Romano 12:6 - Tachi Ak'õre Pedea

⁶ Tachi Ak'õrepa ichi sõpiadepa tachicha ne oodamẽrá awara awará teasima. Ichia chi tearua teasima ichi pari pedeadamẽrá. Mãɨya teasipɨra, ãchia piarã ĩjãa p'anɨnepa mãɨya pedeadai p'anɨma.

Romano 12:6 ပူးပေါင်းရင်းမြစ်များ

Mateo 23:34

Mɨa Tachi Ak'õre pari pedeapataɨrã, k'ɨ̃risia k'awa berã mãɨnepa Moisepa bɨda jarateapataɨrã mãramá peeipɨ. Maamina mãrapa chi eda waapẽarã peadaipɨ mãɨnepa chi eda waapẽarã k'urusude barijira bɨdaipɨ. Waapẽarã mãra judiorã ará pedeapataɨ tede soapa p'edaipɨ mãɨnepa p'uurucha ẽp'ẽnaipɨ.

Mateo 25:22

Maapae chi ume mil jitada chek'ari jarasima: “Mɨ chipari, pɨa mil k'ak'o ume teadadepa mɨa awara ume mil enemeesima”.

Luca 11:49

Mãɨ k'orea Tachi Ak'õrepa ichi k'ɨ̃risiadepa nãɨya jarasima: “Mɨ pari pedeapataɨrã mãɨnepa mɨa peedarã sida mãra israel ĩjũanepemarãmá wãpiipɨ. Mãɨne chi eda waapẽarã peadaipɨ mãɨnepa chi eda waapẽarã ẽp'ẽnaipɨ”.

Hecho 13:1

Ũpẽarã Antioquía p'uurudepema t'ãena Tachi Ak'õre pari pedeapataɨrã mãɨnepa jarateapataɨrã p'anasima. Bernabé, Saulo, Lucio Cirenenepema mãɨnepa Simón basima. Simón ɨ̃ana t'ɨ̃ «Chi P'aimá» apachidama. Manaén sida basima. Ichi Galilea tuadepema chi poro jũra jɨ̃parí jɨ̃ bɨ Herode ome tausia warisima.

Hecho 15:32

Juda mãɨnepa Sila Tachi Ak'õre pari pedeapataɨrã pasima. Mãɨpuru ne minachia jarasidama ũpẽarãpa pia ĩjãanamẽrá mãɨnepa chaarea p'ananamẽrá.

Hecho 2:17

“Tachi Ak'õrepa nãɨya jara bɨma: K'aadeapema ewaride mɨ Jaore ãarea ẽpẽerã́ teaipɨ. Mãɨya mãra warrarã mãɨnepa mãra k'aurã mɨnepa pedeadaipɨ. Mɨa k'ũtãrã́ k'ãmok'araa jĩra ne unupiipɨ. Chõarã́ pida k'ãmok'araade ne unupiipɨ.

Hecho 21:9

Ichia k'aurã tuu p'anɨrã k'ĩmari uru basima. Mãɨ wẽrarã Tachi Ak'õre pari pedeapataɨrã pasima.

Romano 1:11

Piarã mɨa mãra unu k'ɨ̃ria bɨma Tachi Ak'õre Jaoredepa k'aripai k'orea. Mãɨya mãra chaarea p'ananaipɨ.

Romano 12:3

Tachi Ak'õrepa ichi sõpiadepa mɨ bɨsima ichi pae ne oo bamẽrá. Mãɨpuru mɨa mãrá nãɨ jararuma: mi ãpia pida k'ɨ̃risiaiwẽa bɨma ara ichi chi atepe bɨt'a. Mãrapa Cristode ĩjãanana pẽra Tachi Ak'õrepa machicha ne awara awará teasima ne oodamẽrá. Mãɨpuru ichia teada jĩra machia oo p'anɨ k'orea pia k'ɨ̃risiat'ɨ.

1 Corintio 12:18

Tachi Ak'õrepa tachi k'ak'uade nejõma bɨsima ichia k'ɨ̃ria bada jĩra.

