Romano 13:11 - Tachi Ak'õre Pedea

¹¹ Jõma makɨɨ oo p'anat'ɨ, k'awa p'anɨ pẽra nãɨ ewari sãmaasã́ bɨt'a. Ɨ̃rɨmat'ɨ. Waa k'ãi p'anarãt'ɨ. Chi tachi nãɨ ĩjũa nemietaadepema k'aripai k'ait'a bɨma, tachia naa ĩjãanana k'aepẽra.

Romano 13:11 ပူးပေါင်းရင်းမြစ်များ

Mateo 16:3

Mãɨnepa tap'ededa ɨmata ochiaparieri pajã p'urea nɨbɨpɨra mãɨnepa t'aua nɨbɨpɨra, mãrapa ewari mietá bayade apatama. Mãrapa mãɨya ewari k'ĩra k'awa p'anɨmina Tachi Ak'õrepa nãɨ ewaride oo bɨt'a k'awadak'ama.

Luca 21:28

Mãɨ unuutade arapaat'ɨ, mãra k'aripai ewari ara paru pẽra».

1 Corintio 10:11

Jõma ãchi mãɨyanapa unupi bɨma sãmaasã́ Tachi Ak'õrepa chi nemietá ɨtɨaparit'a. Mãɨ Tachi Ak'õre pedeade bɨ bɨma, tachi nãɨ k'aadea ewaridepemarãpa ara mãɨ jĩra oopidaemaapa.

1 Corintio 15:34

Jĩp'a k'ɨ̃risiat'ɨ. Nemietá waa oorãt'ɨ. Chi eda mãranepemarãpa Tachi Ak'õre atua p'anɨma. Mãɨ k'orea mãra p'eradai p'anɨma.

Ep'esio 5:14

ɨnaane ãarea unupata pẽra. Mãɨ k'orea nãɨya jarapatama: «Ɨ̃rɨmase pɨ k'ãi bɨ. Nemietaade piu bada p'irabarise. Maapae Cristopa pɨ ɨnaane bɨipɨ».

Santiago 5:8

Ara mãɨ jĩra jõma choa p'anɨnepa nɨ p'anat'ɨ mãɨnepa sõnepa ĩjãa p'anat'ɨ, Tachi Chipari chei ɨ̃rɨ paru pẽra.

1 Pedro 4:7

Tãaraawẽane nejõma jõipɨ. Mãɨpuru jĩp'a k'ɨ̃risia p'anat'ɨ mãɨnepa jĩrak'aua p'anat'ɨ. Mãɨya Tachi Ak'õrea p'ue ɨt'aa chiididaipɨ.

2 Pedro 3:11

Nejõma jõi pẽra Tachi Ak'õrepa k'ɨ̃ria bɨ jĩra, mãra jĩp'a mãɨnepa nemietá newẽa nipadai p'anɨma.

2 Pedro 3:9

Tachi Chipari cheyade adaedapema tãaraaru pẽra, waapẽarãpa cheiwẽane a k'ɨ̃risia p'anɨma. Maamina mãɨyawẽma. Mãɨpari mãra k'orea ãarea choa bɨ pẽra tãaraaruma. Ichia k'ɨ̃riawẽa bɨma mi aba pida atuait'a. K'ɨ̃ria bɨma ãareaɨrãpa nemietá itu bɨdak'ari ichimá chedait'a.

1 Juan 2:18

Mɨ warrarã, nãɨ ewari jõpodoruma. Mãrapa ũrisidama Cristo nek'ĩramá cheit'a. Mãɨnepa minachia Cristo nek'ĩramaarã nɨbɨma. Mãɨpuru tachia k'awa p'anɨma nãɨ ewari jõpodorut'a.

Apocalipsi 1:3

Nãɨ Tachi Ak'õre pari pedeaparí pedea ũpẽarã k'ĩrari eda jararupa minachia pia baipɨ. Mãɨnepa chi nãɨ pedea ũrinak'ari oo berã minachia pia p'ananaipɨ, tãaraawẽa bɨde ara mãɨyai pẽra.

Apocalipsi 22:10

Mãɨnepa jarasima: «Nãɨ k'art'ade bɨ bɨma Tachi Ak'õre pari pedeaparí pedeat'a. Mãɨ mẽra uru barãse tãaraawẽa bɨde ãarea mãɨyai pẽra.

Apocalipsi 22:12

»¡Ũrit'ɨ, mɨ isapea cheipɨ! Cherude mɨa jõmãɨrã́ ne teade eneemeeipɨ ãchia oodada jĩra.

Apocalipsi 22:20

Ãarea nãɨ k'art'ade bɨ bɨt'a Jesupa piarãane a bɨma. Nãɨya jara bɨma: «¡Piarã mɨ isapea cheipɨ!» Pia bɨma isapea cheit'a. ¡Chese tai Chipari Jesú!