be k'ɨ̃risia p'anɨnepa mi ãpia pida oorãt'ɨ. Mãɨnepa oorãt'ɨ mãra paepuru pia p'ananai k'orea. Mãɨpari k'ɨ̃risiat'ɨ waapẽarã mãra k'aepẽra atepe pia berã.

Colosense 1:10

Mãɨya mãra p'ue jĩp'a nipadaipɨ Tachi Chiparipa k'ɨ̃ria bɨ jĩra mãɨnepa ne ãareaɨne ichia mãra pia unuipɨ. Piarã mãrapa nejõma pia oo p'anɨnepa nejõ pia chau bɨ jĩra tuananaipɨ mãɨnepa Tachi Ak'õre pia k'awapododaipɨ.

Colosense 3:5

Mãɨpuru jõma nãɨ ĩjũanepema k'ɨ̃risia mãra sõne bɨ itu bɨt'ɨ. Awaraɨ ome k'ãirãt'ɨ, ne k'ĩra p'era oorãt'ɨ, mãra k'ak'uapa nemietá ooyá bɨ oorãt'ɨ, k'ɨ̃risia k'achia k'ɨ̃risiarãt'ɨ, mãɨnepa ne minachia uru p'ananai k'ɨ̃ria p'anarãt'ɨ. Chi ne minachia k'ɨ̃ria uru bɨt'a juapa oodada sãdo ĩjãa bɨ jĩra bɨma.

1 Tesalonicense 2:12

Taipa minachia ũraasidama mãra Tachi Ak'õrepa k'ɨ̃ria bɨ jĩra nipadamẽrá. Ichia mãra t'ɨ̃sima ichi juade ua bai k'orea mãɨnepa ichi pia bɨdepema uru p'ananamẽrá.

1 Tesalonicense 4:12

Mãɨya p'anɨpɨra, mãrapa nɨnaiwẽa p'ananaipɨ awaraɨrãpa mãrá ne teadait'a. Ichiaba Jesude ĩjãanak'apɨɨrãpa mãra pia ununaipɨ.

1 Tesalonicense 5:17

Ɨ̃apaadawẽa Tachi Ak'õrea ɨt'aa chiidi p'anat'ɨ.

Santiago 4:5

Tachi Ak'õrepa tachi sõne bɨda Jaorepa k'ɨ̃ria bɨma aba Tachi Ak'õret'u k'ɨ̃ria p'ananamẽrá. ¿Mãrapa k'ɨ̃risia p'anɨk'ãra Tachi Ak'õre pedeade ara ichi k'ɨ̃ría mãɨya bɨpisit'a?

2 Juan 1:4

Mɨa pɨ warrarã eda waapẽarã unusima. Mɨ sõ arapá beesima ãchi piarãnepa nipadada pẽra, Tachi Pajãnepema Ak'õrepa jara bɨ jĩra.

Juda 1:23

Chi t'ɨpɨ tau urua nɨbɨdea wãuta k'aripa p'anat'ɨ. Waapẽarã k'ĩra chupuria p'anat'ɨ, maamina jĩrak'aua p'anat'ɨ. Ãchia nemietá ãarea oopataɨ itu bɨt'ɨ.