1 Corintio 13:2

Mɨ Tachi Ak'õre pari pedeaipɨra, Tachi Ak'õrepa k'ɨ̃risia k'awapiwẽa bada jõma k'awa bɨpɨra, Tachi Ak'õre k'ɨ̃risia jõma k'awa bɨpɨra, mãɨnepa sõnepa piarã ĩjãa bɨdepa eya p'ue ãyá bɨipɨra, mãɨnepa waapẽarã k'ɨ̃riawẽa bɨpɨra, mãɨyara mɨ piawẽa bɨma.

1 Corintio 14:1

Waapẽarã k'ɨ̃ria p'anapariet'ɨ, mãɨnepa Tachi Ak'õre Jaorepa oopi bɨ jõma oo k'ɨ̃riat'ɨ. Maamina Tachi Ak'õre pari pedeadai atepe k'ɨ̃riat'ɨ.

1 Corintio 14:24

Maamina jõmãɨrã Tachi Ak'õre pari pedeadaipɨra, mãɨne Jesude ĩjãawẽa bɨ wa Tachi Ak'õre pedea ũri k'ɨ̃ria bɨ eda wãsira mãrapa jara p'anɨ ũri bɨdepa ichi nemietá ooparí k'awaipɨ mãɨnepa Tachi Ak'õre k'ĩrari nepɨra pará bɨ k'awaipɨ.

1 Corintio 14:29

Ara mãɨ jĩra Tachi Ak'õre pari pedeapataɨ ume wa ũpea pedeadai p'anɨma. Mãɨne jõmãɨrãpa ãchia pedea p'anɨ jĩrak'aua ũrinai p'anɨma piarã k'awadai k'orea.

1 Corintio 3:5

Maamina ¿Pablo k'aima? ¿Apolo k'aima? Tait'u Tachi Ak'õre pae pari mimiapataɨrãpɨ. Taidepa mãrapa Tachi Chiparide ĩjãasidama. Tachi Ak'õrepa taicha oopida jĩra oosidama.

1 Corintio 7:7

Mɨmá chi tuurã mɨ jĩra tuu p'aneenai p'anɨpɨra, mãɨya pia bɨma. Maamina Tachi Ak'õrepa tachicha sãmaasã́ bai teasima. Tachi Ak'õrepa waapẽarã́ tea bɨma p'ue tuu p'ananamẽrá. Mãɨnepa waapẽarã́ tea bɨma k'ima atadamẽrá.

2 Corintio 8:12

Piarã abaɨpa p'ue tearu jĩra sõpiadepa teaipɨra, mãɨ teada Tachi Ak'õrepa pia unuipɨ. Abaɨpa ne teai newẽa bɨpɨra, Tachi Ak'õrepa teapade ak'ama.

Ep'esio 3:5

Naena Tachi Ak'õrepa ẽpẽrarã́ mãɨ k'awapiwẽa basima, maamina naapae chi ichi pari pedeapataɨrã́ mãɨnepa chi Jesucristopa peedaɨrã́ ichi Jaoredepa mãɨ k'awapisima.

Ep'esio 4:11

Ichiapuru chi eda waapẽarã bɨsima ichia peedaɨrã p'ananamẽrá, waapẽarã bɨsima Tachi Ak'õre pari pedeapataɨrã p'ananamẽrá, waapẽarã bɨsima chi pedea pia Cristo k'orea jaratea nipadamẽrá, mãɨnepa waapẽarã bɨsima ũpẽarã ak'ɨpataɨrã mãɨnepa jarateapataɨrã p'ananamẽrá.

P'ilipense 3:15

Jõma tachi Cristo minachia k'awa berãpa mãɨ jĩra k'ɨ̃risiadai p'anɨma. Mãrapa k'ĩra awara k'ɨ̃risia p'anɨpɨra, Tachi Ak'õrepa sãmaasã́ k'ɨ̃risiadai p'anɨt'a k'awapiipɨ.

1 Tesalonicense 5:20

Tachi Ak'õre pari pedeaparipa jara bɨ itu bɨrãt'ɨ.

2 Pedro 1:20

Nãɨ minachia k'awat'ɨ: Tachi Ak'õre pari pedeapataɨrãpa Ichi Pedeade bɨdada ara ãchi k'ɨ̃risiadepa mi ãpia pida bɨdaé pasima.